Letas Teke Riso Tei Mae Pol Ka Khiloau Rom 13:8 - Buka Blahi Ka Cheke Holo

⁸ Thosei kaoni fabrahu kaisei glepo ka ihei. Nu ghotilo ginauna mala kaoni fabrahu namha na fari themi. Naugna ihei te namhadi keha naiknore, mana thofno leghuni nogna vetula God na.

Letas Teke Riso Tei Mae Pol Ka Khiloau Rom 13:8 Iomraidhean Croise

Matiu 7:12

Unha te magnahagheni ghotilo te mala eni ranghi ghami keha naiknore, glepo tuana la mala teke eni ghotilo ranghidi mare na. Igne gaoghathogna vetula nogna mae Moses nei chekedi hatimare mae profet.”

Jone 13:34

“Eghume, iara na tusu ari kaisei vetula majaghani ka ghotilo: ‘Fari namhai jateula ngau iara te namha ghami ghotilo.

Letas Teke Riso Tei Mae Pol Ka Khiloau Rom 13:10

Mae ihei te namhani kheragna fofodu na, mana theome tangomana te eni kaisei glepo te mala neneini kheragna fofodu na. Eghume puhi te namhadi kherami fofodure igne, thofno leghuni nogna vetula God na.

Letas Teke Riso Tei Mae Pol Ka Khiloau Rom 13:7

Ghotilo mala foli sopai nafnata takis leghuni unha te chekeni vetula na. Eghuteuna ghotilo mala ghatho tahudi mae biꞌo re eghuteuna fafnaknodi nabadi mare hui.

Galesia 5:14

Eigna nogna vetula te gnafa mae Moses re khaputu ka cheke igne kolho, “Namhani kheramu fofodu na jateula iagho te namha nigho themu eghu.”

Kolose 3:14

Eghuteuna baludi puhi te keli igre, glepo te ulu na ghotilo mala famane namhadi keha naiknore. Naugna u namha gne ngala te tangomana te kafe loku fodu ghami ghotilo ka naꞌau fodu te doglo na.

Ululahu Timoti 1:5

Jame te leghuni mare nogu cheke iara na, mare ginauna namhadi keha naiknore. U namha igne neke jifla mei ka nagnafa te thofno gae nei ka gaoghatho te doglo nei ka thofno fatutuani.

Jemes 2:8

Tahati la iu'ijunihi u vetula te thono ulu fara ka grioriso te blahi na igne, “Namhani kheramu fofodu na jateula iagho te namha nigho themu eghu.” Te eni ghotilo igne na, ghotilo thono doglo fara, naugna ghotilo ne leghuni unha te chekeni ka nogna vetula God na.

Ululahu Jone 3:10

Eghume tahati lasedihi iheire te thugna God nei iheire te thugna mae Satan. Iheire te theome eni unha te doglo na theome thugna God. Eghuteuna ihei te theome namhani kheragna fofodu na mana theome thugna God.