Nodi Khoje Hatimare Mae Jiu 99:8 - Buka Blahi Ka Cheke Holo

⁸ Lord God, iagho nomi God ghehati, eghuteuna iagho neke cheke tughudi nodi tharai nou naikno gre. Neuba iagho neke paradi eidi nakhibodire, iagho falalase ranghidi te iagho ngala God na, mae ihei te mala atha kokodi u nakhibodire.

Nodi Khoje Hatimare Mae Jiu 99:8 Iomraidhean Croise

Fapea Samuel 12:14

Nu puhimu iagho te diꞌa igne naoka ranghini Lord nei theome ghatho tahuni mana. Naugna igne thumu iagho te karha ka Batseba igne ginauna lehe.”

Nodi Khoje Hatimare Mae Jiu 78:38

Neuba mare ne eghu ngau, God na kokhoni nognadi fara, aonu mana ne hata koko nakhibodire ne theome paradi. Kmana fata mana diꞌatagna ka mare, nu mana loku fapulo diꞌatagna na.

Nodi Khoje Hatimare Mae Jiu 89:33

Nu iara ginauna na namhani fabrahu mae Devet, eghuteuna iara ginauna tajini nogu nhaꞌa cheke teke eni ka mana na.

Eksodas 32:2

Eron ne cheke eghu ka mare, “Uve, ghotilo tei atha dedenge gol ka khetomi nei thumi teu ghotilo are mala atha mei ka iara.”

Eksodas 34:7

Iara thofno namhadi koba nogu naiknore, nei iheire nate karha mei ke leghudi mare ghilei thokeni kmana thogha finogha. Iara tangomana te atha koko nakhibodi re jame te edi mare glepo te diꞌare, ba figri tagru ghau iara, ba edi thua nafnata nakhibo. Nu iheire te gnafa te leghudi fabrahu puhi te diꞌa re, iara ginauna paradi mare, baludi thudi te gnafa nei gradi te ikodi te gnafa teu mare re, ghilei thokeni fapea gradi nei fatilo gradi nate karha mei ke leghudi mare.”

Eklesiasti 7:29

Igne ngala unha te laseni iara na, God neke toghodi naiknore mala doglo, nu tahati leghudi kolho thua nafnata puhi te diꞌa re.

Profet Jeremaea 46:28

Iara ginauna na au balumi ghotilo, eghuteuna iara ginauna na fakarhi ghami ghotilo. Iara ginauna na goigonidi kantri teke atha ghami ghotilo are, nu iara ginauna na theome goigoni ghami ghotilo. Nu neuba, iara ginauna para ghami ghotilo eidi nakhibo teke edi ghotilo ranghi ghau iara ra. Nu iara ginauna na theome para ghami ghotilo.” Igne cheke gna Lord.

Profet Sefanaea 3:7

Te chekeni iara na, naiknore ginauna filoni puhigu iara na mhaghu nodi fara, eghuteuna mare magnahaghei ghau iara te mei fadogli re. Jame fanomho fakeli mare ka nogu cheke iara igre meuna, iara ginauna theome roꞌedi mare. Nu mare kegra haghe edi koba puhi te diꞌare salaꞌudi puhi teke edi tifa ra.”

Naba 20:12

Nu Lord ne cheke eghu ka mae Moses ghe mae pris Eron, “Naugna te theome au nomi grouronu ghopa te theome fakakhana ka naiknore te au nolaghi biꞌo iara na, ghopa theome tangomana te batudi naikno igre te tei ka vido teke nhaꞌa chekeni iara ka ghotilo tifa ia!”

Naba 20:24

“Mae Eron gne ginauna theome tangomana te tei thoke ka vido te nhaꞌa chekeni iara mala tufa ka naiknodi Israel gre, nu mana ginauna lehe, naugna ghopa ne theome leghudi nogu cheke iara re jare ka Khoꞌu Meriba.

Letas Teke Riso Tei Mae Pol Ka Khiloau Rom 1:21

Mare lasenihi God, nu mare theome ghatho tahuni nei theome cheke fakelini eghu mana. Unha teke ghathodi mare re theo nafudi kolho, eghuteuna nagnafadire thofno jafra fara.

Diutronomi 3:26

“Nu Lord neke diꞌatagna fara ka iara eidi puhimi ghotilo re neke tirogna fanomho ka iara. Mana neke cheke eghu, ‘Moses! Iagho au kmu! Iagho thosei chekeni kaisei cheke eigna glepo igne!