Letas Teke Riso Tei Mae Pol Ka Khiloau Rom 1:3 - Buka Blahi Ka Cheke Holo

^3-4 U Nonomho te Keli igne eigna Thugna Jisas Kraes noda Lord. Mana neke karha mei ka vikegna mae King Devet. Eghuteuna mana mae blahi jateula God eghu, eghuteuna God neke fakarha fapuloni mana ka nogna nolaghi biꞌo na nei mala laseni naiknore mana te thofno Thugna God na.

Letas Teke Riso Tei Mae Pol Ka Khiloau Rom 1:3 Iomraidhean Croise

Jenesis 3:15

Iara ginauna na eni igne ka iagho mala nogna naoka gaꞌase igne, eghuteuna gaꞌase igne mala nou naoka iagho. Eghuteuna iara ginauna na jaola eni igne ka vikemu iagho re mala nogna naoka vikegna gaꞌase igne. Mare ginauna na tapla poaposa phaꞌumu iagho na, eghuteuna iagho ginauna nake figri faleghu nake kakathu ka ghahedire.”

Nodi Khoje Hatimare Mae Jiu 2:7

King na ne cheke eghu, “Gognarona iara na chekeni unha teke chekeni Lord ia. Mana neke cheke eghu ka iara, ‘Iagho mae thugu iara. Funu gognaro gne, iara mae kmamu iagho.

Profet Jeremaea 33:26

Na jateula igne eghu, iara ginauna na theome thododi vikedi mae Jekop ghe nogu mae gloku iara mae Devet. Eghuteuna iara na jaola theome huhughuni nhaꞌa cheke nate au fabrahu teke eni iara balugna King Devet, nei king te gnafa nate funei frunidi vikedi mae Ebraham, mae Aesak nei mae Jekop, ginauna karha mei ka vikegna Devet. Iara ginauna kokhonidi nogu naiknore, eghuteuna iara ginauna toghodi mala au fakeli ka nodi namono na jateula teke tifa ia eghu.”

Profet Emos 9:11

Lord ne cheke eghu, “Ginauna nake thoke mei narane na teke toghoni iara Israel mala teke rheta fapulo na. Naiknodi Israel igre jateula kaisei suga tela grofohi ra eghu, nu iara ginauna nake babana fapulo mala ke keli jateula teke ka narane teke king mae Devet tifa ia eghu.

Matiu 1:1

Igne buka thoutonu eigna mae Jisas Kraes, vikegna mae Devet, nei vikegna mae Ebraham.

Matiu 1:16

mae Jekop na neke kmagna mae Josep khetogna Meri, idogna mae Jisas mae te kiloni Kraes.

Matiu 1:6

mae Jesi na neke kmagna mae King Devet. Mae Devet na neke kmagna mae Solomon, (nu idogna mana na neke khetogna mae Uria);

Matiu 12:23

Kate filoni mare igne, mare jaglo nodi fara ne cheke eghu, “Tore! Igne ngala jau si mae vikegna King Devet te ofoni tahati na.”

Matiu 15:22

Kaisei naikno biꞌogna Kenan te mei au ka nohi tuana mei ne eha eghu ka mae Jisas, “Lord, vikegna mae King Devet! Kokhoni ghau iara! Thugu gaꞌase iara na kaisei naitu ne parani fara.”

Matiu 26:63

Nu mae Jisas ne theome cheke. Aonu mae pris biꞌo na ne cheke eghu, “Gognarona iagho nhaꞌa cheke ka ghehati. Iara magnahaghei nigho iagho ka nanghagna God te karha, cheke kate tutuani ka ghehati. Iagho ngala si mae Kraes Thugna God na ia?”

Matiu 27:43

Mana au nogna grouronu ka God chekeni koba ne Thugna God teuna. Eghuteuna te ghathoni mana tutuani God na lisa laoni mala mei God fakarhini mana.”

Matiu 3:17

Aonu kaisei naogla ne cheke eghu mei funugna kligna, “Igne mae thofno Thugu iara na. Iara thofno namhani mana nei keli taguni eghu mana.”

Matiu 9:27

Kate jifla mae Jisas ka vido tuana, phei mae te dofu ne funu leghuni mana ne eha eghu ka mana, “Iagho vikegna mae King Devet, kokhoni ghami ghepa!”

Luku 1:35

Engel ne cheke eghu ka naꞌa, “Meri, mae Tharunga te Blahi na ginauna na soru mei ke kligna mu iagho. Eghuteuna nogna nolaghi biꞌo God na ginauna na au balumu iagho. Naugna igne u sua na ginauna na blahi eghuteuna naiknore ginauna na kiloi mana thofno Thugna God.

