Letas Teke Riso Tei Mae Pol Ka Khiloau Rom 10:2 - Buka Blahi Ka Cheke Holo

² Iara lasedi, mare thofno fariuriu fara te mala leghuni God na, nu mare theome raꞌe laseni puhi te doglo na neu.

Letas Teke Riso Tei Mae Pol Ka Khiloau Rom 10:2 Iomraidhean Croise

Fapea Kings 10:16

Mae Jehu neke cheke eghui, “Gognarona iagho mei balugu iara mala filoni themu te loku iara ranghini Lord na.” Aonu phiamare kafe saghe ka chariot na ne tei Samaria.

Nodi Khoje Hatimare Mae Jiu 14:4

God ne cheke eghu, “Tore, naikno igre te edi puhi te diꞌa igre, ba, theome lalase sigrea? Ba, theo pha'udi sigrea? Mare karhau kolho ka unha teke blau mare ka nogu naikno iara re, nei jaola tirodi tarai ka iara.”

Proveb 19:2

Te theome laseni na, iagho thosei nananga. Te nananga iagho na, iagho na tei fajafra.

Profet Isaia 27:1

Ka narane tuana, Lord ginauna parani mogo biꞌo ka thongna te kiloi Leviatana. Mana ginauna hata nogna naflahi fnonu na mala aknu falehe mogo igne.

Jone 16:2

Naiknore ginauna faꞌau kosi ghami ghotilo ka nodi suga tharai are. Uve, narane na mei, mare ginauna falehe ghami ghotilo. Eghuteuna mare gaoghathodire ne enihi unha te magnahagheni God na eghu.

Mae Khuru 21:20

Kate nomhini mare nogna cheke mae Pol igne, mare ne kilo fnaknoni God. Aonu mare ne cheke eghu ka mae Pol, “Ghema thabusigna, iagho laseni kmana thogha mae Jiu la fatutuani ni mae Jisas, eghuteuna mare jaola kafe leghuni fara nogna vetula mae Moses.

Mae Khuru 21:28

Mare ne eha eghu fabiꞌo, “Ghotilo maemi Israel, togho ghami ghehati! Mae igne tei tongana heva heva cheke fapari ghita tahati nei farirhiudi naiknore mala thosei leghuni nogna vetula mae Moses na, nei cheke faparini noda Sugablahi tahati igne. Eghuteuna gognaro na mana la fatothona Sugablahi gne, naugna mana hata la mei keha mae Griki la ruma ka Sugablahi gne!”

Mae Khuru 22:22

Naiknore fanomho neu ka mae Pol ne ghilei chekeni mana igne. Aonu naiknore ne funu eha fabiꞌo eghu, “Faleheni! Mae igne theome nabagna te karha!”

Mae Khuru 22:3

“Iara kaisei mae Jiu, eghuteuna iara neke karha ka namono Tasis ka Provins Silisia, nu iara neke biꞌo haghe agne Jerusalem. Mae biꞌo teke farirhiu ghau iara na mae Gamalio, eghuteuna mana neke farirhiu fakeli ghau iara te mala leghuni nodi vetula mae ku'edara. Iara thofno heta fara te mala fafnaknoni God ka gobigna lepo te edi iara re, jateula te eni ghotilo gognaro gne eghu.

Letas Teke Riso Tei Mae Pol Ka Khiloau Rom 10:1

Kheraguro, iara thofno magnahagheni fara God te mala fakarhidi hui mae Jiu gre. Igne nogu tharai iara ka God na.

Letas Teke Riso Tei Mae Pol Ka Khiloau Rom 10:3

Mare theome filo glanini puhigna God te mala toghodi naiknore te mala au doglo ka tathagna mana na. Mare fariuriu leghuni kolho unha te magnahagheni thedi na, eghuteuna mare theome snakreni God mala toghodi ka puhi te mala au doglo ka tathagna God na.

Fapea Korin 4:4

Eigna Satan mae ihei te funei frunini nauthoglu igne ne faromnodi nagnafadi naikno te theome fatutuanire. Eghume mare theome tangomana te filoni u naphae gna Nonomho te Keli te thofno fatakleni nogna nolaghi biꞌo Kraes na, mae ihei te thofno thotoghale gna God na.

Fapea Korin 4:6

Naugna God neke chekeni naphae na mala siasigla kate romno na, eghuteuna God tuanala te fasigla mei u naphae gna na ka nagnafami ghehatire. Mana eni igne mala lase fakelini ghehati nogna nolaghi biꞌo God te sigla mei ka thinigna Kraes.

Fapea Korin 8:3

Iara cheke tutuani ka ghotilo, mare tufa salaꞌui gobigna lepo te naba mala tufa na. Theo iheinga te cheke ranghidi te mala eni igne, thedi kolho.

Galesia 1:14

Eghuteuna iara heta fara mala leghu fakelini nodi kastom hatimare mae biꞌomi Jiu tifa ra. Ka puhi igne iara loku heta fara uludi kmana mae kheragu te majaghani ra.

Galesia 4:15

Ghotilo neke gleale'a fara ka narane tuia. Gognaro na ba? Aheva si gleale'a tuia? Tutuani fara, ka narane tuia ghotilo neke magnahaghei edi glepo te kelire. Jame te keli na ghotilo bilo fajifla tathamire mala tusu mei ka iara mala togho ghau iara.

Filipae 1:9

Iara tarai ghami ghotilo mala kotu biꞌo ghotilo nomi namha na ranghidi kherami fofodure ka nogna puhi nei nogna glalase eghu God.

Filipae 3:6

Iara thono keli tagu fara te mala paradi naikno te fatutuani ni mae Jisas Kraes. Iara leghu fakelidi koba nogna vetula mae Moses na.

Kolose 4:13

Iara tangomana te toutonudi ka ghotilo eidi gloku brana te edi mana te mala togho ghami ghotilo nei toghodi naikno te au ka namono Leodisia nei Hierapolis.