Nodi Khoje Hatimare Mae Jiu 4:1 - Buka Blahi Ka Cheke Holo

¹ God, iara laseni puhimu iagho na, eigna iagho edi koba unha te keli re. Iara jaola lase nigho te taji ghau nei bara fothi ghau teuna. Eghume, kate au iara ka hoholo te kilo ari ka iagho na, iagho kokhoni ghau nei togho ghau eghu iara! Gognarona iagho kokhoni mei ghau iara nei nomhidi eghu nogu tharai gre.

Nodi Khoje Hatimare Mae Jiu 4:1 Iomraidhean Croise

Thoutonu Eigna Mae Job 36:16

“God ginauna togho nigho iagho mala jifla mei ka puhi biꞌo, eghuteuna mana ginauna reireghi nigho ka namono te keli. Mana ginauna fafodu nou tevo iagho na ka famane gano te keli.

Nodi Khoje Hatimare Mae Jiu 11:7

Lord na mae te doglo fara, eghume mana magnahaghedi naiknore te edi puhi te doglo re eghu. Ihei ngala te leghuni chekegna God na nate filoni tathagna mana na.

Nodi Khoje Hatimare Mae Jiu 116:16

Lord God, iara gne kaisei nou mae gloku iagho jateula idogu tifa ia eghu. Iagho neke fakarhi ghau iara kau glehe.

Nodi Khoje Hatimare Mae Jiu 116:6

Mana reireghidi koba iheire te glaꞌe. Uve, mana neke fakarhi ghau iara kani teke au iara ka hoholo na.

Nodi Khoje Hatimare Mae Jiu 119:132

Filo kokhoni mei ghau iara sagho, jateula te edi koba iagho ka iheire te namha nigho ra eghu.

Nodi Khoje Hatimare Mae Jiu 143:2

Thosei fate ghau iara nou mae gloku gne, naugna theo ihei nga te doglo ka tathamu iagho na.

Nodi Khoje Hatimare Mae Jiu 17:6

God, iara tore ari ka iagho, eigna iagho fanomhou ka iara. Fanomho mei mala nomhidi nogu cheke gre.

Nodi Khoje Hatimare Mae Jiu 22:1

Nogu God, nogu God, naugna unha sagho te tei koko ghau iara gnea? Naugna unha sagho te tei au fakhaba ka iara te theome nomhidi nogu tharai iara grea?

Nodi Khoje Hatimare Mae Jiu 24:5

Lord ginauna fablahini nafnata naikno igne eghuteuna fakarhani mana nei God kiloni mae igne “mae theo nakhibogna.”

Nodi Khoje Hatimare Mae Jiu 25:16

Filo kokhoni mei ghau iara sagho. Iara gne theome nheta, nei theo kaisei kheragu te mala togho ghau na.

Nodi Khoje Hatimare Mae Jiu 31:8

Iagho neke theome snakredi mae nogu naoka iara re mala loki ghau iara. Iagho neke togho ghau iara neke fakarhi ghau iara.

Nodi Khoje Hatimare Mae Jiu 41:12

Iagho ginauna na togho ghau iara, eigna te eni iara unha te doglo na. Iagho ginauna na loku ghau iara mala au fabrahu balumu.

Nodi Khoje Hatimare Mae Jiu 42:1

God, iara magnahaghei fara te pogho soru nigho. Uve, iara thofno magnahagheni fara te eni igne, jateula kaisei nanigot te magnahaghei mei koꞌu ka khoꞌura eghu.

Nodi Khoje Hatimare Mae Jiu 45:1

Kmana famane cheke au ka gaoghathogu iara na. Iara magnahaghei te riso soruni khoje igne mala tusu lao ka king. Foflogu iara na jateula nogna baero mae glalase te mala rioriso ra eghu.

Nodi Khoje Hatimare Mae Jiu 56:1

God, kokhoni ghau iara, eigna naikno gre la mei la magri ghau iara. Leuleghu fata na mae naoka igre mei kegra faligoho ghau iara.

Nodi Khoje Hatimare Mae Jiu 57:1

God, kokhoni ghau iara. Naugna iara au ka puhi biꞌo te jateula goigovi biꞌo teu igne. Iara mei mala poru ka iagho jateula sua nanghaji te poru ke paridi bagignai idodi na ia eghu mala au fakeli nogu ka iagho, ghilei salaꞌu ari u puhi biꞌo jateula goigovi biꞌo teu te goigoni ghau iara igne.

Nodi Khoje Hatimare Mae Jiu 6:1

Lord, neubane diꞌatamu iagho ka iara, iagho thosei cheke fabiꞌo ghau nei para ghau eghu iara.

Nodi Khoje Hatimare Mae Jiu 67:1

God, kokhoni ghami, nei fablahi ghami, filo mei ghami nei togho ghami.

Nodi Khoje Hatimare Mae Jiu 76:1

Naiknodi Juda mare thofno laseni God. Eghuteuna naiknodi Israel mare thofno ghatho tahuni nanghagna mana na.

Profet Isaia 45:24

Naiknore ginauna chekeni te nheta iara na, eghuteuna puhigu iara na doglo.” Nu iheire te tirodi ghau iara re ginauna thono mamaja nodi fara.

Profet Jeremaea 23:6

Ka narane te king mana igre, mana ginauna fakarhidi nogu naikno iara ka kantri Juda, eghuteuna nogu naikno iara te au Israel igre ginauna au ka pharikeli. Eghuteuna mare ginauna kiloni nanghagna mae king igne, Lord Sedekenu, gaoghathogna na, ‘Lord batu ghita tahati mala leghuni puhi te doglo na.’

Profet Habaku 3:19

God, nogu Lord iagho ginau tusu mei narheta ka iara. Iagho ginauna farerheta ghahegu iara gre mala rheta jateu ghahe glepo te kiloi diꞌa igne eghu mala theome tangomana iara te uka na kate tei iara ka thabafe ba ka vido aheva te ninhigrana.

Ululahu Korin 1:30

Nu God neke togho ghami ghotilo mala kaisei ghotilo balugna mae Jisas Kraes. Eghuteuna ka Kraes na, tahati lalase fara, eghuteuna doglo fara ka tathagna God na, nei mala nogna naikno blahi mana. Kraes na jaola neke foli fajifla ghita ka nakhibo.

Fapea Korin 1:10

God neke fakarha ghami ghehati kate namo lehe na, eghuteuna mana jaola ginauna nake fakarha ghami ghehati ke leghu na. Ghehati fatutuani ni fara igne eigna mana na fakarha ghami ghehati fabrahu,

Fapea Korin 1:8

Kheraguro, ghehati magnahaghe ghami ghotilo te lase fakelini eigna unha teke eni ranghi ghami ka Provins Esia. U puhi igre ninhigrana fara ranghi ghami ghehati. Tutuani fara, ghehati neke cheke eghu fari themi, “Tahati gne namo lehehi!” Nu puhi te eni igne theome mala rouronu ghami themi, nu mala rouronuni God ngala ihei te fakarha fapulodi iheire tela lehehira.

Ululahu Samuel 17:37

Lord mae teke fakarhi ghau iara ka foflodi lion nei bea teu igne ginauna jaola fakarhi ghau iara ka mae soldia gna Filistia tuana.” Aonu mae Sol ne cheke eghu ka mana, “Uve, tei sagho. Iara ginauna torei Lord mala au balumu.”