Letas Teke Riso Tei Mae Pol Ka Khiloau Rom 2:3 - Buka Blahi Ka Cheke Holo

³ Nu ghotilo edi koba la glepo te fatedi ghotilo keha naikno gre! Ba, gaoghathomi na theome fate ghami God ginauna neu si ghotilo ia? Theo! God ginauna fate ghami!

Letas Teke Riso Tei Mae Pol Ka Khiloau Rom 2:3 Iomraidhean Croise

Fapea Samuel 10:3

mae biꞌodi Amon igre ne cheke eghu ka mae Hanun, “Ne ghatho tahuni mae Devet kmamu na ne kuru meidi mae igre mala fameomego nigho neu sagho ia? Theo! Mae Devet gne kuru mei mae igre mala fifilo fakeli ka noda namono biꞌo tahati igne, eghuteuna ke leghu na mana ginauna mei roꞌe ghita tahati.”

Thoutonu Eigna Mae Job 35:2

“Job, jau na puhimu iagho gne theome doglo. Te chekeni iagho na nakarhamu iagho na doglo kolho ka tathagna God na eghu.

Nodi Khoje Hatimare Mae Jiu 50:21

Ghotilo neke edi gobigna lepo igre, eghuteuna iara neke theome cheke ka ghotilo neku. Aonu gaoghathomi ghotilo na iara gne jateula ghotilo eghu kolho. Nu thono theo fara eghu. Iara gognaro na diꞌatagu fara ka ghotilo, eghuteuna iara na falalase ari ke ulumi ghotilo unha teke eni fadi ghotilo na eghu!

Nodi Khoje Hatimare Mae Jiu 56:7

God, diꞌatamu sagho e tapla sorudi mala theo nafudi kolho mare. Fakokhoanadi sagho eidi puhi te diꞌa te edi mare are.

Proveb 11:21

Tutuani fara, Lord ginauna parani naikno te diꞌa na. Nu hata fajiflani ihei te doglo na.

Proveb 16:5

Lord na theome magnahaghedi iheire te fahaehaghe fara are. Mana ginauna paradi mare.

Profet Esikiel 17:15

Nu king gna Juda igne ne theome leghuni nogna nhaꞌa cheke na. Mana ne fatei cheke Ijep mala hata hose nei armi biꞌo eghu mala mei toghoni nei mala magra ka king gna Babilonia. Ba, jame te eghuna, mana eghuteuna uluni Babilonia? Ba, mana tangomana te rikha na? Theo, mae ihei te huhughuni nogna nhaꞌa cheke na, mala au papara!

Profet Esikiel 17:18

Mana la huhughunihi u nhaꞌa cheke teke eni mana balugna king gna Babilonia ia, eghuteuna mana jaola theome leghudi cheke mala fofodu fakeli balugna mana teku ra. Eghume, mana ginauna theome tangomana te rikhani papara igne.

Profet Daniel 10:19

Eghuteuna mana ne cheke eghu ka iara, “Iagho thosei nanga nou, ba mhaghu, naugna God na namha nigho iagho fara. Iagho kegra heta!” Kate cheke eghu mana igne, iara thofno haimini neke rheta fapulo thinigu na, ne cheke eghu, “Mae biꞌo, cheke mei ka iara unha te magnahaghei chekeni iagho ka iara na naugna iara gognaro na kela nheta fapulo.”

Matiu 23:33

“Ghotilo chaghi fara jateula pholi eghu! Ghotilo vikegna mogo faghughumhu! Ghotilo ginauna theome tangomana te rikha kokoni diꞌatagna God na! Mana ginauna fate ghami ghotilo nei kuru tei ghami ghotilo Gehena.

Matiu 26:53

Tutuani fara iagho lasenihi igne. Iara tangomana te toreni mae Mama te mala kuru mei kmana thogha engel te mala togho ghau iara na.

Luku 12:14

Nu mae Jisas ne cheke eghu ka mana, “Ghema! Iara theo nogu nolaghi te mala mei tufa glepo farihoteimi ghopa na.”

Luku 22:58

Theome raugha ke leghugna igne, kaisei mae ne filoni mae Pita ne cheke eghu, “Ghema, iagho gne kaisei mae baludi la mare.” Nu mae Pita ne cheke eghu, “Ghema, iara theo!”

Luku 22:60

Mae Pita ne cheke eghu, “Ghema, iara theome laseni unha te chekeni iagho gne!” Kate cheke teu mae Pita na khokorako na ne taitanhi.

Letas Teke Riso Tei Mae Pol Ka Khiloau Rom 1:32

Mare lasenihi nogna vetula God na la cheke eidihi iheire te edi glepo igre, mare nabadi na mala lehe kolho. Neuba, naiknore heta ghedi fara ka puhi te diꞌare, nei jaola keli tadi ka keha naikno te edila puhi te diꞌare.

Letas Teke Riso Tei Mae Pol Ka Khiloau Rom 2:1

Ghotilo iheire te lase fate naiknora, ghotilo theome tangomana te chekeni kaisei glepo na. Kate fatedi ghotilo keha naiknore, ghotilo cheke fapari ghami themi kolho, naugna ghotilo jaola edila glepo te diꞌa te edi mare igre.

Letas Teke Riso Tei Mae Pol Ka Khiloau Rom 2:2

Tahati laseni God na doglo fara kate fatedi naikno te edi koba nafnata glepo te diꞌa igre.

Letas Teke Riso Tei Mae Pol Ka Khiloau Rom 9:20

Nu nogu cheke tughu iara na, iagho ihei sia te mala cheke fapulo ka God na? Iagho naikno kolho! Gaoghathogu iara na igne. Tapera teke hohoro mare ka glose na theome tangomana teke cheke eghu fapulo ka mae ihei teke hohorogna na, “Naugna unha sagho teke hohoro eghu ghau iara gnea?”

Ululahu Tesalonika 5:3

Kate chekeni naiknore, “Pharikeli nei nasnagla,” God ginauna ghosei roꞌedi, jateula khabru ghosei te mei ka gaꞌase te namo karha sua ia eghu. Eghuteuna naikno tuare ginauna theome rikha.

Hibru 12:25

Eghume fanomho ghotilo eghu, thosei fofotho khulimi are ka God mae ihei te cheke teu ka ghotilo. Naiknodi Israel tifa re neke tirodi fanomho ka chekegna God te mei ka nauthoglu igne. Kate eni igne, mare neke theome rikhani fate na. Gognaro tahati nomhini chekegna God te mei funu kligna na. Tutuani fara, jame te tirodani tahati nogna cheke mana na, theo kaisei nabrou aheva nga te mala rikha tahati na!

Hibru 2:3

Eghume, te theome ghatho tahuni tahati chekegna God te mala thofno fakarhi ghita na, tahati theome tangomana te fafraini glehe na. Thegna Lord neke kulu cheke eigna u karha igne. Eghuteuna iheire teke thofno nomhini ka thegna mana u cheke igne, mare fatutuani neke cheke eghu ka ghehati, “Thono tuani fara.”