Letas Teke Riso Tei Mae Pol Ka Khiloau Rom 16:2 - Buka Blahi Ka Cheke Holo

² Iara tore ghami ghotilo te mala toghoni naꞌa ka puhigna khiloau. Eghuteuna jame te kmo'e naꞌa ka unha glepo na, ghotilo mala toghoni naꞌa, naugna naꞌa la toghodihi kmana naikno nei jaola togho ghau iara.

Letas Teke Riso Tei Mae Pol Ka Khiloau Rom 16:2 Iomraidhean Croise

Matiu 25:40

“Iara mae King ginauna cheke eghu ranghidi, ‘Tutuani fara, te chekeni iara na. Kate eni ghotilo ranghini kaisei nogu naikno iara te au pari lahu ka igre, ghotilo jateula te eni ranghi ghau la iara eghu!’

Mae Khuru 9:13

Nu mae Ananias ne cheke eghu, “Lord, iara nomhini kmana thoutonu eigna mae igne, mana edi kmana glepo te diꞌa ranghidi nou naikno iagho re Jerusalem.

Mae Khuru 9:15

Nu God ne cheke eghu ka mae Ananias, “Ghema, tei sagho! Mae igne neke vahini iara mala edi mana nogu gloku iara re. Mana ginauna cheke eigu iara ka naikno te theome Jiure ba ka nodi king re ba ka naiknodi Israel.

Mae Khuru 9:36

Ka namono Jopa jare kaisei naikno khiloau nanghagna na Tabita. Nanghagna naꞌa ka cheke Griki na, “Dokas”. Naꞌa edi koba glepo te keli mala toghodi naikno te kumare.

Mae Khuru 9:39

Mae Pita ne tei baludi phiamare. Kate thoke Jopa na mare ne tathaleini mae Pita ne tei ka chogho ke kligna na. Eghuteuna goro gaꞌase tela lehehi khetodire kafe kegra faligohoni mana balu tanhi. Reꞌe ne falalase ka mana phoko nei pohe brahu eghu teke susuki Dokas kani karhagna teku na.

Mae Khuru 9:41

Mae Pita ne loku ka khamegna na ne toghoni mala kegra haghe naꞌa. Ke leghugna igne mae Pita ne kilodi naikno khiloaure baludi goro gaꞌase tela lehehi khetodire ka chogho na ne falalase ranghidi Tabita te kela karha fapulo na.

Letas Teke Riso Tei Mae Pol Ka Khiloau Rom 15:7

Fari tothoghoi fari themi jateula Kraes teke togho ghami ghotilo ia eghu. Kate filoni ka ghotilo puhi igne, naiknore ginauna kilo fnaknoni God.

Letas Teke Riso Tei Mae Pol Ka Khiloau Rom 16:15

Ghotilo kubaeni mae Filoga balugna Julia nei mae Neria balu greghagna nei mae Oliba nei nogna naikno God te gnafa te au baludi.

Letas Teke Riso Tei Mae Pol Ka Khiloau Rom 16:23

Mae Gaeasi jaola kubae ghami ghotilo. Iara au ka sugagna mana gognaro na. Khiloau na salo fodu koba ka sugagna mana. Erastus mae mala reireghi sileni gna namono biꞌo Korin gne, nei mae kherada Kuotasi phiamare kubae ghami ghotilo.

Letas Teke Riso Tei Mae Pol Ka Khiloau Rom 16:6

Ghotilo kubaeni Meri, naꞌa loku heta te mala togho ghami ghotilo na.

Letas Teke Riso Tei Mae Pol Ka Khiloau Rom 16:9

Eghuteuna ghotilo kubaeni mae Abana, mana kaisei mae nogna gloku Kraes baluda tahati. Eghuteuna ghotilo jaola kubaeni mae kheragu keli iara mae Staki.

Efesus 5:3

Nu te gnognoro ba eni te kaisei nafnata glepo te diꞌa ba mamagna teu igre, thofno theome naba ghotilo naikno blahi nogna God ra te edire.

Filipae 1:27

Uve, glepo te ulu na puhimi ghotilo re mala leghuni nogna Nonomho te Keli mae Jisas Kraes. Eghume neubane mei iara ne sigho ghami ba ne tei koko ghami, iara ginauna nomhidi thoutonu te keli eimi ghotilo re. Iara magnahaghei te nomhi ghami ghotilo te kaisei nomi gaoghatho ngala nei kegra maku ka nomi fatutuani na ka mae Jisas Kraes.

Filipae 2:29

Naugna igne, ghotilo taji fakelini mana balu gleale'a fara ka nanghagna Lord. Eghuteuna ghotilo jame kafe ghatho tahudi nafnata naikno jateula mae Epafrodaetus gne teugre.

Kolose 4:10

Mae Aristakas te au balugu iara ka suga sosolo gne kubae ghami ghotilo. Eghuteuna mae Mak, nebugna mae Banabas, jaola kubae ghami ghotilo. Jame te ari posa mae Mak na, ghotilo reireghi fakelini mana ka sugamire, jateula teke chekenihi iara ka ghotilo ia eghu.

Ululahu Timoti 2:10

Nu rehati te leghuni chekegna God na mala fakhuakhudadi thedi kate eni unha gloku te keli na.

Fapea Timoti 1:18

Iagho laseni fara igne, kmana glepo te togho ghau iara mae Onesifora ka namono Efesus. Iara toreni Lord mala khokonini mana ka narane leghu lahu na.

Taetus 2:3

Nu iagho ginauna na famane farirhiudi goro naikno biꞌo are mala au fakeli reꞌe, mala thosei buiburi naikno, ba thosei khuru koꞌu waen. Mala farirhiuni reꞌe unha glepo te keli na.

Filimon 1:12

Iara thofno namhani mae Onesimasi, nu gognaro na iara nake kuru fapuloni mana ka iagho.

Filimon 1:17

Te ghatho ghau jateula mae kheramu thofno teu iagho na, iagho taji fakelini mana, jateula iagho te taji fakeli ghau iara kate thoke ka sugamu ia eghu.

Fapea Jone 1:10

Jame kaisei mae mei ka ghotilo, nu mana theome hata mei nogna farirhiu mae Kraes igne teuna, thosei hata meini ka nomi sugare ba toutonu balugna mana.