Nodi Khoje Hatimare Mae Jiu 101:5 - Buka Blahi Ka Cheke Holo

⁵ Iara ginauna fakmudi iheire te cheke pouporu te magnahaghei goigonidi nanghadi keha naiknore. Eghuteuna iara ginauna khidi iheire te fahaehaghe fara.

Nodi Khoje Hatimare Mae Jiu 101:5 Iomraidhean Croise

Nodi Khoje Hatimare Mae Jiu 138:6

Neuba iagho ne fnakno fara, iagho reireghidi koba iheire te au faparadi thedire. Nu naikno te fahaehaghedi thedire theome tangomana te poru ka iagho na.

Nodi Khoje Hatimare Mae Jiu 15:3

mana theome mala chaichaghi tafridi keha naiknore. Mana theome mala eꞌei puhi te diꞌa ranghini kheragna fofodu na, ba theome mala vuavuha cheke te mala goigoni ni nanghagna ihei te au ka namonogna na.

Nodi Khoje Hatimare Mae Jiu 18:27

Iagho lisei haghedi iheire te nhaꞌa faparidi thedi. Nu iagho ke nhaꞌa faparidi iheire te nhaꞌa fahaghedi thedi.

Nodi Khoje Hatimare Mae Jiu 50:20

Eghuteuna ghotilo cheke faparidi nei cheke fadiꞌadi eghu ngala nanghadi thabusimi themi are.

Eksodas 20:16

“Thosei vuavuha cheke ranghini ihei.

Eksodas 23:1

Mae Moses ne cheke soru ka naiknore chekegna Lord na, ne cheke eghu, “Kate tei ka fate na, ghotilo thosei toutonu chaghi ranghini ihei unha glepo te theome tutuani na, ba toghoni mae ihei te diꞌa puhigna na.

Proveb 10:18

Jame mae te pophoru nagnafa te theome namhani keha mae na, mana kaisei mae chaichaghi. Eghuteuna mae te fameomekro na, vuavuha cheke eigna keha mae na.

Proveb 20:19

Naikno te khuru cheke buiburi fara na, goigoni ni keha naikno na. Iagho thosei tei namo ka nafnata naikno igne.

Proveb 21:4

Naikno te eni puhi te diꞌa na, mana fahaehaghe nei filo faparidi eghu keha naiknore. Eghume nakhibo na fodu ka thiꞌagna mana na.

Proveb 25:23

Khoburu na hata mei nakhete, buiburi na hata mei diꞌatada.

Proveb 30:13

Keha naiknore fahaehaghe fara, eghuteuna mare filo faparidi keha naiknore.

Profet Isaia 2:11

Ka narane igne, Lord ginauna nhaꞌa faparidi naikno te fahaehaghe are, eghuteuna naikno te gnafa igre ginauna ghatho tahuni Lord kolho.

Profet Esikiel 22:9

Ke lamnagna namono igne, naiknore cheke chaichaghi koba eidi keha naiknore, mala tangomana mare te aknu falehedi keha naiknore. Eghuteuna kehare ghamu nafnahi teke fafara ka mumuju. Eghuteuna keha ka ghotilo ei puhi diꞌa koba ka gaꞌase.

Profet Daniel 4:37

Iara mae Nebukadnesa, iara gognarona cheke fakelini God mae king gna kligna. Gobigna lepo fateote'o te edi Mana igre thofno keli fara nei doglo eghu. Eghuteuna Mana tangomana te nhaꞌa faparini ihei te magnahaghei nhaꞌa hagheni thegna kligna lahu na.”

Levitikas 19:16

“Eghuteuna ghotilo thosei cheke fadiꞌani ba chaghi eigna ihei. Eghuteuna jame kaisei kherami tei ka kot, eghuteuna iagho laseni unha teke eni mana na, iagho mala cheke fajiflani igne ka kot eigna puhi te tutuani na mala toghoni mana. Naugna iara Lord.

Luku 18:14

Mae Jisas ne cheke eghu ka mare, “Te chekeni iara ka ghotilo na. Mae te diꞌa igne kate ke pulo ka suga na, mana ne thono doglo fara ke ulugna God, eghuteuna mae Farasi gne ne theo kolho. Eghume mae ihei te fahaehagheni thegna na, God ginauna nake nhaꞌa faparini mana, nu mae ihei te nhaꞌa faparini thegna na God ginauna nake nhaꞌa fahagheni mana.”

Ululahu Korin 5:11

Tutuani, iara theome magnahaghe ghami ghotilo te fofodu ka iheire te kiloni thedi naikno khiloau, nu edi fabrahu glepo te diꞌa fara, ba mamagna, ba pogho soru ka mumuju, ba toutonu fadiꞌani ihei, ba khuru koꞌu, ba chaghi mala hata glepo ka keha naiknore. Ghotilo thosei gnokro fodu baludi nafnata naikno tuare, ba ima baludi. Igne gaoghathogna nogu letas iara teke riso ari ka ghotilo tifa ia.

Ululahu Timoti 3:11

Jateula tuana eghu khetogna na, naꞌa mala baubatu nila nakarha te keli na, eghuteuna naꞌa theome mala vuavuha chekedi keha naiknore, nu naꞌa mala reireghi fakelini thegna. Eghume naꞌa mala nafnata gaꞌase tahati te ghatho tahuni fabrahu.

Taetus 2:3

Nu iagho ginauna na famane farirhiudi goro naikno biꞌo are mala au fakeli reꞌe, mala thosei buiburi naikno, ba thosei khuru koꞌu waen. Mala farirhiuni reꞌe unha glepo te keli na.

Ululahu Samuel 2:3

“Ghotilo iheire te cheke fahaehaghe ra, ghotilo koko puhi tuare, ghotilo mala au kmu. Lord na kaisei God mae ihei te lasedi gobigna lepo fateote'o, eghuteuna mana fatedi puhidi naiknore.