Letas Teke Riso Tei Mae Pol Ka Khiloau Rom 2:1 - Buka Blahi Ka Cheke Holo

¹ Ghotilo iheire te lase fate naiknora, ghotilo theome tangomana te chekeni kaisei glepo na. Kate fatedi ghotilo keha naiknore, ghotilo cheke fapari ghami themi kolho, naugna ghotilo jaola edila glepo te diꞌa te edi mare igre.

Letas Teke Riso Tei Mae Pol Ka Khiloau Rom 2:1 Iomraidhean Croise

Luku 12:14

Nu mae Jisas ne cheke eghu ka mana, “Ghema! Iara theo nogu nolaghi te mala mei tufa glepo farihoteimi ghopa na.”

Luku 19:22

“Mae funei na ne cheke eghu ka mana, ‘Iagho mae gloku diꞌa fara! Iara na hata nou cheke themu iagho tuana mala fate nigho iagho! Naugna te chekeni iagho na, iagho lase ghauhi iara kaisei mae te ninhigrana puhigu na, hata fajifla sileni teke lilisei keha mae ka banki nei hata gano ka nagare teke joꞌu keha maei teu gne.

Luku 6:37

Mae Jisas ne cheke eghu, “Thosei fateni ihei, na eghunu ke fate ghami God eghu. Thosei fathoroni ihei na, na eghunu ke fathoro ghami God eghu. Eghuteuna ghotilo hata fadelei nakhibodi keha naiknore mala nu ke hata fadelei langau God nakhibomire eghu.

Letas Teke Riso Tei Mae Pol Ka Khiloau Rom 14:22

Nou fatutuani iagho eidi gano igre khogla farihoteimu iagho themu nei God eghu kolho. Eghuteuna ihei te eni unha te ghathoni mana ne doglo nei theome diꞌanagnafa ka igne teuna, mana ginauna gleale'a fara.

Letas Teke Riso Tei Mae Pol Ka Khiloau Rom 2:2

Tahati laseni God na doglo fara kate fatedi naikno te edi koba nafnata glepo te diꞌa igre.

Letas Teke Riso Tei Mae Pol Ka Khiloau Rom 2:3

Nu ghotilo edi koba la glepo te fatedi ghotilo keha naikno gre! Ba, gaoghathomi na theome fate ghami God ginauna neu si ghotilo ia? Theo! God ginauna fate ghami!

Letas Teke Riso Tei Mae Pol Ka Khiloau Rom 3:9

Ba, tahati mae Jiu gre doglo fara ke uludi keha tothoghei naikno gre ka tathagna God na? Theo fara! Tahati neke chekenihi God ginauna fatedi naikno te gnafare, naugna tahati naikno Jiu nei iheire te theome Jiu teu gre, kafe leghuni koba u puhigna nakhibo na.

Letas Teke Riso Tei Mae Pol Ka Khiloau Rom 9:20

Nu nogu cheke tughu iara na, iagho ihei sia te mala cheke fapulo ka God na? Iagho naikno kolho! Gaoghathogu iara na igne. Tapera teke hohoro mare ka glose na theome tangomana teke cheke eghu fapulo ka mae ihei teke hohorogna na, “Naugna unha sagho teke hohoro eghu ghau iara gnea?”

Ululahu Korin 4:5

Eghume thosei fate naikno nu ofou ghilei thoke mei Lord. Mana ginauna hata fajifla kate phae glepo te diꞌa fara te poru teu kate romno na, eghuteuna mana ginauna fakakhana glepo teke poru ka nagnafadi naiknore. God ginauna jaola fafnaknodi gnafa naikno te leghuni nodi puhi te kelire.

Ululahu Korin 7:16

Iara chekeni igne ka ghotilo gaꞌase khiloau ba nalhaꞌu khiloau ra mala au fodu fabrahu baludi khetomire. Naugna ghotilo ginauna jau theome laseni te fakarhidi khetomi te theome fatutuanire.

Jemes 2:20

Ghotilo thono iho fara! Te fatutuani ni kolho ghotilo God nu theome eni ghotilo kaisei glepo te keli ranghini ihei teuna, u nafnata fatutuani tuana theome tutuani kolho.

Jemes 4:11

Kheraguro, thosei cheke fadiꞌani ihei, naugna mae ihei te cheke fadiꞌani mae kheragna fofodu na, mana jaola cheke fadiꞌani nogna vetula God na. Eghuteuna mae ihei te fateni mae kheragna fofodu na nei nhaꞌa faparini mana teuna, mana nhaꞌa fapari nila nogna vetula God na. Te eghu ghotilo na, ghotilo theome leghuni nogna vetula God na, nu ghotilo nhaꞌa fahaghe ghami themi ke kligna gna u vetula na.