Letas Teke Riso Tei Mae Pol Ka Khiloau Rom 2:11 - Buka Blahi Ka Cheke Holo

¹¹ God tangomana te eni igne ka naiknore, naugna naikno te gnafare kaisei nanaba ngala ka God.

Letas Teke Riso Tei Mae Pol Ka Khiloau Rom 2:11 Iomraidhean Croise

Fapea Kronikols 19:7

Ghotilo ghatho tahuni Lord noda God. Fiofilo ghami mala fate ka puhi te doglo, naugna mana tirognani puhi te theome doglo na. Eghuteuna mana jaola tirognani mae fate te phile ka ihei na, ba tirognani puhi te fate famaemahe te mala hata sileni na.”

Thoutonu Eigna Mae Job 34:19

Mana theome phile baludi mae mala baubatu, eghuteuna mana theome fanomho ka mae te dedei nei mae te kuma, naugna mana ngala teke vuavuhadi mare te gnafa na.

Matiu 22:16

Mare kurudi keha nodi mae fanomho thedire, nei keha mae ka tothoghei te kiloi Herodias. Aonu mae igre mei ne cheke eghu ka mana, “Mae velepuhi, ghehati lase nigho iagho kaisei mae doglo fara. Ghehati lase nigho iagho kaisei mae te farirhiu unha te tutuani eigna puhigna God. Iagho theome mhaghudi unha te cheke eimu iagho naiknore. Naikno te kmanare kaisei nanaba ngala ka iagho.

Luku 20:21

Aonu mae teke kuru mei mare igre ne cheke eghu ka mae Jisas, “Velepuhi, ghehati lasedi unha te chekedi nei farirhiudi teu iagho igre thofno tutuani fara. Eghuteuna iagho theome mhaghudi unha nafnata gaoghatho eimu iagho te edi naiknore. Naugna naikno te kmanare kaisei nanaba ngala ka iagho. Nu iagho toutonuni kolho unha te tutuani eigna puhigna God.

Mae Khuru 10:34

Mae Pita ne funu cheke eghu, “Tutuani fara kheraguro, gognaro na iara thofno laseni igne, God na theome tangomana te kafe pileni ihei na naugna naikno te gnafare kafe nanaba ngala ka God.

Letas Teke Riso Tei Mae Pol Ka Khiloau Rom 9:14

Unha nate chekeni tahati na? Ba, God na edi glepo te theome doglo ka naiknore sia? Theo!

Galesia 2:6

Iara theome nanga noguni nafnata mae biꞌo te baubatu ka khiloau na, naugna ka God na naikno te gnafare kaisei nanaba ngala. Nu mae biꞌo ka khiloau te ghatho tahudi fara naikno igre, mare theome cheke ka iara mala eni kaisei glepo te nhogri.

Efesus 6:9

Ghotilo mae funeira, jaola keli ranghidi nomi mae snekare. Eghuteuna koko nafnata puhi te famamhaghudi nomi mae sneka are. Naugna ghotilo laseni nomi funei ghotilo nei nodi funei mare teuna au kligna, eghuteuna naikno te gnafa na kaisei nanaba ngala ka mana.

Diutronomi 10:17

Lord nomi God ghotilo igne, mana God frunidi god te gnafa nei Lord frunidi Lord te gnafa teu igre. Mana Thofno God mae ihei te au nolaghi fateote'o eghuteuna naikno te gnafa ka nauthoglu igne mhaghuni mana. Kate fateni ihei na, mana theome tangomana te phile ka ihei, eghuteuna mana theome tangomana te hata sileni ka ihei te mala theome fate ka puhi te doglo.

Diutronomi 16:19

Mare mala theome leghuni puhi te theome doglo na. Mare theome mala phile baludi keha mae kolho. Mare theome mala snakreni ihei mala famaemaheni kaisei naikno mala hata sileni ka mana, naugna puhi te famaemahe igre tangomana te fadofuni mae mala fate neuba mana ne mae glalase, eghuteuna mae mala fate ginauna theome cheke fadoglo ka kot.

Kolose 3:25

Eghuteuna God na theome vahini ihei. Eghume, ihei te edi glepo te diꞌare God ginauna nake foli fapulo ka mana leghuni unha teke eni mana na.

Ululahu Pita 1:17

Kate tarai na ghotilo tangomana te kiloni God, Mama. Tutuani fara, kate fatedi naikno te gnafare, God ginauna theome tangomana te vahini ihei na, nu mana ginauna ghathoni eigna nogna gloku soasopai naikno na. Eghume kate karha nga teu ka nauthoglu igne, ghotilo mala ghatho tahuni God leghu fata.