Biblia Todo Logo
Bìoball air-loidhne

- Sanasan -




Letas Teke Riso Tei Mae Pol Ka Khiloau Rom 2:6 - Buka Blahi Ka Cheke Holo

6 Naugna God ginauna kafe tabadi ba fatedi eghu naiknore ka unha teke edihi mare re.

Faic an caibideil Dèan lethbhreac




Letas Teke Riso Tei Mae Pol Ka Khiloau Rom 2:6
25 Iomraidhean Croise  

Mana folidi naiknore leghuni gloku te eni mare na. Eghuteuna mana tufa ka mare unha te nabadi puhidi mare re.


Gognarona iagho ke figri, batudi naikno ra tei ka vido aheva teke chekeni iara ka iagho tifa ia. Filo sagho! Nogu engel iara na ginauna tei ke ulumu iagho. Nu neuba narane na la thoke meihi te mala paradi iara iheire teke eni nakhibo igne.”


Iagho thosei cheke eghu, “Iara theome laseni glepo tuana!” God na laseni thiꞌamu iagho na. Naugna mana te reireghini nakarhagna naikno na. Mana ginauna foli fapulo ka naikno te gnafare leghuni unha teke eni mare na.


Mare magnahaghei magra fabrahu kolho, eghuteuna mare chekeni koba eigna te mala eni puhi biꞌo na.


Mae te tusu lao gloku ka mae te fameomekro, ba ka mae te nolo tafri kolho na, jateula te hata jata te fada tafri ra eghu kolho.


Igne unha te ghathoni iara na, “God ginauna na kafe fate falehedi naikno te doglo nei naikno te diꞌa teu igre. Eigna mana liliseihi narane te mala fatedi gobigna lepo fateote'o te edi naiknore.”


“Iara Lord kolho te filoni glamnagna naikno na. Eghuteuna iara fariu riuni koba gaoghathogna naikno na, mala ke tughu fapulo ka naikno igne nabagna unha teke eni mana na.”


Iagho edi glepo te biꞌo igre ka nou nolaghi te biꞌo. Leuleghu fata na iagho filo glanidi puhidi naiknore, eghuteuna iagho ke tughu fapulo ka mare unha teke eni mare na.


Mae ihei te tapla jafra ka nakhibo na, mana ginauna mala lehe. Thugna mana re ginauna theome tangomana te au papara ka nakhibogna mae kmadi na, eghuteuna mae kmadi na theome tangomana te au papara ka nakhibodi thudi re. Ihei te au doglo na, mana ginauna hata nogna fablahi, nu ihei te diꞌa na mala au papara eidi glepo te diꞌa teke edi mana re.


“Eghume iara ginauna fate ghami ghotilo gnafa naiknomi Israel ra, eidi unha teke edi ghotilo ra. Iara Lord God cheke kate tutuani ka ghotilo: Ghotilo mala figri leghu ka nakhibomi fateote'o. Jame te eghu ghotilo na, nakhibomi ghotilo igre ginauna theome tangomana te goigoni ghami ghotilo na.


Eghume iara paradi mare leghuni puhidi mare te diꞌa igne nei glepo te diꞌa teke edi mare re eghu. Aonu iara ne khi fajifladi mala tei au tafri mare ka keha kantri are.


Tutuani fara, iara mae teke mei funu ka God na ginauna nake pulo mei ka nauthoglu igne balu nogna nolaghi biꞌo mae Mama. Eghuteuna, nogna engel mae Mama re ginauna mei balugu iara. Ka narane tuana iara ginauna tabadi naiknore eidi unha gloku teke edi mare.


Nou fatutuani iagho eidi gano igre khogla farihoteimu iagho themu nei God eghu kolho. Eghuteuna ihei te eni unha te ghathoni mana ne doglo nei theome diꞌanagnafa ka igne teuna, mana ginauna gleale'a fara.


Eghume mae te joꞌu sisi nei mae te toatofa khoꞌu teu igre kaisei gaoghatho kolho fei gloku na. Aonu God ginauna tabadi phiamare leghuni nodi gloku na.


Eghume thosei fate naikno nu ofou ghilei thoke mei Lord. Mana ginauna hata fajifla kate phae glepo te diꞌa fara te poru teu kate romno na, eghuteuna mana ginauna fakakhana glepo teke poru ka nagnafadi naiknore. God ginauna jaola fafnaknodi gnafa naikno te leghuni nodi puhi te kelire.


Eghume theome jaglo noda kate fariuriu nogna mae gloku Satan re te eni kaisei glepo biꞌo te mala jateula mae gloku teu te mala loku eigna unha te doglo na. Nu ka narane leghu lahu na, mae khuru chaichaghi igre ginauna au ka fate nabagna unha teke eni mare na.


Tahati laseni, tahati te gnafa na ginau ari kegra ka fate ke ulugna Kraes. Mana ginauna taba ghita hui, leghuni unha teke eni tahati ka nakarhada na kau nauthoglu igne, te keli ba te diꞌa.


Mae Aleksada, mae ihei te lase hohoro glepo ka aean gne edi kmana glepo diꞌa ranghi ghau iara. Lord ginauna nake tughu fapulo unha teke edi mana ka iara re.


Iara ginauna jaola falehedi iheire te leghuni naꞌa re. Aonu khiloau te gnafare ginauna lase ghau iara te tangomana te filo glanidi unha te au ke lamnagna nagnafadi naikno te gnafare. Eghuteuna iara ginauna jaola foli fapulo ghami ghotilo hui leghuni ngala unha teke eni ghotilo na, te keli ba te diꞌa.


Eghuteuna iara ne filodi naikno te gnafa teke lehe ra, mae teke fnakno ba mae teke theome fnakno tifa ra, mare kegra ke ulugna nogna sape nafnakno mae King na. Eghuteuna mare ne tothora bukare mala toutonudi unha teke edi teke mei naikno te gnafare ka nakarhadire. Aonu mare jaola ne tothora nogna buka God na. Mana neke rioriso soru nanghadi naikno te mala karha fabrahu tifa tifa ka buka igne. Mana ne kafe fatedi naiknore leghudi unha teke edi mare re.


Mae Jisas ne cheke eghu, “Iagho fanomho fakeli! Iara ginauna theome raugha nake pulo mei! Iara ginauna hata mei balugu taba te mala tabadi nogu naiknore. Tutuani, iara ginauna tabadi leghuni unha teke eni mare na.


Lean sinn:

Sanasan


Sanasan