Nodi Khoje Hatimare Mae Jiu 13:2 - Buka Blahi Ka Cheke Holo

² Niha nau iagho nate hata fadelei ka iara puhi te au ka iara igne? Niha narane nei niha bongi eghu puhi igne nate au ka iara na? Niha nau iagho nate togho ghau iara te mala theome au iara ke parigna nodi nolaghi mae naoka gre?

Nodi Khoje Hatimare Mae Jiu 13:2 Iomraidhean Croise

Nehemaea 2:2

Aonu mana ne ghusna eghu ka iara, “Nehemaea, naugna unha site theome glealeꞌa iagho gnea? Iara te filo nigho iagho na, iagho theome fogra. Eghume jame kaisei glepo te diꞌanagnafani iagho na.” Iara rhana nogu ka cheke mana igne ne mhaghu nogu,

Nogna Buka Esta 7:6

Esta ne cheke eghu, “Iara chekeni mae Haman kolho. Mae igne nomi naoka ghehati, eghuteuna mana gognarona tarabana mala falehe ghami ghehati.” Kate nomhini igne, mae Haman ne thofno mhaghu nogna fara ke uludi King ghe Kuin.

Thoutonu Eigna Mae Job 10:15

Kate tapla jafra iara ka nakhibo na, iara thofno diꞌa fara ka tathamu iagho na. Nu neuba iara ne doglo, iara diꞌanagnafagu nei mamaja nogu eghu fara.

Nodi Khoje Hatimare Mae Jiu 10:18

Iagho ginauna na nomhidi nodi natanhi goro sua te glehe kokoi nei iheire te au kokhonidi. Iagho ginauna toghodi nei tapla sorudi naikno te diꞌa igre. Te eghu na naikno nogna nauthoglu igne ginauna nake theome eni kaisei puhi te diꞌa ka mare.

Nodi Khoje Hatimare Mae Jiu 116:3

Iara neke namo lehe kate thoke ghau hoholo te biꞌo na. Naugna igne iara thono mhaghu nogu fara nei nanga nogu fara eghu.

Nodi Khoje Hatimare Mae Jiu 17:9

Te eghu na, naikno te diꞌa puhidire ginauna na theome tangomana te goigoni ghau iara na. Hatimare mae naoka gre thono diꞌa fara ranghi ghau iara, eghuteuna mare bara ligoho ghau iara te mala falehe ghau iara na. (Nu iagho theome snakredi mare te falehe ghau iara.)

Nodi Khoje Hatimare Mae Jiu 31:18

Fofotho foflodi mae te patugama igre sagho, eigna mare lase cheke fahahage nei cheke fadiꞌadi mae te doglore igre neu. Nu mare mae lase cheke chaichaghi kolho eghu.

Nodi Khoje Hatimare Mae Jiu 38:17

Naugna nakarhagu iara na la glaꞌe fara hi, eghuteuna iara la kabru fabrahuhi.

Nodi Khoje Hatimare Mae Jiu 42:4

God, tifara iara neke batudi kmana naikno neke tei ka sugamu iagho na. Iara neke baludi mare neke tei balu glealeꞌa, balu khoje nei balu kilo fnakno nigho. Nu kate ghatho fapulodi iara glepo igre, gaoghathogu na iara tanhi nogu fara.

Nodi Khoje Hatimare Mae Jiu 6:4

Lord, mei hata fapulo ghau. Eigna iagho kaisei mae mala lolokeli fara, fakarhi ghau kau glehe.

Nodi Khoje Hatimare Mae Jiu 7:2

Jame te theo iagho na, mare ginauna na jateula lion eghu pala ghau tei ka vido aheva te theo kaisei naikno te mala fakarhi ghau iara na. Ka vido tuana mare ginauna na kina sasakani u thinigu iara na.

Nodi Khoje Hatimare Mae Jiu 74:10

God, niha fata eghu fabrahu maꞌe ghami ghehati si mae naoka grea? Ba? Iagho snakredi mare mala cheke faparini koba nanghamu iagho na sia?

Nodi Khoje Hatimare Mae Jiu 74:18

Lord God, ghathodi sagho mae naoka te maꞌe nigho gre. Mare theome fatutuani nigho, nei cheke fapaiparini eghu nanghamu iagho na.

Nodi Khoje Hatimare Mae Jiu 8:2

Goro sua nei gegeꞌe teu igre jaola cheke fakelini nanghamu iagho na. Iagho au ka vido te keli te theome tangomana nou naoka nate ari te magri nigho na. Eghuteuna naikno te tirodi leghudi nou cheke iagho re, mare theome tangomana te ari te goigoni nigho na.

