Letas Teke Riso Tei Mae Pol Ka Khiloau Rom 12:2 - Buka Blahi Ka Cheke Holo

² Thosei lisa lao ghami themi mala leghuni puhigna naikno te diꞌa te au ka nauthoglu igne, nu lisa lao ghami ka God mala tughu mana nakarhamire, kate tusu ari gaoghatho majaghani ka ghotilo na. Ka puhi igne ghotilo ginauna tangomana te filo glanini unha te magnahagheni God na. Eghuteuna eni glepo te keli nei te doglo fabrahu teuna, nei eni glepo te keli tagnadi God.

Letas Teke Riso Tei Mae Pol Ka Khiloau Rom 12:2 Iomraidhean Croise

Esra 10:11

Gognarona, ghotilo mala cheke thakledi nakhibomire ka Lord, nodi God kuꞌeda tifara. Eghuteuna ghotilo mala leghudi puhi te magnahaghedi mana re. Eghume ghotilo au fadelei ka naikno bongihehe te au ka noda glose tahati gne eghuteuna ghotilo koko gaꞌase bongihehe te tolaghi ghotilo are.”

Nodi Khoje Hatimare Mae Jiu 119:103

Nou cheke iagho ra thono mamahe fara salauꞌi jateula jujurukuli eghu ka foflogu iara na!

Nodi Khoje Hatimare Mae Jiu 119:128

Eghume, iara thono tirogudi fara puhi diꞌa te gnafare mala leghuni kolho nou famane cheke iagho na.

Nodi Khoje Hatimare Mae Jiu 119:174

Lord God, iara magnahaghe nigho fara te mei fakarhi ghau na. Nou famane farirhiu iagho re faglealeꞌa ghau fara iara.

Nodi Khoje Hatimare Mae Jiu 119:72

Iara magnahagheni fara nou famane farirhiu iagho igne ke uludi sileni te gnafa kau nauthoglu igne.

Nodi Khoje Hatimare Mae Jiu 119:97

Funu hamerane te ghilei plulu naprai na, iara gaoghathodi nou cheke iagho ra, iara keli tagudi fara!

Nodi Khoje Hatimare Mae Jiu 34:8

Ghotilo mei ka Lord mala au balugna mana. Ghotilo ginauna filoni mana. Iheire te mei ka mana re ginauna keli tadi fara naugna mare ginauna laseni Lord te reireghidire.

Nodi Khoje Hatimare Mae Jiu 51:10

God, lilisei mei sagho ka iara gaoghatho ka iara te mala leghu nigho fabrahu na mala gae nogu fara iara. Tusu mei sagho nagnafa majaghani ka iara mala gae iara ke ulumu.

Eksodas 23:2

“Kate tei ka fate na, ghotilo chekeni koba ngala unha te tutuani na, neuba naikno kmana ne kafe phile ka unha te diꞌa na, ghotilo kegra maku ngala ka unha te tutuani na.

Profet Esikiel 18:31

Ghotilo koko puhimi te diꞌa te figri tagru ghau iara are, eghuteuna ghaoghathomi nei puhi ka nakarhami teu ghotilo are mala ke majaghani fapulo. Ghotilo naiknomi Israel ra! Naugna unha si ghotilo te magnahaghei lehe kolho gnea?

Profet Esikiel 36:26

Iara ginauna tuthughu nakarhami ghotilo te thona are mala ke majaghani fapulo. Eghuteuna iara ginauna tusu ari gaoghatho majaghani ka ghotilo, mala tarai kolho ghotilo ka iara. Iara ginauna hata fadelei gaoghatho te diꞌare te batu ghami te patu gama ghotilo are, eghuteuna iara ginauna tusu ari gaoghatho te keli ka ghotilo mala tangomana ghotilo te leghu ghau iara na.

Matiu 13:22

Sisi te sukha ke lamnadi glathi buburu te fachuchuru na igre eidi iheire te nomhini chekegna God, nu cheke igne ghosei ne thafru ka unha te magnahaghedi fara ka thua nafnata dedei gna nauthoglu igne. Eghume theo kaisei sisi te karha na.

Nonomho Te Keli Teke Risoi Mae Mak 4:19

nu mare ngagudi fara eidi thua nafnata glepo re. Eghuteuna mare magnahaghei fara dedei gna nauthoglu igne nei mamagna di keha glepoi. Eghume farirhiu na theome tangomana te tughu nakarhagna mana na.

Jone 14:30

Iara ginauna theome cheke faraugha balumi ghotilo, naugna mae Satan mae funei gna nauthoglu igne, la namo meihi. Tutuani fara, mana theo kaisei nogna nolaghi ke klignagu iara.

Jone 15:19

Nu jame leghuni ghotilo puhigna nauthoglu igne na, mare ginauna na namha ghami ghotilo, naugna ghotilo nogna naikno u nauthoglu igne. Nu iara neke vahi fadelei ghamihi ghotilo kau nauthoglu igne. Eghume ghotilo theome nogna naikno nauthoglu igne. Naugna tuana naiknogna nauthoglu igne ginauna theome magnahaghei ghami ghotilo.

