Letas Teke Riso Tei Mae Pol Ka Khiloau Rom 10:1 - Buka Blahi Ka Cheke Holo

¹ Kheraguro, iara thofno magnahagheni fara God te mala fakarhidi hui mae Jiu gre. Igne nogu tharai iara ka God na.

Letas Teke Riso Tei Mae Pol Ka Khiloau Rom 10:1 Iomraidhean Croise

Eksodas 32:10

Iara thono diꞌatagu fara ka naikno igre, eghuteuna iara ginauna goigonidi nei roꞌedi eghu mare. Iagho thosei fariuriu lhoti ghau iara. Iara ginauna eni nigho iagho baludi iheire nate karha mei ke leghumu iagho re mala kaisei vike biꞌo.”

Eksodas 32:13

Iagho ke ghathodi thilo nou mae gloku ra, Ebraham, nei Isak nei Jekop, iagho ke ghathoni u Nhaꞌa Cheke teke eni iagho ka thilo mare ka nanghamu themu. Iagho neke nhaꞌa cheke eghuhi ka thilo mare, ‘Iara ginauna edi iheire nate karha mei ke leghumi ghotilo re mala kmana fara jateula nathunu ka maloa na are eghu. Eghuteuna iara ginauna tusu lao ka mare vido glose te gnafa teke nhaꞌa cheke iara ka ghotilo ra, mala nodi mare fabrahu.’ ”

Profet Jeremaea 17:16

Nu neuba, iara theome babaꞌo te reireghidi nou naikno iagho igre, eghuteuna iara theome magnahagheni kaisei puhi biꞌo te thokedi mare na. Cheke te gnafa te chekedi iara igre iagho kafe lasedi gnafa.

Profet Jeremaea 18:20

Ba, keliu kolho te tughu fapulo glepo te diꞌa na ka glepo te keli na? Theo. Neuba mare ne magnahaghei falehe nigho iagho neu, iara tore nigho iagho mala thosei diꞌatamu nei paradi eghu mare. Nu mae naoka igre magnahaghei te goigoni ghau iara, jateula kaisei mae te dokha khora te mala snoꞌo bosu tagna te mala falelehera eghu.

Luku 13:34

Aonu, mae Jisas ne cheke eghu, “Ghotilo naikno te au Jerusalem! Ghotilo falehedi hatimare mae profet ra eghuteuna fada falehedi ka thina mae teke kuru mei God ra. Kmana fata iara magnahaghei ghami ghotilo mala mei ka iara. Iara magnahaghei reireghi ghami ghotilo jateula khokorako gaꞌasegna te opo tafru thugnare ke pari baghignara eghu. Nu ghotilo tiromi magnahagheni ngala.

Jone 5:34

Iara theome lelheghu ka naiknogna nauthoglu gne te mala chekedi unha te edi iara re tutuani fara teuna. Nu iara chekeni ka ghotilo igne mala fatutuani ghotilo mala athani u karha fei tifa na.

Letas Teke Riso Tei Mae Pol Ka Khiloau Rom 10:2

Iara lasedi, mare thofno fariuriu fara te mala leghuni God na, nu mare theome raꞌe laseni puhi te doglo na neu.

Letas Teke Riso Tei Mae Pol Ka Khiloau Rom 9:33

eigna God neke cheke eghu ka grioriso te blahi na, “Fanomho si ghotilo, iara ginauna lilisei haghe Saion kaisei naikno jateula kaisei thina mala faꞌukadi nei fatotokheidi naiknore. Nu ihei te fatutuani ni mana na, naikno igne ginauna theome tangomana te mamaja na.”

Ululahu Samuel 12:23

Eghuteuna te iara na, iara ginauna tarai fabrahu ghami ghotilo. Jame te theome eni iara igne na, iara khibo ranghini Lord. Leuleghu fata na, iara ginauna farirhiu ghami ghotilo ka puhi te keli nei doglo eghu.

Ululahu Samuel 15:11

“Iare diꞌanagnafagu fara, naugna iara neke vahini mae Sol mala king. Nu gognarona mana la theome leghudi nei nomhidi eghu nogu cheke iara re, eghume iara theome magnahagheni mana teke king na eghu.” Aonu mae Samuel ne faꞌihoni fara ka puhi igne ne tarai ne tarai bongi thongana na.

Ululahu Samuel 15:35

Eghuteuna funu ka narane igne te ghilei thoke ka narane te lehe mae Samuel na, mana ne theome tei filoni mae Sol. Nu leuleghu fata na, mae Samuel neke diꞌanagnafa gna fara ka king, eghuteuna Lord neke diꞌanagnafa gna fara naugna mae Samuel neke fablahi ni mae Sol mala king gna Israel.