Nodi Khoje Hatimare Mae Jiu 67:4 - Buka Blahi Ka Cheke Holo

⁴ Naiknore na koje balu glealeꞌa, naugna iagho ginauna fatedi naiknore ka puhi te doglo, eghuteuna iagho na batudi naikno te gnafa ka nauthoglu igne.

Nodi Khoje Hatimare Mae Jiu 67:4 Iomraidhean Croise

Jenesis 18:25

Tutuani, iagho ginauna na theome falehedi naikno te doglo tuare baludi naikno te diꞌa re! Eghuteuna iagho na theome eni kaisei nafnata puhi ngala ranghidi naikno te doglo nei naikno te diꞌa teu gre. Iagho ginauna fatedi naiknogna nauthoglu igne mala eni ngala mare unha te doglo na!”

Nodi Khoje Hatimare Mae Jiu 2:8

Iagho tore ghau iara mala funei frunidi naikno te gnafa, nei namono te gnafa teu ka nauthoglu igne. Iara na snakre aridi ka iagho mala reireghidi iagho.

Nodi Khoje Hatimare Mae Jiu 82:6

“Iara ngala God mae ihei te thofno fnakno fara kligna lahu na, iara neke kulu cheke eghu hi ka ghotilo, ‘Ghotilo jateula god eghu, eghuteuna ghotilo te gnafa na, ghotilo goro thugu iara kolho.’

Nodi Khoje Hatimare Mae Jiu 9:8

Mana funei frunini nauthoglu igne ka puhi te doglo. Eghuteuna ka puhi te keli igne te fatedi mana naiknore.

Nodi Khoje Hatimare Mae Jiu 96:10

Ghotilo cheke eghu ka naiknodi keha kantri are, “Lord na King!” Mana neke vuavuha nauthoglu igne mala au snoto mala theome ke thugha tafri ka mala augna na. Eghuteuna Lord ginauna fatedi naiknore ka puhi te doglo.

Profet Isaia 54:1

Lord ne cheke eghu, “Ghotilo nogu naikno iara ra. Funu tifa te ghilei mei posa gognaro gne, ghotilo jateula gaꞌase khara te theo thugnara eghu. Nu gognarona ghotilo gleale'a nei koje fabiꞌo eghu. Eghuteuna neuba ghotilo ne jateula gaꞌase te tei kokoni khetogna na ia neu, iara ginauna fablahi ghami ghotilo, eghuteuna ghotilo ginauna au thumi kmana salaꞌuni gaꞌase te au khetogna na.

Profet Isaia 55:4

Iara neke vahini mana mala baubatu nei funei frunidi eghu naiknodi ka keha kantri are. Mana neke fakakhana nogu nolaghi iara na ka mare.

Profet Isaia 60:6

Mare ginauna atha mei kmana kamel nei dedei eghu ka ghotilo funudi Midian nei Efa, eghuteuna naiknodi Seba ginauna atha mei gol nei insens. Eghuteuna mare ginauna na kafe eha fabiꞌo mala kilo fnaknoni Lord.

Mae Khuru 17:31

Naugna God la kulu vahinihi kaisei narane te mala fatedi naikno te gnafa ka nauthoglu igne. Mana ginauna fatedi ka puhi te doglo fara. Eghuteuna God jaola neke kulu vavahi kaisei mae te mala fatedi naikno te gnafare. Tahati te gnafa na kafe laseni igne naugna God neke fakarha fapuloni mae igne kau glehe.”

Letas Teke Riso Tei Mae Pol Ka Khiloau Rom 2:5

Nu ghotilo patugama fara nei theome magnahaghei tughu nagnafa. Eghume u fate ginauna biꞌo fara ke klignami ghotilo. Eghuteuna fate igne ginauna thoke mei ka ghotilo ka narane God nate falalase diꞌatagna na, nei puhigna te doglo na eghu mala fatedi naikno te gnafare.

Galesia 4:27

Te risoi ka grioriso te blahi na, “Iagho gaꞌase te theome karha sua na, iagho gleale'a kolho. Iagho gaꞌase te theome kabru nga teu kate karha sua na, iagho eha balu gleale'a. Naugna gaꞌase te au thegna na ginauna au kmana thugna, mare ginauna kmana uludi thugna gaꞌase te au khetogna na.”

Diutronomi 32:43

“Ghotilo te gnafa klignara, ghotilo mala glealeꞌa balugna Lord. Ghotilo god te gnafa ra, ghotilo pogho soru ka mana. Lord ginauna nake tughu fapulo glehedi goro thugna mana ra. Nu ginauna mana hata fadelei nakhibodi nogna naiknore, eghuteuna nodi glose re ginauna na klino ka tathagna mana.”