Nodi Khoje Hatimare Mae Jiu 9:6

Nomi naoka ghehati ra la hui ari nodi hila si ra. Iagho neke paꞌe soruhi namonodire, eghuteuna naiknore teuna la thofno ghatho ihodihi eghu mare.

Proveb 15:13

Tathagna nei foflogna teu mae te gleale'a na, ginauna famane maꞌe muhi fara. Nu mae te diꞌanagnafa na, ginauna diꞌa fara.

Eklesiasti 5:17

Nakarhagna mana leuleghu narane ka nauthoglu igne na theome keli kolho, eigna mana fogra koba, diꞌanagnafa koba, tanhi nei diꞌatagna koba eghu fabrahu.

Profet Jeremaea 15:18

Naugna unha ne kabru fabrahu si iara gnea? Thubugu iara igne ginauna theome ke keli fapulo. Naugna unha site theome gleale'a iara gnea? Iara magnahaghei nigho iagho te togho ghau iara, nu iagho jateula kaisei khoꞌu ba kaisei glokha te krango ra eghu.”

Profet Jeremaea 45:3

Naugna iagho neke cheke eghu, ‘Iara thofno diꞌa nagnafagu fara, naugna Lord ne ei puhi biꞌo ranghi ghau iara fabrahu! Iara gne la ghilei babaꞌo, naugna naꞌau papara te eni iara igne theome gnafa.’

Profet Jeremaea 8:18

Mae profet ne cheke eghu, “Iara diꞌanagnafagu fara la ghilei thofno glaꞌe soru gaoghathogu na.

Lamentations 1:5

Lord ginauna lisa lao na au papara ke klignadi, naugna mare ne tapla jafra fabrahu ka nakhibo ranghini Mana. Naoka mei funei fruni au fakeli nodi. Neubane goro sua ikodi, naoka mei hata fajifladi ka nodi namono re.

Lamentations 1:9

Naikno te gnafare filodi nakhibogna naꞌare, nu naꞌa theome nanga nogna kolho ka unha nate thoke mei ginauna. Nu mae naoka igre thofno koko soruni naꞌa pari, eghuteuna theo kaisei naikno te toghoni naꞌa na. “Lord! Naoka gre la ulu ghauhi iara. Filo ghau nei kokhoni ghau iara!”

Lamentations 5:20

Naugna unha sagho te ghatho iho ghami ghehati fabrahu gnea? Naugna unha sagho te tirou ghami ghehati gnea?

Matiu 26:38

Mana ne cheke eghu ka mae Pita nei phei thugna mae Sebedi, “Iara gne biꞌo fara ka diꞌanagnafa, eghuteuna iara la namo lehe ka igne. Ghotilo au agne mala dofra balugu iara.”

Luku 22:53

Leuleghu narane na iara au balumi ghotilo fabrahu ke lamna Sugablahi, eghuteuna ghotilo theome mei loki ghau ngala iara. Nu igne ngala nomi narane ghotilo te mala loku ka nogna nolaghi Satan, mae ihei te funei frunini gromno na.”

Jone 16:6

Ghotilo diꞌanagnafami fara naugna eidi unha te chekedi iara ka ghotilo igre.

Letas Teke Riso Tei Mae Pol Ka Khiloau Rom 9:2

Igne te chekeni iara na. Iara tahu fara gaoghathogu na, eghuteuna iara diꞌanagnafagu koba naugna mae Jiu, mae ihei te kheragu thofno iara nei thofno vikegu iara teuna, theome fatutuani ni mae Jisas. Iara magnahagheni God te mala para ghau iara nei hata fajifla ghau ka Kraes, jame tangomana te toghodi mae Jiu gre mala fatutuani ni mana.

Filipae 2:27

Mana neke thono fogra fara neke namo lehehi. Nu God neke kokhonini, neke fakarhini mana. God jaola ngau neke kokhoni ghau iara, naugna jame te lehe mana na iara jaola neke lehe ka diꞌanagnafa.

Ululahu Samuel 18:29

Mae Sol ne mhaghuni fara mae Devet ne ghilei nogna naoka fabrahu mana ka nakarhagna na.

Ululahu Samuel 24:19

Thono ninhigrana fara ranghini ihei te snakre teini nogna naoka na jame te auhi ka khamegna mana na. Iara toreni Lord mala tusu ranghi nigho glepo te keli, naugna iagho neke theome falehe ghau iara ginei ia!