Letas Teke Riso Tei Mae Pol Ka Khiloau Rom 10:9 - Buka Blahi Ka Cheke Holo

⁹ Jame te cheke eghu iagho ke uludi naikno te gnafare, “Jisas na mae funei!” Eghuteuna te thofno fatutuani iagho ka nagnafamu na, God neke fakarha fapuloni mana kau glehe teuna, mana ginauna fakarha nigho iagho.

Letas Teke Riso Tei Mae Pol Ka Khiloau Rom 10:9 Iomraidhean Croise

Luku 12:8

Mae Jisas ne cheke eghu, “Uve, te chekeni iara ka ghotilo na, jame kaisei mae kegra ke uludi keha naiknore eghuteuna cheke thakleni thegna te fatutuani ghau iara teuna, iara mae teke mei funu ka God na ginauna jaola cheke thakleni mana ka engel nogna God re mae tuana te nogu iara na.

Jone 9:22

Idogna kmagna teu mana ne cheke eghu naugna repa ne mhaghudi mae biꞌodi mae Jiure. Mae Jiure la kulu chekenihi mae ihei te chekeni mae Jisas gne ngala mae Kraes na teuna mala au kosi kau suga tharai na.

Mae Khuru 16:31

Phiamare ne cheke eghu ka mana, “Fatutuani ni noda Lord Jisas, God ginauna fakarhi nigho nei naikno te gnafa ka tharaknamu na.”

Mae Khuru 2:24

Nu God ne hata fajiflani mana ka nolaghi te mala lehe na, eghuteuna ke fakarha fapuloni kau glehe. Naugna glehe na theo kaisei nogna nolaghi te mala loku famakuni mana na.

Mae Khuru 2:32

Tutuani, God neke fakarha fapuloni mae Jisas kau glehe, eghuteuna ghehati te hui na la thofno filonihi ka tathamire.

Mae Khuru 8:36

Kate soru te soru mare ka nabrou na, mare tei ne posa ka vido te au keha khoꞌu na. Mae biꞌo na ne cheke eghu, “Filo! Igne u khoꞌu na! Ba, unha gne te lhoti ghau te theome apublahi iara gognaro na?”

Letas Teke Riso Tei Mae Pol Ka Khiloau Rom 10:10

Naugna te fatutuani tahati ka nagnafada na, God na togho ghita mala au doglo ka tathagna thegna na. Eghuteuna te cheke thakleni tahati noda fatutuani na, God ginauna na fakarha ghita.

Letas Teke Riso Tei Mae Pol Ka Khiloau Rom 14:11

Uve, te risoni ka grioriso te blahi na, Lord ne cheke eghu, “Naikno te gnafare ginauna mei tuturupuku ke ulugu iara, eghuteuna naikno te gnafare ginauna chekeni, iara God.” Cheke igre tutuani fara naugna Lord neke chekedihi.

Letas Teke Riso Tei Mae Pol Ka Khiloau Rom 14:9

Naugna Kraes neke lehe, eghuteuna ke karha fapulo, mala nodi Lord iheire te karha teu ba iheire tela lehehi.

Letas Teke Riso Tei Mae Pol Ka Khiloau Rom 4:24

Theo, jaola cheke eida tahati naikno te fatutuani ni God te au mei ke leghugna mana re. Tutuani fara, God na au nolaghi neke fakarha fapuloni noda Lord Jisas Kraes kau glehe. Tahati fatutuani ni mana, eghuteuna mana ginauna jaola filo ghita jateula naikno te doglo eghu.

Letas Teke Riso Tei Mae Pol Ka Khiloau Rom 8:34

Te eghu na theo kaisei naikno te tangomana te fate ghita tahati na, eghuteuna chekeni ne jafra tahati teuna. Naugna Jisas Kraes mae ihei teke lehe na mana neke karha fapulo, mana gognaro na auhi fei nhetagna God, eghuteuna mana tarai heta mala togho ghita tahati.

Ululahu Korin 12:3

Eghume, te chekeni iara ka ghotilo na, theo kaisei naikno te cheke eghu ka nogna baubatu Tharunga gna God na, “Jisas na mae diꞌa!” Eghuteuna ihei ngala te baubatu Tharunga te Blahi na, mana tangomana te thofno cheke eghu na, “Jisas na mae funei!”

Filipae 2:11

Eghuteuna mare ginauna kafe cheke eghu, “Mae Jisas Kraes na mae funei.” Eghuteuna mare ginauna kafe cheke fakelini nanghagna God Kmada.

Ululahu Pita 1:21

Naugna igne, ghotilo fatutuani ni God mae ihei teke fakegra fapuloni mae Kraes ka glehe nei tusu ranghini nafnakno biꞌo. Eghume gognaro na nomi fatutuani nei grouronu teu ghotilo na biꞌo fara ka God.

Ululahu Jone 4:15

Ihei te fatutuani nei chekeni Jisas na Thugna God, God au balugna mana nei mana au balugna God.

Fapea Jone 1:7

Kmana mae velepuhi chaichaghi ke lamnagna nauthoglu gne gognaro na. Mare tirodi fatutuani ni mae Jisas Kraes teke mei ka nauthoglu gne te vuhai thini jateula kaisei mae ka tahati. Nafnata naikno te tirogna fatutuani igne kaisei mae chaichaghi nei kaisei nogna naoka mae Kraes.