Biblia Todo Logo
Bìoball air-loidhne

- Sanasan -




Nodi Khoje Hatimare Mae Jiu 81:5 - Buka Blahi Ka Cheke Holo

5 God neke tusu mei vetula igne ka kuꞌeda tahati tifa ra, ka narane teke falehedi mare naiknodi Ijep ra. Iara neke nomhini kaisei naogla teke theome raꞌe laseni iara na neke cheke eghu:

Faic an caibideil Dèan lethbhreac




Nodi Khoje Hatimare Mae Jiu 81:5
17 Iomraidhean Croise  

Tahati naiknoda Juda ra kafe vikegna ngala mae Israel, mae ku'eda Jekop tifa ia. Kani teke jifla tahati Ijep ia God neke eni ghita tahati mala nogna naikno mana.


Ka nou nolaghi, iagho neke fakarhidi nou naiknore. Uve, iagho neke fakarhi ghami ghehati vikegna mae Jekop nei vikegna mae Josep.


Eghume thudi mare nate karha mei thogheiro re ginauna sikoludi vetula igre, eghuteuna mare ginauna nake toutonu ranghidi la thudire.


Aonu mae Moses ne cheke eghu ka mae king, “Igne unha te chekeni Lord na, fari hotei bongiro mana ginau na tei tongana fari hoteidi naiknodi Ijep,


“Ka bongi igne iara ginau na tei ka vido te gnafa Ijep igre mala falelehe goro mae sua nalhaꞌu teke kulu karha ka mae Ijep gre, nei nodi sua dongki, hose, kamel, buluka, sipu nei nanigot teu mare teke kulu karha are eghu. Iara ngala Lord na, iara ginau na paradi fara nodi mumuju god te pogho sorudi maedi Ijep are.


Ghotilo ginau na cheke eghu ranghidi, ‘Ghehati eni Gaghamu Ghasa-Polho igne leu leghu finogha mala fa fnaknoni Lord, naugna ghehati ke ghatho fapuloni narane teke falehedi Mana goro mae sua nalhaꞌudi Ijep teke kulu karha re. Nu Mana neke ghasa polhodi sugada tahati mae Israel gre me theome falelehe goro mae sua nalhaꞌu teke kulu karha re neku tifa na.’ ” Kate nomhini naikno di Israel gre u thoutonu igne, mare ne kafe pogho soru pari ne tarai ka Lord.


Fari hotei bongiro Lord ne falelehe ne gnafa thudi nalhaꞌu hatimare mae Ijep teke kulu karha re. Funu ka thugna nalhaꞌu mae king na ghilei tei posa ka thudi mae te au ka suga sosolo re. Mana ne jaola ne falelehe sua nalhaꞌudi u buluka ba unha te oho naiknodi Ijep re.


Tutuani, jame te tirodi fanomho naikno igre ka iara na, Lord ginauna snakredi naiknodi keha kantri delei te jafra fara nodi cheke are mala mei farirhiudi.


Iara Lord, iara na cheke ranghi ghami ghotilo naiknomi Israel. Iara ginauna atha mei naiknodi keha kantri delei are mala magra ka ghotilo. Naikno igre neke au funu tifa ka nomi kantri ghotilo igne, nu ghotilo neke theome nomhini nodi cheke mare na.


Ghotilo mala ghatho tahuni nogu narane Sabat iara igne. Narane igne mala ke ghatho fapuloni nhaꞌa cheke teke eni iara balumi ghotilo ia. Ghotilo mala gnafa ka narane igne, eghuteuna ghotilo ginauna laseni, iara ngala nomi Lord God ghotilo na.”


Ghotilo koꞌu waen koba, nei ghiha famane oel te siri keligna ka thinimire. Nu ghotilo theome kokhonini kolho nomi kantri Israel nate mei mae naoka te goigoni igne.


“Lord ginauna hata mei kaisei armi gna kaisei kantri te khaba fara mala mei magra ka ghotilo. Nodi namono na au ka keha philegna nauthoglu igne, eghuteuna ghotilo theome laseni nodi cheke mare na. Mare ginauna mei ka ghotilo jateula kaisei gaghata te flalo te sukha ra eghu.


Lean sinn:

Sanasan


Sanasan