Nodi Khoje Hatimare Mae Jiu 102:16 - Buka Blahi Ka Cheke Holo

¹⁶ Lord ginauna fatakleni nogna nolaghi biꞌo na, kate hata fapulo ghita mala teke fapulo ka namono biꞌo Jerusalem.

Nodi Khoje Hatimare Mae Jiu 102:16 Iomraidhean Croise

Nodi Khoje Hatimare Mae Jiu 147:2

Lord kela babana fapulo Jerusalem. Uve, mana kela hata fapulo kherada teke sneka teke tei sosolo ka kantri Babilon te khaba fara.

Nodi Khoje Hatimare Mae Jiu 51:18

God, iagho filo kokhoni ghami ghehati naikno te au ka Thogele Saion. Eghuteuna togho mei ghami ghehati mala fakegra hagheni gringni thina biꞌo Jerusalem.

Nodi Khoje Hatimare Mae Jiu 69:35

God ginauna fakarhidi naikno te au ka namono Jerusalem, eghuteuna nake babana fapulo namono te au ka nohi Juda. Nogna naikno mana re ginauna au jare, eghuteuna mare ginauna na khotogna glose tuana.

Nodi Khoje Hatimare Mae Jiu 97:6

Thua nafnotu ka maloa na are ne cheke thakleni eigna God te doglo fara na. Eghuteuna naikno te gnafa ka nauthoglu igne filoni nogna nolaghi mana na.

Profet Isaia 14:26

“Igne unha teke ghathoni iara te mala eni ka keha kantri te rheta fara ka nauthoglu igne. Iara la ngafa haghehi khamegu na mala paradi mare.”

Profet Isaia 59:19

Lord ginauna mei jateula kaisei nabritha biꞌo ka narane te saeklon ra eghu funu ke maghati tei posa ke mosu. Eghuteuna naikno te gnafare ginauna ghatho tahuni nogna nafnakno nei nogna nolaghi biꞌo teu mana na.

Profet Isaia 60:3

Naiknodi keha kantri igre ginauna filoni naphae igne na mei ka ghotilo. Hatimare mae king ginauna na jaola mei mala filoni nomi naphae ghotilo te jateula nathunu rane teu igne.

Profet Isaia 60:7

Mare ginauna atha mei famane sipu funu Keda nei Nebaeot, eghuteuna Lord ginauna kelitagna fara te atha te mei naiknore sipu igre te mala fafara ke kligna nogna olta Lord. Aonu Lord ginauna fafnaknoni nogna Sugablahi na, eghuteuna naikno te gnafa ka nauthoglu igne ginauna kilo fnaknoni mana.

Profet Isaia 61:3

eghuteuna mala fameomegodi nei faglealeꞌadi eghu naikno te diꞌanagnafa ka namono Saion. Mare ghiha nakrofu ka phaꞌudire fagaglana gna nodi diꞌanagnafa na, nu mare ginauna nake gleale'au, jateula te fahaghe khepi nafnakno ra eghu. Tifa na mare neke diꞌanagnafa nei tanhi neku, nu ginauna mare na koje mala kilo fnaknoni Lord. Mare ginauna doglo ke ulugu iara jateula gaju ok te doglo teke joꞌu thegna Lord ra eghu. Eghuteuna mare te gnafa na ginauna kilo fnaknoni Lord eidi glepo te keli teke edi manare.

Profet Isaia 66:18

Lord ne cheke eghu, “Iara lasedihi gaoghathodi nei puhidi teu naikno igre. Eghume narane te mala loku fodudi iara naiknodi kantri te gnafa nei cheke te gnafa teu igre la namo thoke meihi. Kate kafe loku fodu meidi iara naikno te gnafa igre na, mare ginauna filoni naphaegna nogu nolaghi biꞌo iara na.

Profet Jeremaea 31:4

Ghotilo nogu naikno iara. Iara ginauna na fakegra haghe ghami ghotilo maemi Israel mala kaisei vike te rheta tulao. Eghume ghotilo ginauna lalahu taborin nei ragi balu gleale'a.

Profet Jeremaea 33:7

Iara ginauna edi maedi Juda nei maedi Israel teu igre mala au fakeli ka nodi namono na mala jateula teke tifa ia eghu.

Profet Maeka 2:9

Ghotilo ngolhi fajifladi glehe kokoi nogu naikno iara re ka nodi namonore. Eghuteuna leuleghu fata na ghotilo jaola blau glepo teke magnahaghei tusu lao iara Lord ka thudi mare.

Profet Malakai 1:14

Iara ginau tibridi iheire te nhaꞌa cheke chaichaghi ka iara igre. Naugna mare ne theome leghuni nhaꞌa cheke mala atha mei famane sipu mala fafara ka iara tekura, nu mare atha mei ka iara sipu te diꞌare. Iara mae king biꞌo, mae ihei te nolaghi fateoteꞌo, eghuteuna naikno te gnafa ka nauthoglu igne mala kilo fnakno ghau iara. Uve, igne nogna cheke Lord.”