Letas Teke Riso Tei Mae Pol Ka Khiloau Rom 13:4 - Buka Blahi Ka Cheke Holo

⁴ Naugna mae biꞌo ka gavman tuana nogna mae gloku God mala edi glepo te kelire ranghi ghami ghotilo. Nu jame te edi ghotilo glepo te diꞌare, ghotilo naba te mala mhaghuni mae biꞌo tuana, naugna mana theome mala fiti hata nolaghi kolho. Mana nogna mae gloku God, mana tangomana te paradi naikno te edi glepo te diꞌare mala falalaseni God te diꞌatagna ka mare.

Letas Teke Riso Tei Mae Pol Ka Khiloau Rom 13:4 Iomraidhean Croise

Ululahu Kings 10:9

Iara cheke fakelini Lord nou God mae ihei te kelitagna ka iagho nei vahi nigho mala king gna Israel! Naugna Mana thofno ghatho tahu ghami ghotilo fabrahu naiknomi Israel, mana vahi nigho king mala tangomana iagho te leghuni fabrahu puhi te doglo na, nei fatedi naiknore ka puhi te doglo.”

Fapea Kronikols 19:6

Mana ne cheke eghu ka mare, “Kate fateni naikno na, ghotilo mala filo fakeli, naugna ghotilo theome fate mala kelitagna naikno na, nu ghotilo fate mala kelitagna Lord. Eghume kate fate na, ghotilo cheke fajiflani te doglo mana na ba mana nabagna te papara, Lord na au balumi ghotilo.

Proveb 16:14

Kate diꞌatagna mae te mala baubatu na, mana tangomana te falehe naikno na. Eghume, mae te autagna gaoghatho te keli na mana fariuriu mala kelitagna mae mala baubatu na.

Proveb 20:2

Diꞌatagna mae funei na jateula lion te fangangara ra eghu. Te faꞌeiꞌei iagho te diꞌatagna mana na, iagho ginauna lehe.

Proveb 20:26

Mae funei te au tagna gaoghatho te keli na, mana laseni naikno te diꞌa na, eghuteuna mana ginauna para fadiꞌani naikno tuana.

Proveb 20:8

Kate gnokro mae funei na te fateni naikno na, mana tangomana filodeni unha te keli na, nei unha te diꞌa na.

Profet Isaia 1:17

Ghotilo hironi kolho puhi te doglo na. Ghotilo tathaji puhi te mala eni glepo te doglo na, eghuteuna ghotilo koko puhi te diꞌa te goigonidi keha naiknore. Eghuteuna toghodi goro sua glehe kokoi ba goro naikno biꞌo te lehehi khetodi re are.”

Profet Jeremaea 5:28

Leuleghu fata na mare ima gano te keli, mare boho biꞌo thiꞌadire. Mare theome gnafa te eni puhi te diꞌa na, ba puhi te fameomekro na ka goro sua te glehe kokoi. Eghuteuna kate thokedi puhi biꞌo naikno te kuma igre, mare tirodi toghodi nafnata naikno igre.

Profet Esikiel 22:27

Nodi mae funei te gnafa mare igre jateula khuma mata te kathu falehe glepo tautagu te kina sasaka eghuteuna ghamu teura eghu. Mare falehe naikno mala tangomana mare te hata nodi sileni naikno re te mala dedei na.

Profet Esikiel 25:14

Iara ginauna nake tughu fapulo glepo te diꞌa teke edi naiknodi Idom. Aonu iara ginauna kuru tei nogu naiknodi Israel mala magra ka naiknodi Idom, mala haimini mare nolaghi te diꞌatagu iara na. Mare ginauna laseni unha teke tughu fapuloni iara ka mare igne. Igne nogu cheke iara Lord God.’ ”

Profet Maeka 3:9

Ghotilo mae mala baubatu ka naiknodi Israel, fanomho mei ka nogu cheke iara igre! Ghotilo tiromi ni puhi te doglo te mala fate naikno na. Eghuteuna ghotilo ke tughu kolho puhi te doglo igne ka puhi te diꞌa.

Letas Teke Riso Tei Mae Pol Ka Khiloau Rom 12:19

Kheraguro, thosei foli fapulo unha najafra teke eni naiknore tami na, lisa lao ka God mala foli fapulodi jateula Lord te cheke ka grioriso te blahi ia eghu, “Iara ginauna foli fapulo ka mae iheire te tapla jafra eghuteuna iara ginauna paradi.”

Letas Teke Riso Tei Mae Pol Ka Khiloau Rom 13:6

Eghume thono keli fara la te foli takis ghotilo na, naugna mae biꞌo ka gavman igre magnahagheni sileni igne mala loku ranghini God.

Ululahu Tesalonika 4:6

Eghume theome tangomana kaisei mae te eꞌei puhi diꞌa ranghini mae kheragna fofodu na ka puhi igne. God ginauna fatedi naikno te edi glepo igre. Ghehati kulu cheke faheta ka ghotilo eigna igne.

Josua 20:5

Jame kheragna mae igne au nogna nolaghi te mala aknu faleheni mae igne, eghuteuna mei mana me toredi maegna ka namono igne eigna mae igne, nu mare te gnafa na theome snakreni mae igne ka mana teuna, mare mala reireghi fakelini mana mala theome tangomana kheragna mae igne te mei aknu faleheni keha mae igne naugna glehe igne kaisei glehe kakarha kolho eghuteuna mae igne theome diꞌatagna ka mae ihei te lehe na.

Josua 20:9

Igre namono teke vavahi mare, glahu kaisei naiknogna Israel ba kaisei naikno phosa au baludi mare tangomana te tei poru ka kaisei ka namono igre glahu teke faleheni keha mae na igne neke theome ghathoni kolho mala faleheni mana teku na. Eghuteuna neuba kaisei kheragna mana ne mei mala ke tughuni glehe igne neu, mana na theome eni igne ghilei tei mana ka fate mala laseni glahu glehe igne neke theome ghathoni kolho mala eghu teku na.

Ululahu Pita 2:14

Leghudi hatimare mae gavana eigna mae king biꞌo neke vahidi mare. Mana neke kuru teidi mare te mala paradi iheire te huhughuni vetula na, eghuteuna kilo fnaknodi iheire te leghuni puhi te keli na.