Luku 1:69

God ginauna kuru meini kaisei mae te au nolaghi biꞌo ka tahati, mae igne kaisei mae vikegna King Devet nogna mae gloku.

Jone 1:14

Eghume Chekegna God igne neke karha mei fei thini jateula tahati neku, neke au balumi ghehati. Ghehati neke filonihi u nogna nolaghi mana na. Nolaghi tuana neke tusu lao mae Mama ka mae thofno Thugna na. Eghuteuna mae Chekegna God igne fodu kau khokofakasai nei tutuani.

Jone 1:34

Tutuani fara, iara la filonihi. Eghume unha te chekeni iara ka naiknore mae igne ngala thofno mae Thugna God na.”

Jone 1:49

Mae Natanel ne cheke eghu ka mana, “Mae velepuhi, iagho thofno Thugna God! Iagho nodi King hatimare mae Israel!”

Jone 10:30

Uve, ghepa mae Mama na kaisei ngala.”

Jone 10:36

Eghuteuna ka unha gne site ne cheke faparini iara mae Mama teuni ghotilo gnea? Ba, naugna te cheke eghu iara, ‘Iara Thugna God’ teu iara gne? God vahi ghau iara neke kuru mei ghau iara kau nauthoglu gne.

Jone 20:28

Mae Tomas ne cheke eghu ka mana, “Tutuani fara, iagho nogu Lord nei nogu God!”

Jone 20:31

Eghuteuna, glepo igre iara neke riso soru mala iu'ijudi ghotilo nu fatutuani ni mae Jisas gne mae Kraes, Thugna God. Te fatutuani ni mana ghotilo na, ghotilo ginauna tangomana te athani thofno nakarha na ka nanghagna mana.

Jone 5:25

Tutuani fara te chekeni iara ka ghotilo na. U narane na la meihi, la kulu auhi agne, kau narane tuana naikno teke lehehira ginauna nomhi ghau iara mae Thugna God na. Eghuteuna naikno nate nomhi ghau nei leghu ghau teu iara tuare na athini u karha na.

Jone 7:42

Unha te chekeni kau grioriso te blahi na mae Kraes na mala karha mei ka vikegna mae King Devet. Eghuteuna mana na karha ka namono Betlehem, namono aheva teke karha mae Devet.”

Mae Khuru 2:30

Nu mae Devet gne neke kaisei mae profet, eghuteuna mana laseni u nhaꞌa cheke teke eni God ka mana nate mala kaisei mae ka vikegna thegna mala kegra funei biꞌo jateula mana eghu.

Mae Khuru 3:13

Nodi God mae ku'edara, nodi God mae Ebraham, nei mae Isak, nei mae Jekop neke eni te filoni ghotilo igne mala fafnaknoni tahati nanghagna nogna mae gloku Thugna Jisas. Nu ghotilo neke snakreni mana ka khamedi goro mae biꞌo re. Neuba mae Paelat ne ghaoghatho mala snakre fajiflani mae Jisas, ghotilo te chekeni ka mae Paelat na ghotilo theome magnahagheni mana.

Mae Khuru 8:36

Kate soru te soru mare ka nabrou na, mare tei ne posa ka vido te au keha khoꞌu na. Mae biꞌo na ne cheke eghu, “Filo! Igne u khoꞌu na! Ba, unha gne te lhoti ghau te theome apublahi iara gognaro na?”

Mae Khuru 9:20

Mana doglo ne tei lamnagna nodi suga tharai mae Jiure ne toutonu eigna mae Jisas na thofno Thugna God.

Letas Teke Riso Tei Mae Pol Ka Khiloau Rom 1:9

Iara loku ranghini God balu nagnafagu fateo mala toutonuni u Nonomho te Keli eigna Thugna God. Eghuteuna God lase ghau iara te ghatho ghami ghotilo koba ka nogu tharaire.

Letas Teke Riso Tei Mae Pol Ka Khiloau Rom 4:1

Unha te laseni tahati eigna fatutuani kate filoni tahati nakarhagna mae kuꞌeda Ebraham tifa ia?

Letas Teke Riso Tei Mae Pol Ka Khiloau Rom 9:5

Mare neke jifla mei ka vikedi goro mae biꞌo Jiu te ulu tifa ra, eghuteuna Kraes na jaola neke karha mei naikno ka vikedi mare. Eghuteuna mana ngala mae funei biꞌo ke klignadi naikno te gnafare, mae ihei tahati te mala kilo fnaknoni tifa tifa. Amen.

