Letas Teke Riso Tei Mae Pol Ka Khiloau Rom 1:8 - Buka Blahi Ka Cheke Holo

⁸ Ulu lahu na, iara cheke fakelini God eimi ghotilo ka nanghagna mae Jisas Kraes. Naugna naikno kmana heva heva ka nauthoglu igne nomhini nomi fatutuani ghotilo na.

Letas Teke Riso Tei Mae Pol Ka Khiloau Rom 1:8 Iomraidhean Croise

Matiu 24:14

Mare ginauna jifla tei toutonuni Nonomho te Keli eigna nafnata puhi God nate funei frunidi nogna naiknore. Mare ginauna toutonuni igne heva heva ke lamnagna nauthoglu igne ka naikno te gnafare. Aonu, ame thoke mei nga narane leghu lahu na eghu.”

Luku 2:1

Ka narane tuana, mae Funei Sisa Aghastus gna Rom na ne eni kaisei vetula mala riso nanghadi naikno te gnafa te au ka provins fateo te funei frunidi mana re.

Mae Khuru 11:28

Eghuteuna kaisei mae ka hatimare nanghagna na mae Agabus. Mana kegra haghe ne cheke ka nogna thotogho mae Tharunga te Blahi na ne cheke thakleni u nhigra behu nate thoke mei ginau heva heva kau nauthoglu gne. Eghuteuna igne ne thoke mei tutuani ka narane teke funei biꞌo teku mae King Klodius Rom.

Mae Khuru 28:22

Nu ghehati magnahaghei nomhidi nou gaoghatho iagho re. Naugna ghehati laseni naiknodi namono te gnafa igre cheke faparini koba tothoghei te au iagho tagna igne.”

Letas Teke Riso Tei Mae Pol Ka Khiloau Rom 10:18

Nu iara na ghusna ka ghotilo, “Ba, naiknodi Israel gre jau theome nomhiu ngala si u Nonomho te Keli gnea?” Uve, mare la nomhihi, jateula te chekeni ka grioriso te blahi na ia eghu, “Nodi chekere la jiflahi ka naikno te gnafa ka nauthoglu gne, nodi chekere la tei thokehi ka namono te gnafa ka nauthoglu gne.”

Letas Teke Riso Tei Mae Pol Ka Khiloau Rom 16:19

Naikno te gnafare nomhinihi eigna te kegra heta ghotilo ka nomi fatutuani na. Iara gleale'a fara ka ghotilo eigna igne. Nu iara magnahaghe ghami ghotilo te mala thofno lase fakelidi mala edi glepo te kelire, nei iara magnahaghe ghami ghotilo te mala thosei ghathodi mala edi kolho glepo te diꞌare.

Letas Teke Riso Tei Mae Pol Ka Khiloau Rom 6:17

Tifa na, ghotilo neke loku ranghini nakhibo, nu gognaro na, ghotilo thofno leghudi cheke teke farirhiu ghami ghehati ra. Iara cheke fakelini God eigna igne!

Ululahu Korin 1:4

Iara cheke fakelini God leuleghu fata naugna mana neke tusu ari ka ghotilo nogna khokofakasai na mala kaisei ghotilo balugna Jisas Kraes.

Fapea Korin 2:14

Nu ghehati ne cheke fakelini God, mae ihei te togho ghami fabrahu balugna Kraes te mala uluni ghehati u magra na ka vido aheva mana teke kuru lao ghami na. God ne loku ke lamnami ghehati mala tangomana glalase eigna Kraes na te tei tongana heva heva jateula insens te siri keligna fara.

Efesus 1:15

Eigna igne, iara theome gnafa te cheke fakelini God eimi ghotilo na. Tutuani, leuleghu fata na iara tangomana te ghatho ghami ka nogu tharaire funu ka narane te nomhi ghami iara te fatutuani ni ghotilo Lord Jisas nei nomhi ghami ghotilo te thofno namhadi nogna naikno te gnafa God re.

Efesus 3:21

Tahati nogna khiloau mana eigna tahati kaisei balugna mae Jisas Kraes, tahati ginauna kilo fnaknoni God fabrahu tifa tifa. Amen.

Efesus 5:20

Eghuteuna ka nanghagna mae Jisas Kraes noda Lord, ghotilo cheke fakelini God Kmada eidi gobigna lepo te edi leuleghu narane.

Filipae 1:11

Eghume, ghotilo ginauna edi kmana glepo te keli te mei funudi ka thegna mae Jisas Kraes, mala tangomana ghotilo te ghatho tahuni nei cheke fakelini teu nanghagna God na.

Filipae 1:3

Iara cheke fakelini God koba kate ghatho ghami ghotilo na.

Kolose 1:3

Ka nomi tharai eimi ghotilo na ghehati cheke fakelini God fabrahu, Kmagna noda Lord Jisas Kraes.

Ululahu Tesalonika 1:2

Uve, kate tarai na ghehati ghatho ghami koba nei cheke fakelini God eimi ghotilo.

Ululahu Tesalonika 2:13

Eghuteuna ghehati jaola cheke fakelini God leghu narane, kate hatini ghotilo chekegna God te nomhini ka ghehati. Naugna ghotilo theome hatini jateula nogna cheke naikno kolho eghu, nu thofno chekegna God. Eghuteuna thofno chekegna God igne loku ke lamnami ghotilo iheire te fatutuani.

Fapea Tesalonika 1:3

Ghehati cheke fakelini God leghu rane eimi ghotilo kheraguro. Nabami ghehati te eni igne, naugna nomi fatutuani ghotilo na bruara fara. Eghuteuna namha te sopa au ka ghotilo te gnafa na jaola bruara.

Fapea Timoti 1:3

Iara cheke fakelini God, eigna iara loku ranghini mana balu gaoghatho te klino ke ulugna God, jateu teke edi mae kuꞌeda tifa ra eghu. Leuleghu fata kate tarai re iara ghatho nigho fabrahu bongi narane.

Filimon 1:4

Uve ghema Filimon, iara cheke fakelini noda God koba kate tarai nigho na.

Hibru 13:15

Eghume tahati tangomana te kilo fnaknoni God fabrahu ka unha teke eni mae Jisas. Eghume noda kilo fnakno tahati na jateula kaisei fafara te fafara ka God ia eghu. Eghuteuna tahati fafara ka God kate toutonuni nanghagna mana balu gleale'a.

Ululahu Pita 2:5

Ghotilo jaola jateu thina karha eghu, eghuteuna God ginauna salo fodu ghami jateula nogna Sugablahi eghu ka nogna nolaghi mae Tharunga te Blahi. Ghotilo ginauna jateula nogna mae pris blahi eghu God mala au fodu mala fafara ka God. Mae Tharunga te Blahi ginauna togho ghami ghotilo mala fafara, nei God ginauna keli tagna fara ka fafara igre ka nanghagna mae Jisas Kraes.

Ululahu Pita 4:11

Ihei ka ghotilo te toutonuni chekegna God na, mana mala toutonuni cheke teke tusu mei God ka mana kolho. Eghuteuna ihei ka ghotilo te toghodi naiknore, mana eni igne ka nanheta teke tusu ranghini God na. Ka nafnata gloku te keli igre, naiknore ginauna kilo fnaknoni God ka nanghagna mae Jisas Kraes. Nafnakno nei nolaghi biꞌo te au balugna God tifa tifa. Amen.