Nodi Khoje Hatimare Mae Jiu 2:2 - Buka Blahi Ka Cheke Holo

² Neubane eghu ngau, hatimare mae king ka nauthoglu igne ne tarabana mala magra neu. Hatimare mae funei hironi kaisei nabrou te mala tapla sorudi Lord ghe nogna king.

Nodi Khoje Hatimare Mae Jiu 2:2 Iomraidhean Croise

Nodi Khoje Hatimare Mae Jiu 110:5

Lord na kegra balumu iagho mala faheta nigho iagho. Kate diꞌatagna na, mana ginau magra mala falehedi hatimare mae king.

Nodi Khoje Hatimare Mae Jiu 2:10

Eghume ghotilo mae king te gnafa ra, fanomho fakeli ka cheke te edi iara igre. Ghotilo mae lida ka nauthoglu ra, ghotilo hiro fakelidi gaoghathodi cheke igre.

Nodi Khoje Hatimare Mae Jiu 45:7

Iagho magnahaghedi fara glepo te keli re, nu iagho theome magnahaghedi glepo te diꞌa re. Naugna igne nou God iagho na neke vahi nigho hi, eghuteuna keha mae king re theome glealeꞌa jateula iagho eghu.

Nodi Khoje Hatimare Mae Jiu 48:4

Hatimare mae king te salo fodu mei te kegra faligohoni Thogele Saion mala magra ka tahati.

Nodi Khoje Hatimare Mae Jiu 48:5

Nu kate filo haghe mare ka namono na, mare jaglo nodi fara ne mhaghu ne rikha kolho.

Nodi Khoje Hatimare Mae Jiu 74:18

Lord God, ghathodi sagho mae naoka te maꞌe nigho gre. Mare theome fatutuani nigho, nei cheke fapaiparini eghu nanghamu iagho na.

Nodi Khoje Hatimare Mae Jiu 74:23

Nou naoka iagho gre mare eha fadiꞌa nigho fabrahu kolho. Eghume iagho thosei ghatho iho te mei paradire eghu.

Nodi Khoje Hatimare Mae Jiu 83:6

Mae iheire teke loku fodure igre, hatimare ka vikegna mae Edom, hatimare ka vikegna mae Ismael, naiknodi Moab, hatimare ka vikegna Hega,

Nodi Khoje Hatimare Mae Jiu 89:20

Iara ngala teke tofa oel blahi na ka phaꞌugna nogu mae gloku Devet. Uve, igne fagaglanagna te vahini mana te mala king na.

Eksodas 16:7

Hamerane nathuꞌu na ghotilo ginau na filoni nogna nolaghi nei siasigla teu Lord na, naugna Mana la nomhidihi te diꞌatami nei nguru ngau teu ghotilo ka Mana ra. Ghepa naikno kolho jateula ghotilo eghu, eghume ghotilo theome diꞌatami ka ghepa, nu ghotilo diꞌatami ka Lord.”

Proveb 21:30

Gaoghatho te keli, nei glalase te keli eghuteuna iagho laseni puhi te keli te mala horo glepo na teuna, igne theome naba te mala togho nigho kakatha na, jame te naoka iagho ka Lord na.

Profet Isaia 61:1

Nogna mae gloku Lord na ne cheke eghu, “Tharunga gna Lord na au balugu iara, naugna mana neke vahi ghau iara mala toutonuni u nonomho te keli na ka iheire te kuma. Mana neke kuru ghau iara mala fameomegodi iheire te au diꞌanagnafa. Mana neke kuru ghau iara mala toutonu ka iheire te au ka suga sosolo, nei ka iheire te loku jateula naikno sneka teu te mala snagla.

Matiu 2:16

Kate laseni mae Herod te chaghini maedi ke maghati gre, mana ne diꞌatagna fara. Aonu, mana ne chekedi nogna mae soldiare mala tei mala falehe gnafa goro mae sua nalhaꞌu te au ka namono Betlehem, nei ka nohi te au faligohoni Jerusalem. Mana neke cheke mala kafe falehedi goro mae sua nalhaꞌu te funu ka phei finogha nei teke karhala. Mae Herod ne eni igne, naugna leghuni unha teke chekeni maedi ke maghatire kau narane teke thaklegna u nathunu na.

Matiu 26:3

Hatimare mae pris ulu nei hatimare mae biꞌodi mae Jiu eghu ne eni kaisei faidu ka sugagna mae Kaefas, mae pris biꞌo na.

Matiu 26:59

Hatimare mae pris ulu nei goro mae biꞌo teu igre fariuriu hirodi keha thoutonu chaghi te mala tangomana mare te mala fate faleheni mae Jisas.

Matiu 27:1

Hamerane boibongi, hatimare mae pris ulu nei hatimare mae biꞌo teu igre ne kafe roghe mala faleheni mae Jisas.

Luku 13:31

Ka narane tuanala, keha mae Farasi ne mei ka mae Jisas ne cheke eghu ka mana, “Te keli na iagho jifla agne mala tei delei, naugna King Herod Antipas magnahaghei te falehe nigho iagho.”

Jone 1:41

Glepo ulu lahu teke eni mae Aduru na, mana tei ne hironi mae Simon ne cheke eghu ka mana, “Ghepa la filonihi mae Mesia teke ofoni tahati ia!” Mae Mesia teu igne gaoghathogna na “Mae Kraes.”

Jone 15:23

Ihei te theome magnahaghei ghau iara na, mana theome magnahaghe nila mae Mama.

Jone 3:34

Mae ihei teke kuru mei God funu kligna na mana chekedi unha teke chekedi God re, naugna God neke tusu lao ka mana Tharunga te Blahi na ne fodu ka mana mala toghoni mana.

Mae Khuru 10:38

Eghuteuna ghotilo lasenihila u thoutonu eigna mae Jisas gna Nasaret. Tutuani, God Mama neke kuruni mae Tharunga te Blahi na mala toghoni mana nei tusu ranghini mana u nolaghi te biꞌo tulao. Ghotilo jaola laseni mae Jisas gne neke tei tongana heva heva neke edi koba glepo te kelire, nei fakelidi naikno te gnafa te au ke parigna nogna nolaghi mae Satan. Mae Jisas tangomana te eni igne naugna God au balugna mana.

Mae Khuru 9:4

Mae Sol ne khoko soru pari ne nomhini kaisei naogla ne cheke eghu ka mana, “Sol, Sol! Naugna unha sagho te para ghau iara gnea?”

Hibru 1:9

Iagho magnahaghei unha glepo te doglo nei theome magnahaghei unha glepo te diꞌa. Eghume nou Lord God neke vahi nigho nei tusu ranghi nigho nafnakno te biꞌo nei gleale'a te uluni nodi gleale'a iheire te au balumu.”