Jone 17:14

Iara la tusu laohi ka mare nou farirhiu iagho ra. Eghuteuna naiknogna nauthoglu igne theome magnahaghedi mare, naugna mare theome nogna nauthoglu igne, jateula ngau iara gne theome nogna nauthoglu igne.

Jone 7:7

Naiknogna nauthoglu igne mare na theome diꞌa tadi ka ghotilo. Nu ka iara na mare diꞌa tadi fara, naugna iara ne cheke thakledi u puhidi mare te diꞌare.

Letas Teke Riso Tei Mae Pol Ka Khiloau Rom 12:1

Eghume kheraguro, naugna God ne kokhoni ghami fara, iara tore ghami te mala lisa lao nakarhami are jateula kaisei fafara eghu ka God. Kaisei fafara te karha nei blahi te kelitagnani God. Igne thofno puhi te mala tufru soruni God ghotilo na.

Letas Teke Riso Tei Mae Pol Ka Khiloau Rom 13:14

Nu ghotilo loku famaku ka noda Lord Jisas Kraes. Eghuteuna thosei ghatho tahudi glepo te diꞌa te magnahaghei edi thinire.

Letas Teke Riso Tei Mae Pol Ka Khiloau Rom 7:12

Eghume, u nogna vetula God gne thono blahi fara, eghuteuna cheke te gnafa ka vetula na igre jaola blahi nei doglo nei keli eghu.

Letas Teke Riso Tei Mae Pol Ka Khiloau Rom 7:14

Eghuteuna te laseni tahati na, u vetula gne neke mei funu ka God, nu naugna iara maegu ka nauthoglu igne naikno kolho, iara au jateula nogna mae sneka eghu nakhibo.

Letas Teke Riso Tei Mae Pol Ka Khiloau Rom 7:22

Ka nagnafagu iara na, iara keli tagu ka nogna vetula God na nei iara magnahaghei te leghuni vetula na.

Ululahu Korin 3:19

Naugna nogna glalase te keli nauthoglu gne theo nafudi kolho ka God. Tutuani, grioriso te blahi na cheke eghu, “God ginauna fatedi mae glalase te lase chaghi re.”

Fapea Korin 4:4

Eigna Satan mae ihei te funei frunini nauthoglu igne ne faromnodi nagnafadi naikno te theome fatutuanire. Eghume mare theome tangomana te filoni u naphae gna Nonomho te Keli te thofno fatakleni nogna nolaghi biꞌo Kraes na, mae ihei te thofno thotoghale gna God na.

Fapea Korin 5:17

Tutuani fara, ihei te nogna Kraes na, mana kaisei naikno majaghani. Glepo te thonare la theohi ka mana, eghuteuna glepo te majaghanire teke mei au ka mana re.

Galesia 1:4

Mae Jisas neke snakreni thegna mala lehe tughudi nakhibodare mala snagla tahati ka puhi te diꞌa te funei frunini nauthoglu igne. Tutuani fara mae Jisas neke eni igne, naugna igne unha teke magnahagheni God Kmada na.

Efesus 1:18

Iara toreni noda God mala tusu ari glalase te biꞌo. Glalase igne ginauna togho ghami ghotilo mala filo glanini unha teke kilo ghita God na. Jaola glalase igne mala togho ghami ghotilo te mala filo glanini thofno glepo keli te gnafa teke nhaꞌa cheke ranghidi nogna naiknore.

Efesus 2:2

Uve, tifa na ghotilo neke leghuni puhidi naikno te diꞌa ka nauthoglu igne. Ghotilo neke leghuni kolho mae Satan, mae funeidi naitu ka maloa gne, eigna mana gognaro na tangomana te funeidi iheire naikno te theome leghuni God.

Efesus 5:17

Thosei fanolini nakarhami na, nu fariuriu mala filo glanini unha Lord te magnahaghei eni iagho na.

Kolose 1:9

Naugna mana neke farirhiu ghami nei togho ghami mala fatutuani ni mae Jisas, ghehati tarai ghami ghotilo fabrahu funu ka narane te nomhini ghehati igne eimi ghotilo na. Ghehati toreni God mala fodu ghotilo ka gaoghatho te keli nei glalase te keli, eghume ka nogna thotogho mae Tharunga te Blahi na ghotilo mala lase fakelini unha te magnahagheni God na.

Kolose 3:10

Eghuteuna ghotilo la hatahi u nakarha majaghani na. Tutuani, God loku fabrahu ke lamnami ghotilo mala tuthughu ghotilo jateula thegna eghu nei togho ghami mala lase fakelini mana.

Kolose 4:12

Kaisei mae kherami keli ghotilo, mae Epafra nogna mae gloku Jisas Kraes, mana jaola kubae ghami ghotilo. Leuleghu fata na, mana tarai heta koba eimi ghotilo. Mana toreni God mala togho ghami ghotilo mala kegra heta ka nomi fatutuani na, nei mala thofno lasedi gobigna lepo God te magnahaghei edi ghotilo re.

