Letas Teke Riso Tei Mae Pol Ka Khiloau Rom 2:12 - Buka Blahi Ka Cheke Holo

¹² Naikno Jiu te hata nogna vetula mae Moses na, nu tapla jafra ka nakhibo teuna, vetula tuana ginauna fatedi mare. Aonu naikno te theome Jiu te theome hata nogna vetula mae Moses na. Kate tapla jafra naikno igre ka nakhibo na, God na fatedi mare neuba mare ne theome hata u vetula na.

Letas Teke Riso Tei Mae Pol Ka Khiloau Rom 2:12 Iomraidhean Croise

Matiu 11:22

Tutuani fara, te chekeni iara ka ghotilo na, ka narane fate na God ginauna kokhonidi naiknodi Taea ghe Saedon igre ke tulaomi ghotiloi.

Matiu 11:24

Tutuani fara, te chekeni iara ka ghotilo na, ka narane leghu lahu na God ginauna fatedi naikno te au ka namono igne. Fate tuana ginauna biꞌo fara uludi narane teke fatedi mana naikno te diꞌa te au ka namono Sodom.”

Jone 19:11

Mae Jisas ne cheke eghu ka mae Paelat, “Iagho theo kaisei nou nolaghi ke klignagu iara. Nu iagho tangomana te tupijuru ghau iara na, naugna God neke snakre nigho iagho te mala eni tuana. Nu mae ihei te snakre ghau iara ka khamemu iagho na, mana thono nakhibogna biꞌo fara ke tulao mu iaghoi.”

Mae Khuru 2:23

God neke leghuni nogna gaoghatho teke kulu nanhaꞌa tifa na ne snakreni mana mala lokini ghotilo. Eghuteuna ghotilo ne faleheni mana kate snakre lao ghotilo ka khamedi mae te diꞌa ra mala tupijuruni mare kau gaju fafatha.

Letas Teke Riso Tei Mae Pol Ka Khiloau Rom 1:32

Mare lasenihi nogna vetula God na la cheke eidihi iheire te edi glepo igre, mare nabadi na mala lehe kolho. Neuba, naiknore heta ghedi fara ka puhi te diꞌare, nei jaola keli tadi ka keha naikno te edila puhi te diꞌare.

Letas Teke Riso Tei Mae Pol Ka Khiloau Rom 4:15

Tutuani nogna vetula mae Moses na ne cheke eghu, “God ginauna paradi naikno te theome leghuni u vetula na.” Nu jame te theo kaisei vetula na, naiknore ginauna jaola theome huhughuni vetula na.

Letas Teke Riso Tei Mae Pol Ka Khiloau Rom 8:3

Vetula na theome au nolaghi te mala hata fadeleidi nakhibodare, naugna tahati gne theome tangomana te leghuni u vetula na. Nu God neke fakarha ghita kani teke kuru meini thofno Thugna thegna na neke vuhai naikno jateula tahati neku, nu mana neke theome au nakhibogna. Eigna tahati kmana nakhiboda, God neke kuru meini mana jateula kaisei fafara mala hata fadeleidi nakhiboda neku. Ka puhi igne God ne fatedi nakhiboda tahati naiknore.

Ululahu Korin 9:21

Eghuteuna kate loku iara baludi iheire te theome Jiure, iara na jateula mare eghu, eigna mare theome leghuni u vetula na. Iara eni igne te mala tangomana te toghodi iheire te fatutuani ni Kraes. Iara theome huhughuni nogna vetula God na, naugna iara tangomana te leghuni nogna vetula Kraes.

Galesia 3:10

Ihei te loku famaku ka nogna vetula mae Moses na mala karha nogna teuna, God ginauna fateni mana. Naugna u grioriso te blahi na cheke eghu, “Ihei te theome thofno leghudi gobigna lepo te risodihi ka buka vetula na igre, God ginauna thofno fateni mana.”

Galesia 3:22

Nu igne theome tutuani, naugna u grioriso te blahi na cheke eghu, “U gaoghatho te mala eni nafnata puhi te diꞌa na funei frunidi naikno te gnafa ka nauthoglu igne.” Naugna igne tahati naikno te fatutuani ni mae Jisas Kraes ra ngala te tangomana hatini unha teke nhaꞌa chekeni God ka naikno te fatutuani re.

Diutronomi 27:26

“ ‘Puhi biꞌo ginauna thokeni ihei te theome leghudi famane farirhiu igre.’ Eghuteuna naiknore ginauna cheke eghu, ‘Amen!’ ”

Jemes 2:10

Mae ihei te leghu fakelini nogna vetula God na nu theome leghuni kaisei vido cheke ka vetula na teuna, mae tuana kafe huhughuni nogna vetula God na.