Letas Teke Riso Tei Mae Pol Ka Khiloau Rom 3:3 - Buka Blahi Ka Cheke Holo

³ Eghuteuna naikno Jiure neke eni kaisei nhaꞌa cheke ka God mala leghuni fabrahu teke eni mana ranghidi mare igne. Nu kmana naikno theome leghuni kolho u nhaꞌa cheke tuana. Ba, gaoghatho tuana mala jaola mana theome leghuni u nhaꞌa cheke teke eni mana ka mae Ebraham te mala fablahini vikegna mana na?

Letas Teke Riso Tei Mae Pol Ka Khiloau Rom 3:3 Iomraidhean Croise

Nodi Khoje Hatimare Mae Jiu 84:7

Kate haghe naiknore Saion na, mare nake heta fapulo, naugna mare ginauna na filoni God.

Profet Isaia 55:11

Chekegu iara na ginauna jateula tuana eghu. Gobigna lepo te chekedi iara igre ginauna thoke mei tutuani jateula teke ghathoni iara na eghu. Eghuteuna unha te chekeni iara na, na theome theo. Uve, gobigna lepo te chekedi iara igre ginauna thoke mei jateula te magnahagheni iara na eghu.

Naba 23:19

God na theome jateula naikno te lase chaghi ra eghu. Mana theome jateula tahati te lase tughu gaoghatho ra eghu. Unha glepo te nhaꞌa chekedi mana re, mana ginauna edi. Eghuteuna unha te chekedi mana re, ginauna thoke mei tutuani.

Matiu 24:35

Maloa ghe nauthoglu igre ginauna hui kolho, nu chekegu iara na ginauna na theo ka huigna.”

Jone 1:16

Tutuani fara, mae igne thofno mae keli fara, naugna mana ne edi fabrahu glepo te kelire ranghi ghita tahati hui.

Letas Teke Riso Tei Mae Pol Ka Khiloau Rom 10:16

Nu theome naikno te gnafa Israel gre te magnahaghei nomhini u Nonomho te Keli igne. Jateula teke chekeni mae profet Isaia tifa ka grioriso te blahi ia, “Lord, kehaghu kolho te fatutuanidi unha te chekedi ghehati gre.”

Letas Teke Riso Tei Mae Pol Ka Khiloau Rom 11:29

Naugna God na theome tangomana nate tughu nagnafagna ka mae Jiu, iheire mana teke vahidi nei fablahidi.

Letas Teke Riso Tei Mae Pol Ka Khiloau Rom 9:6

Neubane kmana mae Jiu te theome fatutuani ni nga teu mae Jisas Kraes, nogna nhaꞌa cheke God ranghidi mae Ebraham, mae Isak, nei mae Jekop na theome jafra. Naugna keha naikno ghu kolho Israel te thofno nogna naikno God re.

Fapea Korin 3:18

Tahati te gnafa na theome nabada kaisei glepo te mala toku tafrudi thinidare jateula teke eni mae Moses tifa ia eghu kate mei te namo ka Lord na. Nu tahati mala fakakhana u siasigla gna nogna nolaghi biꞌo Lord na. Eghuteuna leuleghu fata na siasigla gna Lord mae ihei te Tharunga igne mana na loku ke lamnada mala ghilei tughu tahati jateula thegna mana eghu.

Fapea Tesalonika 1:3

Ghehati cheke fakelini God leghu rane eimi ghotilo kheraguro. Nabami ghehati te eni igne, naugna nomi fatutuani ghotilo na bruara fara. Eghuteuna namha te sopa au ka ghotilo te gnafa na jaola bruara.

Fapea Timoti 2:13

Neuba tahati ne theome tajini noda nhaꞌa cheke na, mana ginauna na tajini fabrahu nogna nhaꞌa cheke na, naugna mana theome tangomana te chaghini thegna na.”

Hibru 4:2

Tahati la nomhinihi u Nonomho te Keli igne, nei naiknodi Israel tifa re neke nomhi nila. Nu neubane nomhinihi mare u cheke igne, theome toghodi mare kolho, naugna kate nomhini u cheke igne mare theome fatutuani kolho.

Ululahu Samuel 15:29

Nodi God maedi Israel te au fabrahu igne theome jateula tahati eghu tangomana te chaghi na, nei jaola theome tangomana teke tughu gaoghathogna na.”