Nodi Khoje Hatimare Mae Jiu 139:1 - Buka Blahi Ka Cheke Holo

¹ Lord God, iagho la kulu filonihi nakarhagu iara na, nei iagho jaola lase fakeli ghauhi iara.

Nodi Khoje Hatimare Mae Jiu 139:1 Iomraidhean Croise

Fapea Samuel 7:20

“Unha nafnata cheke naba te mala cheke iara ka iagho na Lord God? Iara nou mae gloku iagho kolho, eghuteuna iagho lase fakeli ghau iara.

Fapea Kings 19:27

“ ‘Nu iara lasedi gobigna lepo eimu iagho, unha te edi iagho nei aheva te tei iagho, nei puhi te cheke diꞌa tamu fara teu iagho ka iara ra.

Ululahu Kronikols 17:18

“Unha nafnata cheke gne nate chekeni iara ka iagho na? Iara nou mae gloku iagho kolho, iagho lase fakeli ghau iara fara.

Ululahu Kronikols 28:9

King Devet ne cheke eghu ka Solomon, “Thuguo, ghatho tahuni Lord noda God. Iagho mala thofno leghuni mana, nei iagho mala sasaꞌa fara mala edi nogna gloku mana re. Lord na lasedi gaoghathoda tahatire, eghuteuna mana lasedi fara gobigna lepo te magnahaghedi tahati re eghu. Jame te hironi mana iagho na, iagho ginauna tangomana te filoni mana na, nu jame te figri tagruni iagho mana na, mana ginauna figri tagru nigho iagho fabrahu.

Nodi Khoje Hatimare Mae Jiu 139:23

God, filo glani sagho gaoghathogu iara gne, filo fakelidi sagho unha te ghathodi iara gre.

Nodi Khoje Hatimare Mae Jiu 17:3

Iagho laseni gaoghathogu iara na. Bongi thongana na iagho neke mei fariuriuni nakarhagu iara na. Iagho neke theome filoni kaisei puhi te diꞌa ka iara.

Nodi Khoje Hatimare Mae Jiu 44:21

tutuani fara, iagho laseni ngala glepo igne, naugna iagho lasedi gaoghatho te poru teu ka ghehati gre.

Profet Jeremaea 12:3

Nu iagho Lord, iagho lase fakeli ghau iara. Eghuteuna iagho filodihi nogu gloku iara re, nei puhigu iara te ghatho tahu nigho iagho gre eghu. Atha fadelei naikno te diꞌa igre mala falelehe, jateula mae te atha fadelei sipu te mala falelehe te ghamu ra eghu. Iagho tajidiu ghilei thoke mei nodi narane te mala lehe na.

Jone 21:17

Fatilo fata na mae Jisas neke cheke eghu la ka mae Pita, “Simon, thugna Jone, iagho namha ghau iara ngau sia?” Mae Pita ne diꞌanagnafa gna fara naugna mae Jisas ne thilo fata cheke eghu ka mana, “Iagho namha ghau iara ngau sia?” teuna. Eghume, mae Pita ne cheke eghu ka mana, “Lord, iagho lasedihi gobigna lepore. Iagho lase ghau iara te thofno namha nigho na.” Mae Jisas ne cheke eghu ka mae Pita, “Reireghidi gnafa nogu naikno iara jateula sipu teu igre.”

Hibru 4:13

Eghuteuna theo kaisei glepo kau nauthoglu gne tangomana te poru ka God. Gobigna lepore kakhana ngala ka mana. Eghuteuna kaisei narane tahati ginauna na chekedi ka mana unha teke edi tahati re.

Thakle 2:18

Mae igne neke cheke eghu ka iara, “Iagho rioriso tei kaisei letas ranghini engel gna khiloau Taetira, eghuteuna iagho cheke eghu ka mana: Igne nogu cheke iara mae Thugna God na. Tathagu iara re jateula khaꞌaghi te ngaja ia eghu, eghuteuna ghahegu iara re siasigla jateula bras eghu.

Thakle 2:23

Iara ginauna jaola falehedi iheire te leghuni naꞌa re. Aonu khiloau te gnafare ginauna lase ghau iara te tangomana te filo glanidi unha te au ke lamnagna nagnafadi naikno te gnafare. Eghuteuna iara ginauna jaola foli fapulo ghami ghotilo hui leghuni ngala unha teke eni ghotilo na, te keli ba te diꞌa.