Letas Teke Riso Tei Mae Pol Ka Khiloau Rom 3:7 - Buka Blahi Ka Cheke Holo

⁷ Jame keha naiknore cheke eghu, “Neuba tahati ne theome fatutuani ni nogna cheke mana na ba theome eni unha te chekeni mana na, tahati thofno laseni God te tajini nogna nhaꞌa cheke te mala fablahi ghita na. Eghume kate eni nakhibo na, tahati tusu ranghidi naiknore gaoghatho te mala cheke fakelini God nei chekeni God na keli fara naugna mana ne tajini nogna nhaꞌa cheke na.” Ba, igne tutuani? Theo fara! Nu jame neuba keha naiknore ne leghuni gaoghatho tuana ba cheke eghu ka God, “Naugna unha iagho ne para ghami ghehati eidi nakhibomi gre? Eigna ghehati laseni puhimu iagho na thofno tutuani fara!”

Letas Teke Riso Tei Mae Pol Ka Khiloau Rom 3:7 Iomraidhean Croise

Jenesis 37:20

Mei ghotilo, mala falelehe nodani mae igne mala koko lao nodani thinigna mae tuana ka kaisei khora ka igre eghu. Ke leghu na tahati ginauna na cheke eghu ka mae mama, ‘Kaisei bosu mhata ne ghamuni mana.’ Aonu tahati na laseni ne faꞌunha teuna ka nogna mifi mana igne.”

Eksodas 14:30

Ka narane tuana Lord neke atha fapulodi mae Israel gre ka khamedi hatimare mae Ijep. Eghuteuna hatimare mae Israel gre ne filodi thinidi hatimare mae soldia di Ijep gre te thuru lehe teu ka gratha na re.

Eksodas 14:5

Kate nomhini mae king gna Ijep na tela rikhahi naiknodi Israel re, mana nei nogna mae funei re eghu neke tughu gaoghatho ne cheke eghu fari thedi, “Tore, tahati thono fameomekro fara! Filo si ghotilo, tahati snakredi mae Israel ra la rikha la tei nodi. Eghume gognaro na tahati la theo noda mae sneka te mala edi noda gloku tahati gre eghu.”

Eksodas 3:19

Nu iara lasenihi eigna king gna Ijep ginauna theome snakre ghami ghotilo te tei na, jame te theome huhuruni iara mana te mala eni igne.

Matiu 26:34

Mae Jisas ne cheke eghu ka mae Pita, “Tutuani fara te chekeni iara ka iagho na. Iagho ginau bongi na, iagho na chekeni ne theome lase ghau iara teuna. Iagho na thilo fata chaghi ghau iara ame taitanhi nga khokorako na eghu.”

Mae Khuru 2:23

God neke leghuni nogna gaoghatho teke kulu nanhaꞌa tifa na ne snakreni mana mala lokini ghotilo. Eghuteuna ghotilo ne faleheni mana kate snakre lao ghotilo ka khamedi mae te diꞌa ra mala tupijuruni mare kau gaju fafatha.

Letas Teke Riso Tei Mae Pol Ka Khiloau Rom 3:4

Theo fara. Neubane chaghi naiknore, God ginauna tutuani fabrahu ka unha te chekedi mana re, jateu te chekeni ka grioriso te blahi na, “God, te chekeni iagho kate tapla jafra ghehati ka nakhibo na, ghehati laseni nou cheke iagho na thofno doglo fara. Eghuteuna kate ghaoghatho mala fate nigho teuna, naiknore ginauna filo glani nigho te doglo fabrahu iagho na.”