Letas Teke Riso Tei Mae Pol Ka Khiloau Rom 11:1 - Buka Blahi Ka Cheke Holo

¹ Eghume iara nake fapea ghusnai. Ba, God na susukudi nogna naikno thegna re sia? Theo! Iara gne kaisei maegu Israel, eigna iara neke karha mei ka vikegna mae Ebraham nei ka vikegna mae Benjamin.

Letas Teke Riso Tei Mae Pol Ka Khiloau Rom 11:1 Iomraidhean Croise

Fapea Kings 23:27

Aonu Lord ne cheke eghu, “Iara ginauna khi fajifla ghami ghotilo naiknomi Juda gre jateula teke khi fajifladi iara naiknodi Israel tifa ra eghu. Iara ginauna tiroguni Sugablahi nei namono biꞌo Jerusalem teke vavahi iara igne. Iara neke cheke eghu eigna Sugablahi igne, ‘Jare te mala pogho soruni Nanghagu iara na.’ ”

Nodi Khoje Hatimare Mae Jiu 77:7

“Ba? Nomi Lord ghehati gne la tirogna ghami hila ghehati fabrahu signea? Ba? Mana ginauna tirogna phile hila ka ghehati?

Nodi Khoje Hatimare Mae Jiu 94:14

Lord na ginau theome figri tagrudi nogna naiknore. Uve, mana ginau na theome tangomana te figri tagru ghita tahati nogna naikno mana gre.

Profet Hosia 9:17

God mae ihei te loku ranghini iara igne ginauna na figri tagrudi nogna naiknore, naugna naikno igre ne theome leghuni nogna cheke mana na. Eghuteuna naikno igre ginauna mala tei tafri kolho ka keha kantri delei.

Luku 20:16

Mana ginauna tei ka nagare na mala falehedi mae greireghi nagare igre. Aonu mana ginauna snakre lao nagare na ka keha mae greireghi nagare delei mala reireghi mare.” Kate nomhini naiknore cheke naba igne, mare ne cheke eghu, “Theo, theome jateula tuana eghu!”

Mae Khuru 22:3

“Iara kaisei mae Jiu, eghuteuna iara neke karha ka namono Tasis ka Provins Silisia, nu iara neke biꞌo haghe agne Jerusalem. Mae biꞌo teke farirhiu ghau iara na mae Gamalio, eghuteuna mana neke farirhiu fakeli ghau iara te mala leghuni nodi vetula mae ku'edara. Iara thofno heta fara te mala fafnaknoni God ka gobigna lepo te edi iara re, jateula te eni ghotilo gognaro gne eghu.

Mae Khuru 26:4

“Mae Jiu gre kafe laseni puhigu iara na. Mare laseni fara nakarhagu iara na funu biꞌo haghegu ka thofno namonogu na ghilei mei au Jerusalem.

Letas Teke Riso Tei Mae Pol Ka Khiloau Rom 11:11

Eghume te ghusnani iara na, ba, kate uka mae Jiu gre, mare la uka fadiꞌa fabrahuhi sigrea? Theo! Nu God neke hata nodi najafra mae Israel gre mala hata mei karha ka iheire te theome Jiu mala goghotu mae Israel gre ka mare.

Letas Teke Riso Tei Mae Pol Ka Khiloau Rom 3:4

Theo fara. Neubane chaghi naiknore, God ginauna tutuani fabrahu ka unha te chekedi mana re, jateu te chekeni ka grioriso te blahi na, “God, te chekeni iagho kate tapla jafra ghehati ka nakhibo na, ghehati laseni nou cheke iagho na thofno doglo fara. Eghuteuna kate ghaoghatho mala fate nigho teuna, naiknore ginauna filo glani nigho te doglo fabrahu iagho na.”

Fapea Korin 11:22

Mare cheke fahaehaghedi fara te mae Hibru, mae Israel nei vikegna mae Ebraham teuna. Uve, iara jaola tangomana te cheke fahaehaghe ghau jateula mare teuna.

Filipae 3:5

Iara thofno maegu Israel neke karha ka vikegna mae Benjamin, eghuteuna ka fahanagna narane gu iara na mare neke vavahe ghau iara. Iara leghuni nodi vetula mae Jiure naugna iara kaisei mae Farasi.

Ululahu Samuel 12:22

Lord na magnahagheidi naiknore te ghatho tahuni nanghagna mana na, naugna igne te theome tei koko ghami mana na, eghuteuna mana neke vahi ghami ghotilo mala nogna naikno mana.