Nodi Khoje Hatimare Mae Jiu 102:2 - Buka Blahi Ka Cheke Holo

² Kate thoke mei puhi ka iara na, mei togho ghau. Kate eha mei iara ka iagho na, nomhi mei ghau nei faghosei mei cheke tughu ghau eghu.

Nodi Khoje Hatimare Mae Jiu 102:2 Iomraidhean Croise

Thoutonu Eigna Mae Job 34:29

Ba, jame God nomhidi mare, nu theome eni kaisei glepo teuna, ihei gne te au nogna nolaghi te mala chekeni ne jafra mana teuna? Jame God pophoru tathagna nei foflogna teure, ihei gne nate filoni mana na? Nu mana saghe leghudi naikno nei kantri teu igre.

Thoutonu Eigna Mae Job 7:21

Naugna unha sagho te theome hata fadelei nei ghatho ihodi eghu nakhibogu iara grea? Iara ginauna na theome raugha na soru pari ke lamna beku. Eghuteuna neuba iagho ne hiro ghau iara, iara ginauna tei dofi ghau.”

Nodi Khoje Hatimare Mae Jiu 104:29

Nu kate theome fei ghedi iagho na, rehati na rofo fara. Eghuteuna kate atha fadelei iagho tadi u nuinuri na, rehati na lehe, nake pulo ka glose teke vuavuhadi iagho gne.

Nodi Khoje Hatimare Mae Jiu 13:1

God, niha nau iagho nate ghatho ghau iara na? Ba, iagho la ghatho iho ghauhila iara fabrahu tifa e tifa? Ba niha nau iagho nate snakre ghau iara te mala filoni tathamu na?

Nodi Khoje Hatimare Mae Jiu 143:7

Lord God, cheke tughu mei sagho gognaro gne! Eigna iara gne la namo nigrahi. Thosei lisei koko ghau, na eghunu lehe iara eghu.

Nodi Khoje Hatimare Mae Jiu 17:1

Lord, iara la khale ka puhi. Fadoglini tagu puhi igne. Fanomhi ghau, nei togho ghau eghu eigna iara theome chaghi.

Nodi Khoje Hatimare Mae Jiu 22:19

Nu, God, thosei tei koko ghau iara. Ghosei mei mala fakarhi ghau iara. Eigna iagho ngala mae ihei te mala farheta ghau iara.

Nodi Khoje Hatimare Mae Jiu 27:9

God, thosei poru ka iara, naugna iagho mae ihei te fakarhi ghau iara na. Iara nou mae gloku iagho, thosei diꞌatamu ka iara. Iagho neke togho ghau iara kmana fata, thosei tei koko ghau iara.

Nodi Khoje Hatimare Mae Jiu 31:2

Nomhi ghau nei fakarha ghau eghu gognaro gne. Iagho jateula thogele thina eghu mala poru iara. Iagho bara fakeli ghau iara mala theome tangomana nogu naokare te mei tapla soru ghau iara na.

Nodi Khoje Hatimare Mae Jiu 40:13

Lord, faghose mei mala togho ghau nei fakarhi ghau eghu iara.

Nodi Khoje Hatimare Mae Jiu 69:17

Iara gne nou mae gloku iagho, eghume iagho thosei poru ka iara eghu. Puhi biꞌo fara te thoke ghau iara gognaro gne, ghosei cheke tughu mei ka iara.

Nodi Khoje Hatimare Mae Jiu 70:1

God, fakarhi ghau. Lord God, ghosei mei togho ghau.

Nodi Khoje Hatimare Mae Jiu 71:2

Naugna puhimu iagho na thofno doglo fara, togho ghau nei fakarhi ghau eghu. Fanomho mei ka iara mala fakarhi ghau.

Eksodas 2:23

Kmana finogha salaꞌu ke leghudi igre, king gna Ijep na ne lehe. Nu vikegna Israel igne ne diꞌanagnafadi fara fabrahu ka gloku biꞌo te edi mare re. Leuleghu fata na mare tanhi ka God, naugna mare magnahagheni fara God te toghodi. Eghuteuna nodi tharai mare na tei thoke ka God.

Eksodas 2:24

God nomhidi nodi tharai mare igre, eghuteuna mana filoni te au diꞌanagnafa fara mare na. Aonu mana ghathoni u nhaꞌa cheke teke eni mana ka mae Ebraham, ka mae Isak nei ka mae Jekop.

Profet Isaia 43:2

Kate thoke mei puhi biꞌo ka ghotilo jateula te kasa ghotilo ke lamna nhorora ra teuna, iara ginauna au balumi ghotilo mala togho ghami ghotilo. Eghuteuna kate au ghotilo ke lamnadi narane te ninhigrana te jateula te kasa ghotilo ka khoꞌu biꞌo te britha ra teu igne, ghotilo ginauna theome kmerhu. Uve, kate thoke mei puhi biꞌo te jateula te tapla ghotilo ke lamna khaꞌaghi ra teuna, ghotilo ginauna na theome nhako.

Profet Isaia 65:24

Neuba mare ne theome kilo mei ka iara, iara kulu nomhidihi mare. Neuba mare ne tarai fabrahu ka iara, iara kulu enihi unha te toreni mare na.

Profet Isaia 8:17

Gognarona Lord pophoruhi foflogna nei tathagna teure ka tahati vikegna mae Jekop ra. Nu neuba ngau, iara ginauna ofoni Mana. Uve, iara ginauna thofno lelheghu ka Mana.

Ululahu Korin 10:13

Gobigna lepo te mei fariuriu ghami ghotilo igre, nafnata glepo thoke dila naikno te gnafare. Nu God ginauna theome ghatho ihoni nogna nhaꞌa cheke te mala togho ghami na. Tutuani, mana ginauna theome snakreni kaisei fariuriu mala funei frunini nomi nolaghi ghotilo na. Naugna kate thoke mei ka ghotilo fariuriu na, God ginauna togho ghami ghotilo mala tangomana ghotilo te kegra heta na. Aonu, God ginauna jaola tusu ranghi ghami kaisei nabrou te mala gnafagna u fariuriu tuana.