Nodi Khoje Hatimare Mae Jiu 67:2 - Buka Blahi Ka Cheke Holo

² Te eghu na naikno te gnafa ka nauthoglu igne ginauna laseni puhimu iagho na, eghuteuna naiknodi keha kantri gre ginauna laseni te fakarhidi iagho naiknore.

Nodi Khoje Hatimare Mae Jiu 67:2 Iomraidhean Croise

Nodi Khoje Hatimare Mae Jiu 117:2

Lord na thofno namha ghita tahati gnafa, eghuteuna mana tajidi nogna nhaꞌa chekere ranghi ghita. Tahati cheke fakelini Lord!

Nodi Khoje Hatimare Mae Jiu 4:7

Naikno te chekedi glepo igre keli tadi fara kate au kmana ghedi wit ka nagare na, nei au ghedi kmana waen te mala koꞌu na. Nu glealeꞌa te lilisei iagho ka thiꞌagu iara na ke biꞌogna nodi glealeꞌa naikno igrei.

Nodi Khoje Hatimare Mae Jiu 41:5

Nogu naoka iara gre mare diꞌatadi ka iara neke cheke eghu, “Nabagna na mana ghosei lehe kolho mala ghatho iho nodani.”

Nodi Khoje Hatimare Mae Jiu 43:5

Naugna unha site au diꞌanagnafa iara gnea? Naugna unha site tahu fara ka gaoghathogu iara na puhi ignea? God, iara ginauna na lisa ari ka iagho kolho nagnafagu na mala cheke fakeli nigho eigna iagho nogu God mala fakarhi ghau iara!

Profet Isaia 49:6

eghuteuna mana ne cheke eghu ka iara, ‘Iagho ginauna toghodi vikegna Israel te karha teu igre, mala ke rheta fapulo jateula teke ululahu ra eghu. Nu iara au gloku malamu iagho te biꞌo te salaꞌui fara. Iara ginauna vahi nigho iagho mala jateula juta eghu ranghidi keha kantri are, eghuteuna nogu nolaghi iara na te mala fakarhidi naiknore, mala tei posa ka vido te gnafa ka nauthoglu igne.’ ”

Profet Isaia 52:10

Lord ginauna fakakhana nogna nolaghi te blahi na. Eghuteuna naikno te gnafa ka nauthoglu igne ginauna filoni mana te fakarhidi nogna naiknore.

Profet Daniel 9:17

“God, fanomho mei ka nogu tharai iara nou mae gloku gne. Iara tore nigho mala ke babana fapulo iagho nou Sugablahi gne mala laseni naiknore te iagho ngala Lord na.

Matiu 28:19

Eghume, ghotilo tei mala farirhiudi naikno ka namono te gnafa ka nauthoglu igne mala nogu mae fanomho iara. Faꞌapublahidi ka nanghagna Mama nei Thugna nei Tharunga te Blahi.

Luku 3:6

Naikno te gnafa ka nauthoglu igne ginauna na filoni God te mei fakarhidi nogna naiknore.’ ”

Mae Khuru 13:10

ne cheke eghu ka mana, “Ghema, iagho thugna mae Satan! Iagho tiroudi gobigna lepo te kelire. Eghuteuna iagho fodu salaꞌui ka nafnata puhi te chaichaghi nei puhi te diꞌa nei batu fadiꞌadi naiknore eghu. Iagho leuleghu fata na fadiꞌani koba thofno chekegna Lord na ne jateula te khogla cheke chaichaghira neu kolho.

Mae Khuru 18:25

Naikno khiloaure neke farirhiuni mana eigna puhi te mala fatutuani ni Lord na. Eghuteuna mana ne brana fara ka tharunga mala toutonuni u Nonomho te Keli na, nei famane farirhiudi glepo te tutuani eigna mae Jisas. Nu mana laseni kolho u nafnata apublahi teke toutonuni mae Jone Apublahi tifa ia.

Mae Khuru 22:4

Iara neke paradi fara naikno te leghuni puhi te mala fatutuani ni mae Jisas igne. Iara neke lokidi nalhaꞌu ba gaꞌase neke koko laodi ka suga sosolo.

Mae Khuru 9:31

Ka narane tuare, naikno khiloau te au heva heva ka Provins Judia nei Galili nei Samaria teure ne au ka pharikeli. Eghuteuna kau nogna thotogho Tharunga te Blahi na nodi gloku mae khiloaure ne nheta fara nei naikno te ruma haghe ka khiloau na kmana ne kmana. Eghuteuna leuleghu narane na naikno khiloaure ne ghatho tahuni nodi Lord na.

Taetus 2:11

Naugna God ne fatakle ranghi ghita u nogna namha te biꞌo na, kate ke kuru meini mae Jisas Kraes kau nauthoglu igne. Mana neke hata meini u karha tuana mala kafe fakarhidi naiknogna nauthoglu gne.