Nodi Khoje Hatimare Mae Jiu 83:3 - Buka Blahi Ka Cheke Holo

³ Mare roghe porudi keha glepo te diꞌa te mala mei goigoni ghami ghehati nou naikno iagho gre. Uve, mare roghe mala goigoni ghami ghehati naikno te namhadi fara iagho gre.

Nodi Khoje Hatimare Mae Jiu 83:3 Iomraidhean Croise

Nodi Khoje Hatimare Mae Jiu 64:2

Mare hiro phoge te mala fadiꞌa ghau iara na, mare fakhaprui te mala magri ghau iara. Eghume iara tore nigho iagho mala reireghi fakeli ghau iara eghu mala theome tangomana mare te goigoni ghau iara na.

Nodi Khoje Hatimare Mae Jiu 27:5

Kate thoke mei puhi biꞌo ka iara na, mana ginauna pophoru ghau iara ka nogna suga na. Mana ginauna bobotho grengatha na mala pophoru fakeli ghau iara mala jateula te au teu iara ka phaꞌu thina biꞌo kligna ra eghu mala theome tangomana nogu naoka iara gre te mei te mala roꞌe ghau iara na.

Nodi Khoje Hatimare Mae Jiu 31:20

Iagho pophorudi ka vido aheva te au teu themu na, nei reireghi fakelidi ka vido aheva te theome tangomana mae iheire te magnahaghei cheke fadiꞌani nei falehedi teu mare re.

Nodi Khoje Hatimare Mae Jiu 91:1

God na fnakno kligna lahu nei au nolaghi biꞌo eghu. Naikno te rouronuni Lord te mala reireghi fakelidire na cheke eghu, “Iagho nogu God iara, eghume iara rouronu nigho. Iagho mala reireghi ghau nei baubatu ghau eghu iara.”

Nodi Khoje Hatimare Mae Jiu 56:6

Mare salo fodu ka vido te mala poru na, eghuteuna filo tutu ka vido aheva te tei iara na mala falehe ghau iara.

Nodi Khoje Hatimare Mae Jiu 10:9

Mana poru efrau jateula lion te efra teu ka gluma thina ra eghu. Mana poru ofodiu iheire te kuma mala fakhaledi ka nogna phighoro na, mala korho teidi delei.

Kolose 3:3

Eigna ghotilo jateu tela lehehi eghu, eghuteuna thofno nakarhami ghotilo na poru ka mae Kraes, mae ihei te au balugna God Mama.

Ululahu Samuel 13:19

Ka narane tuare, maedi Filistia gre theome snakreni kaisei maegna Israel te lase horo gobigna lepo ka aean. Mare eni igne glahu horo naflahi ba jata eghu mala magra mare.

Eksodas 1:10

Tahati na hironi kaisei puhi mala fakhusudi mare, glahu goigoni ghita mare. Jame te eghu tahati na, kate thoke mei magra na, mare ginauna loku fodu baludi noda naoka tahati gre mala magra ka tahati eghuteuna mare ginauna ulu ghita, eghuteuna mare ginauna nake khotogna noda namono tahati igne.”

Nodi Khoje Hatimare Mae Jiu 2:1

Naugna unha ne roghe fodu nga naikno igre te mala tapla sorudi God ghe nogna king teke vavahi God? Mare theome tangomana!