Nodi Khoje Hatimare Mae Jiu 139:3 - Buka Blahi Ka Cheke Holo

³ Iagho filodiu ngala vido te loku ne vido te gnafa teu iara re, nei lasedi gobigna lepo te edi iara re.

Nodi Khoje Hatimare Mae Jiu 139:3 Iomraidhean Croise

Fapea Samuel 11:27

Eghuteuna kate gnafa nogna narane diꞌanagnafa Batseba na, mae Devet ne fatei cheke ka naꞌa mala mei au ka nogna suga na. Mae Devet ne tolaghi ka Batseba ne au kaisei thugna nalhaꞌu. Nu Lord ne theome magnahagheni unha te eni mae Devet igne.

Fapea Samuel 8:14

Mana ne lilisei kmana soldia ka vido te gnafa Idom, eghuteuna naikno te gnafa Idom igre ne au ke parigna nogna nolaghi mana. Eghuteuna ka vido te gnafa aheva te tei magra mae Devet igre, Lord toghoni mana.

Thoutonu Eigna Mae Job 23:10

Neuba, God na lasedi vido te gnafa aheva mana tangomana te filo ghau iara na. Eghuteuna kate fariuriuni mana puhigu iara na, mana ginauna filoni nakarhagu iara na thofno doglo kolho.

Thoutonu Eigna Mae Job 31:4

God na la lasedihi gobigna lepo te edi iara re, eghuteuna mana lasedihi vido te gnafa aheva te tei iara tagna na.

Nodi Khoje Hatimare Mae Jiu 119:168

Iara leghu nou cheke nei nou farirhiu teu iagho re. Iagho filodi gobigna lepo te edi iara re.

Nodi Khoje Hatimare Mae Jiu 139:18

Iara theome tangomana te kaha fahuidire, naugna kmana fara jateula nusu eghu. Kate thokeni iara fahuhuigna nakarhagu na, iara ginauna na au balumu iagho.

Eklesiasti 12:14

Neuba tahati ne eni unha glepo te keli ba unha glepo te diꞌa na, God ginauna fatedi gobigna glepo te gnafa gre baludi glepo te poru teu.

Profet Isaia 29:15

Tore! Kokhoni ghami fara ghotilo iheire te fariuriu pophoru ka Lord nomi gaoghatho te diꞌare. Ba? Na theo kaisei naikno nate filodi nomi gloku nei puhimi eghu te diꞌa tuare neu si ghotilo ia?

Profet Jeremaea 23:24

Eghume, theome tangomana kaisei naikno ka ghotilo te poru ka tathagu iara na. Naugna iara fodu ka vido te gnafa kligna ba ka nauthoglu pari igne!

Matiu 3:12

Mana ginauna fatedi naikno te gnafare. Tutuani, mana ginauna vavahi iheire te doglore ka iheire te theome doglore. Jateula mae ihei te fofota gano te kelire ka gano te diꞌara eghu. Te kelire mala lilisei ka nogna suga na. Te diꞌare mala koko lao ka khaꞌaghi te karha fabrahu na.”

Jone 13:2

Kate ima rafi teu mae Jisas baludi nogna mae fanomhore, mae Satan neke kulu liliseihi ka nagnafagna mae Judas na te mala majorani mae Jisas. Mae Judas gne kaisei mae ka hatimare nabotho phei mae fanomho gre, thugna mae Simon Iskariot.

Jone 13:21

Ke leghugna te chekeni igne, mae Jisas diꞌanagnafa gna fara ne funu cheke eghu ka mare, “Tutuani fara te chekeni iara ka ghotilo na. Kaisei mae ka ghotilo ginauna majora ghau iara.”