Nodi Khoje Hatimare Mae Jiu 8:3 - Buka Blahi Ka Cheke Holo

³ Kate filoni iara u maloa teke vuavuha iagho gne, iara ne filodi glaba nei nathunu teu are thono te famane lilisei fakeli iagho fara.

Nodi Khoje Hatimare Mae Jiu 8:3 Iomraidhean Croise

Jenesis 1:1

Tifa na neke theo kaisei glepo te au na, aonu God neke vuavuhadi maloa ghe nauthoglu nei gobigna lepo fateo te au ke lamnadi.

Thoutonu Eigna Mae Job 22:12

“God na au ka namono te haghe fara. Neuba nathunu re ne haghe, nu God na filo soru kolho ka mare.

Thoutonu Eigna Mae Job 25:3

Theo kaisei naikno tangomana te kahadi engel ke lamnagna nogna armi mana na. Eghuteuna nogna juta mana na sigla tei ka namono te gnafa ka nauthoglu igne.

Thoutonu Eigna Mae Job 25:5

Kate filo God ka glaba nei nathunu teu igre, tuare theome agha fakeli ka tathagna mana na.

Thoutonu Eigna Mae Job 36:24

Leuleghu fata na, iagho mala cheke fakelini nogna gloku mana na, jateula te edi naiknore ka khoje are eghu.

Nodi Khoje Hatimare Mae Jiu 104:19

Lord God, iagho neke vuavuha glaba na mala laseni nhigra na, eghuteuna naprai ne la lasenihi vido te mala plulugna na.

Nodi Khoje Hatimare Mae Jiu 111:2

Gobigna lepo te edi Lord re thofno keli fara, eghuteuna naiknore thono keli tadi fara ka nogna gloku Lord re. Mare magnahaghedi fara te lase fakelidi glepo igre.

Nodi Khoje Hatimare Mae Jiu 148:3

Ghopa naprai ghe glabara, ghopa mala kilo fnaknoni mana. Uve, ghotilo nathunura, ghotilo jaola kilo fnaknoni mana.

Nodi Khoje Hatimare Mae Jiu 19:1

Kate filo haghe ka maloa na, tahati filoni nogna nolaghi biꞌo God na. Eghuteuna kate filo haghedi gobigna lepo ka maloa na igre, tahati thofno filoni nogna famane gloku teke eni mana ka khamegnare.

Nodi Khoje Hatimare Mae Jiu 33:6

Gobigna lepo ka maloa na are neke vuavuha ka chekegna Lord kolho. Naprai nei glaba nei nathunu teu are neke jifla mei ka chekegna mana.

Nodi Khoje Hatimare Mae Jiu 89:11

Maloa nei nauthoglu teu igre nou iagho kolho. Uve, iagho ngala teke vuavuhani nauthoglu igne baludi gobigna lepo te au ke lamnagna igre.

Eksodas 31:18

Kate cheke te gnafa Lord balugna Moses ke kligna Thogele Sanai, Lord atha phei thina tataba tela riorisohi Nabotho Vetula tadi igre ne tusu lao ka Moses.

Eksodas 8:19

Aonu hatimare mae meresin gre ne cheke eghu ka mae king, “Jame God thegna ngala te eni igne!” Neuba, mae king na thono maku fara nagnafagna na ne tirogna fanomho ka mae Moses ghe mae Eron.

Luku 11:20

Nu te loku iara ka nogna nolaghi God te brue fajifladi naiture, igne ngala fagaglana gna nogna narane God te funei frunidi nogna naiknore la meihi ka ghotilo teuna.

Letas Teke Riso Tei Mae Pol Ka Khiloau Rom 1:20

Funu kate vuvuhagna nauthoglu igne, glepo eigna God igre neke theome kakhana ka tahati, nu tahati neke filo glanidi u tutuani nei nolaghi te fei au na ka glepo teke vuavuha mana re kolho. Eghume naugna glepo igre, naiknore theome tangomana te cheke eghu na, “Ghehati theome laseni God!”

Diutronomi 4:19

Ghotilo fiofilo ghami glahu chaghi ghami mare korhi ghami mala pogho soru nei tarai eghu ka glepo te filodi ka maloa na are, naprai nei glaba, nei nathunu. Lord neke tusu mei glepo igre ka keha naikno te au heva heva ka nauthoglu igne mala tarai nei pogho soruni eghu God.