Biblia Todo Logo
Bìoball air-loidhne

- Sanasan -




Nodi Khoje Hatimare Mae Jiu 82:2 - Buka Blahi Ka Cheke Holo

2 Aonu mana na cheke eghu ka mare, “Ghotilo thosei fatedi naiknore kau nafnata puhi te theome doglo, nei ghotilo thosei ke phile ka naikno te diꞌa puhidi are.

Faic an caibideil Dèan lethbhreac




Nodi Khoje Hatimare Mae Jiu 82:2
16 Iomraidhean Croise  

Profet Elija kegra ke uludi naiknore ne cheke eghu, “Niha fata au tami si ghotilo phei nafnata gaoghatho igre ia? Jame Lord gne te God tutuani na, leghuni mana, nu jame Baal gne te god tutuani na, leghuni mana.” Nu naiknore ne theome ghagri kaisei cheke.


Ghotilo ghatho tahuni Lord noda God. Fiofilo ghami mala fate ka puhi te doglo, naugna mana tirognani puhi te theome doglo na. Eghuteuna mana jaola tirognani mae fate te phile ka ihei na, ba tirognani puhi te fate famaemahe te mala hata sileni na.”


Job, iara ginauna na theome phile balumu iagho, eghuteuna iara theome tangomana la te phile baludi thilo mae igre. Eghuteuna iara ginauna na theome fariuriu mala famaemaheni kaisei mae ka ghotilo.


Mana theome phile baludi mae mala baubatu, eghuteuna mana theome fanomho ka mae te dedei nei mae te kuma, naugna mana ngala teke vuavuhadi mare te gnafa na.


Iara theome nheta, iara jateula suga te diꞌa tela namo grofohia eghu kolho. Ba, ghotilo te gnafa na, niha nau ame gnafa nga te magri ghau iara na eghu?


Aonu mae Moses ghe Eron ne leghuni chekegna Lord na ne tei filoni king, ne cheke eghu ka mana, “Nomi Lord God ghehati mae Hibru gre na ne cheke eghu: Ba? Niha fata tirou fanomho nei au fapari nigho themu eghu sagho ia? Snakredi nogu naikno iara gre mala tei pogho soru ghau iara.


Theome doglo te phile balugna mae ihei te huhughuni vetula na. Eghuteuna theome doglo te theome toghoni ihei te theome huhughuni vetula na te mala lus ka fate na.


Lord God ne cheke eghu, “Iara Lord God te chekeni igne: Ghotilo mae iheire te funei fruni Israel ra, raugha fara te tapla jafra ghotilo ka nakhibo na. Nabahi! Ghotilo lilisei puhi te paradi, nei goigonidi teu ghotilo naiknore igne. Ghotilo mala edi kolho unha puhi te keli nei doglo. Ghotilo thosei huhurudi nogu naikno iara gre mala jifla ka nodi namonore. Igne nogu cheke iara Lord God.


“Kate fateni ghotilo kherami na ka kot, ghotilo fateni mana ka puhi te doglo. Jame kaisei mae kuma tei ka kot, ghotilo thosei kaisei phile fara ka mana naugna te kuma mana na. Eghuteuna jame mae dedei tei ka kot, ghotilo theome ghatho tahuni fara mana naugna mana mae dedei. Ghotilo fatedi phia mare kaisei nanaba kolho.


Mae Jisas ne cheke eghu, “Tore, ghotilo naikno gre theome fatutuani ni God kolho! Puhimi ghotilo re thono kafe jafra fara! Niha fata au fabrahu iara balumi ghotilo sia? Iara hongo ghau fara ka ghotilo! Hata mei ka iara agne mae sitei na!”


Iara theome nanga noguni nafnata mae biꞌo te baubatu ka khiloau na, naugna ka God na naikno te gnafare kaisei nanaba ngala. Nu mae biꞌo ka khiloau te ghatho tahudi fara naikno igre, mare theome cheke ka iara mala eni kaisei glepo te nhogri.


Eghuteuna kate fatedi naiknore, ghotilo fate ka puhi te doglo, thosei phile ka ihei nga. Neubane mae biꞌo ba fiti mae kolho, ghotilo thosei mhaghuni ihei, nu fatedi naiknore ka puhi te naba ka gaoghathogna God. Eghuteuna jame kaisei puhi biꞌo fara, te theome naba ghotilo te fadoglini na, ghotilo ginauna hata mei ka iara, eghuteuna iara ginauna fadoglini puhi tuana.”


Lean sinn:

Sanasan


Sanasan