Ululahu Korin 1:9

God na tathaji fabrahu nogna nhaꞌa cheke na ranghidi nogna naiknore. Mana kilo ghami ghotilo mala au fakeli balugna Thugna Jisas Kraes noda Lord.

Ululahu Korin 10:18

Ghatho laodi naiknodi Israel ra. Kate imani mare unha teke fafara ka God ka olta na, mare kaisei ngala balugna God.

Galesia 4:4

Nu kate mei thofno narane na, God neke kuru mei Thugna. Mana neke karha mei ka kaisei gaꞌase, eghuteuna mana neke au leghuni nogna vetula mae Moses.

Ululahu Tesalonika 1:10

Jaola te chekeni mare na ghotilo ofoni Thugna God mala mei vuha kligna. God neke fakarha fapuloni mae Jisas ka glehe mala tangomana mana te fakarhi ghita ka fate nogna God nate mei tutuani thogheiro.

Ululahu Timoti 2:5

Eigna jare na kaisei God ngala. Eghuteuna kaisei nabrou ngala te tangomana naiknore te tei thoke ka God na. U nabrou tuana ka mae Jisas Kraes, mae ihei jaola te kaisei naikno.

Ululahu Timoti 3:16

Tutuani fara, nogna thofno farirhiu khiloau na kaisei glepo biꞌo fara. Eghuteuna thofno farirhiu tuana cheke eghu, Mae Kraes neke vuha mei thini jateula naikno. Mae Tharunga te Blahi neke fatakleni puhigna mae Kraes na thono doglo fara. Engel re neke filoni mana. Naiknore neke tei toutonu eigna mana ka namono te kmanare. Naikno heva heva ka nauthoglu igne neke fatutuani ni mana. God neke hata hagheni mana kligna ka siasigla.

Fapea Timoti 2:8

Thosei ghatho ihoni mae Jisas Kraes teke karha mei ka vikegna King Devet, eghuteuna mana teke karha fapulo ka glehe. Igne u Nonomho te Keli te toutonuni iara na.

Ululahu Jone 1:3

Gognaro na ghehati toutonuni ka ghotilo unha ghehati teke filoni nei nomhini, naugna ghehati magnahaghe ghami ghotilo te kaisei fofodu balumi. Tahati mala kaisei fofodu ngala balugna God Mama nei Thugna, Jisas Kraes.

Ululahu Jone 3:23

Mana cheke faheta ka tahati mala fatutuani ni Thugna, Jisas Kraes, nei fari namhai jateula te chekeni mae Kraes.

Ululahu Jone 3:8

Nu ihei te tapla jafra fabrahu ka nakhibo na mana nogna mae Satan, naugna mae Satan tapla jafra fabrahu vuha tifa. Thugna God neke thakle mei malagna gaoghatho igne, mala roꞌeni nogna gloku mae Satan.

Ululahu Jone 4:15

Ihei te fatutuani nei chekeni Jisas na Thugna God, God au balugna mana nei mana au balugna God.

Ululahu Jone 5:1

Iheire fateo te fatutuani ni mae Jisas na mae Kraes, igre goro thugna God. Ihei te namhani God Mama na jaola namhadi thugnare.

Ululahu Jone 5:20

Eghuteuna tahati lasenihi Thugna God ne mei tusu ranghi ghita glalase mala laseni tahati thofno God. Eghuteuna tahati au balugna mae ihei te tutuani, tulao balugna mae Jisas Kraes. Mana thofno God nei mae ihei te tusu ranghi ghita u karha fei tifa na.

Ululahu Jone 5:5

Ba, ihei tangomana te tapla soruni puhigna nauthoglu igne? Uve, mae ihei ngala te fatutuani ni mae Jisas na thofno Thugna God.

Fapea Jone 1:7

Kmana mae velepuhi chaichaghi ke lamnagna nauthoglu gne gognaro na. Mare tirodi fatutuani ni mae Jisas Kraes teke mei ka nauthoglu gne te vuhai thini jateula kaisei mae ka tahati. Nafnata naikno te tirogna fatutuani igne kaisei mae chaichaghi nei kaisei nogna naoka mae Kraes.

Thakle 2:18

Mae igne neke cheke eghu ka iara, “Iagho rioriso tei kaisei letas ranghini engel gna khiloau Taetira, eghuteuna iagho cheke eghu ka mana: Igne nogu cheke iara mae Thugna God na. Tathagu iara re jateula khaꞌaghi te ngaja ia eghu, eghuteuna ghahegu iara re siasigla jateula bras eghu.