Letas Teke Riso Tei Mae Pol Ka Khiloau Rom 2:2 - Buka Blahi Ka Cheke Holo

² Tahati laseni God na doglo fara kate fatedi naikno te edi koba nafnata glepo te diꞌa igre.

Letas Teke Riso Tei Mae Pol Ka Khiloau Rom 2:2 Iomraidhean Croise

Jenesis 18:25

Tutuani, iagho ginauna na theome falehedi naikno te doglo tuare baludi naikno te diꞌa re! Eghuteuna iagho na theome eni kaisei nafnata puhi ngala ranghidi naikno te doglo nei naikno te diꞌa teu gre. Iagho ginauna fatedi naiknogna nauthoglu igne mala eni ngala mare unha te doglo na!”

Thoutonu Eigna Mae Job 34:23

Tahati theome lilisei narane niha nau nate tei tahati ke ulugna God ka fate na.

Nodi Khoje Hatimare Mae Jiu 145:17

Gobigna lepo te edi Lord gre thofno doglo fara, eghuteuna gobigna lepo te edi mana re falalase ranghi ghita te mae keli fara mana ka tahati na.

Nodi Khoje Hatimare Mae Jiu 9:4

Tutuani fara, kate fateni iagho naikno na, puhimu iagho na thono doglo fara. Eghuteuna kate fate ghau iara na, iagho theome filoni kaisei najafra ka iara.

Profet Isaia 45:19

Iara theome porudi nogu cheke re, ba poruni gaoghathogu na ka ghotilo. Eghuteuna iara neke theome cheke ghami ghotilo mala fiti hiro ghau iara kate theo nafugna. Iara Lord, iara chekeni kolho cheke te tutuani na. Uve, leuleghu fata na, iara chekeni kolho unha te doglo na.”

Profet Isaia 45:21

Ghotilo mei mala chekedi ka iara nomi cheke re ke lamnagna fate igne. Ghotilo tangomana te kulu cheke ghu fari themi mala doglo ghu ka gaoghathomi re. Ihei teke chekedi glepo igre tifa na ame thoke mei nga teku na? Ba? Ghotilo theome laseni? Iara Lord! Iara God mae ihei te doglo fabrahu, eghuteuna iara fakarhi ghami ghotilo. Theo kaisei god ahevanga te jateula iara teuna!

Profet Jeremaea 12:1

Lord, iagho eni fabrahu puhi te doglo na, eghume, iara theome tangomana te fapholai balumu iagho na. Nu iara magnahaghei te ghusna ka iagho eidi keha puhi te theome raꞌe glola ka gaoghathogu na. Ba, ne faꞌunha si mae te diꞌa puhidire igre te au fakeli nodi koba grea? Ba, ne faꞌunha si mae te theome namo ka iagho igre te au ka nakarha te keli igrea?

Profet Esikiel 18:25

“Nu ghotilo cheke eghu koba, ‘Puhigna Lord God igne theome doglo!’ Fanomho fakeli, ghotilo naiknomi Israel ra! Ba, ne theome doglo unha te edi iara igre eghu si ghotilo gaoghathomi ia? Theo, unha te edi ghotilo are site theome doglo rea!

Profet Esikiel 18:29

Neuba, ghotilo naiknomi Israel gre cheke eghu koba, ‘Puhi gna Lord God igne theome doglo!’ Ghotilo naiknomi Israel ra. Ba, ne theome doglo unha te edi iara igre eghu ghotilo gaoghathomi na? Unha te edi ghotilo are site theome doglo rea!

Profet Daniel 4:37

Iara mae Nebukadnesa, iara gognarona cheke fakelini God mae king gna kligna. Gobigna lepo fateote'o te edi Mana igre thofno keli fara nei doglo eghu. Eghuteuna Mana tangomana te nhaꞌa faparini ihei te magnahaghei nhaꞌa hagheni thegna kligna lahu na.”

Profet Sefanaea 3:5

Nu Lord mae ihei te au teu Jerusalem igne, mana eni unha te doglo na. Mana theome tangomana te eni unha te diꞌa na. Leuleghu narane na mana eni koba unha te keli na ranghidi nogna naiknore. Neuba, naikno te au ka namono igne theome mamaja te edi puhi te diꞌare.

Mae Khuru 17:31

Naugna God la kulu vahinihi kaisei narane te mala fatedi naikno te gnafa ka nauthoglu igne. Mana ginauna fatedi ka puhi te doglo fara. Eghuteuna God jaola neke kulu vavahi kaisei mae te mala fatedi naikno te gnafare. Tahati te gnafa na kafe laseni igne naugna God neke fakarha fapuloni mae igne kau glehe.”

Letas Teke Riso Tei Mae Pol Ka Khiloau Rom 2:1

Ghotilo iheire te lase fate naiknora, ghotilo theome tangomana te chekeni kaisei glepo na. Kate fatedi ghotilo keha naiknore, ghotilo cheke fapari ghami themi kolho, naugna ghotilo jaola edila glepo te diꞌa te edi mare igre.

Letas Teke Riso Tei Mae Pol Ka Khiloau Rom 2:3

Nu ghotilo edi koba la glepo te fatedi ghotilo keha naikno gre! Ba, gaoghathomi na theome fate ghami God ginauna neu si ghotilo ia? Theo! God ginauna fate ghami!

Letas Teke Riso Tei Mae Pol Ka Khiloau Rom 2:5

Nu ghotilo patugama fara nei theome magnahaghei tughu nagnafa. Eghume u fate ginauna biꞌo fara ke klignami ghotilo. Eghuteuna fate igne ginauna thoke mei ka ghotilo ka narane God nate falalase diꞌatagna na, nei puhigna te doglo na eghu mala fatedi naikno te gnafare.

Letas Teke Riso Tei Mae Pol Ka Khiloau Rom 9:14

Unha nate chekeni tahati na? Ba, God na edi glepo te theome doglo ka naiknore sia? Theo!

Thakle 16:5

Iara ne nomhini engel te reireghidi kho'ure ne cheke eghu, “God, iagho blahi fara. Iagho au fabrahu funu tifa nei jaola au gognaro. Naiknore lasenihi iagho doglo fara naugna iagho ne kuru meidi papara biꞌo igre.

Thakle 19:2

Tahati cheke fakelini God! Naugna puhigna te mala fatedi naiknore tutuani nei doglo fara. Mana neke fatenihi namono biꞌo Babilon igne, ihei te goigonidi gaoghathodi naiknogna nauthoglu igne balu puhigna te gnognoro igne. God neke parani gaꞌase igne eigna naꞌa neke falehedi nogna mae gloku God re.”