Ululahu Tesalonika 4:3

Te chekeni iara igne unha te magnahagheni God na. Mana magnahaghei ghami ghotilo te blahi nei klino. Eghume te keli na ghotilo te au fadelei ka gnognoro.

Taetus 3:5

Mana neke fakarhi ghita. Nu mana neke theome fakarha ghita eidi unha gloku te keli teke edi tahati re, theo! Ka nogna kokhoni ghita kolho mana teke fakarha ghita na. Mana neke tusu mei ka tahati u nogna Tharunga te Blahi na mala fagagaedi u nagnafadare, nei hatini tahati u karha majaghani na.

Jemes 1:27

Nu puhi te doglo ka God Kmada na igne. Taji fakelidi goro sua te glehe kokoi ba goro naikno biꞌo tela lehehi khetodi ra. Naugna phei tothoghei igre ngaguni noda thotogho tahati na. Eghuteuna taji fakelini thegna ka gobigna lepo te diꞌa ka nauthoglu gne. Igne u nafnata naikno khiloau te magnahagheni God na.

Jemes 4:4

Ghotilo te tei kokoni God na, ghotilo ginauna na jateula kaisei gaꞌase te tei kokoni khetogna na te mala au fodu balugna kaisei mae delei ngau ia eghu. Ghotilo theome lasenihi igne? Mae ihei te magnahagheni kolho glepo te diꞌa ka nauthoglu igne na, mae tuana nogna mae naoka God. Naugna mae ihei te magnahaghei leghuni kolho nogna gaoghatho naiknogna nauthoglu igne na, mana theome tangomana te leghuni gaoghathogna God na.

Ululahu Pita 1:14

Tifa na ghotilo neke theome lalase, ghotilo neke leghudi kolho puhimi themi te diꞌare. Nu gognaro na ghotilo magnahaghei te leghuni God. Eghume thosei ke au ka nafnata nakarha teke au ghotilo tifa ia.

Ululahu Pita 1:18

Ghotilo laseni igne, tifa na ghotilo neke au ka nakarha te theo nafugna. Ghotilo neke hata u nafnata nakarha te diꞌa igne leghudi mae ku'emi tifa ra. Nu God neke fakarhi ghami ghotilo. Mana neke foli fapulo ghami ghotilo eidi nakarha te diꞌa teke edi ghotilo re. Mana neke theome foli fapulo ghami ka glepo tangomana te boto, jateula silva ba gol.

Ululahu Pita 2:3

Eigna ghotilo lasenihi puhigna Lord na, nei lasenihi mana na kaisei mae keli fara.

Ululahu Pita 4:2

Eghume kani au teu ghotilo ka nauthoglu igne, ghotilo thosei leghudi glepo te diꞌa te magnahagheni fara thini na. Blahi. Ghotilo leghuni kolho unha te magnahagheni God na.

Fapea Pita 1:4

Ka puhi igne mana neke tusu ranghi ghita glepo te keli fara teke nhaꞌa cheke ranghi ghita. Eigna ka glepo igre tahati au noda nolaghi te mala rikhadi nodi nafnata puhi te diꞌa naiknogna nauthoglu igne. Eghuteuna tahati na tangomana te salofodu ka nakarhagna nei puhigna eghu God te thofno keli fara.

Fapea Pita 2:20

Faꞌunha? Jame lase fakelini naiknore eigna noda Lord Jisas Kraes mae ihei teke fakarhi ghita na meuna, mare na snagla ka puhigna nauthoglu igne. Nu jame teke pulo mare teke edi fabrahu puhi te diꞌa tuare, puhi biꞌo fara ginauna thokedi mare ke uluni teke ulu lahu na.

Ululahu Jone 3:13

Kheraguro, thosei jaglo nomi kate tirodi ghami naikno te leghuni puhigna nauthoglu igne.

Ululahu Jone 5:19

Tahati lasenihi tahati goro thugna God nu mae Satan funei fruni nauthoglu tongana gne.

Thakle 12:9

Mare ne koko soruni pholi biꞌo na baludi nogna engel re ka nauthoglu gne. Pholi biꞌo tuana ngala mogo gna tifa te kiloni tahati mae Satan, mae funeidi naitu te gnafare. Eigna mana ne baubatudi naikno te gnafa ka nauthoglu gne ka nabrou te jafra.

Thakle 13:8

Aonu naikno te gnafa ka nauthoglu gne, mare ginauna pogho soru ranghini bosu te diꞌa tuana. Nu iheire teke rioriso soru nanghadire ka nogna buka God na, mare ngala nate theome pogho soruni bosu na. Igne nogna buka Lam, mae ihei God teke ghaoghaho eigna mana kani theome vuvuha nga teku nauthoglu gne te mala ginauna lehe ranghidi nogna naiknore.