Proveb 9:8 - Buka Blahi Ka Cheke Holo

⁸ Thosei fariuriu fadoglini mae te thona foflogna na, mana ginauna tirogna nigho iagho. Nu te farirhiuni iagho ihei te autagna gaoghatho te keli na, mana ginauna namha nigho iagho.

Proveb 9:8 Iomraidhean Croise

Ululahu Kings 1:23

Keha naikno ne cheke ka mae Devet te mei profet Natan igne, eghuteuna mana ne tei ruma ka nogna chogho king na ne mei pogho soru ke ulugna king

Ululahu Kings 1:32

Eghuteuna King Devet ne kilodi pris Sadok, profet Natan, nei mae Benaea thugna mae Jehoeada mala mei filoni mana. Kate mei thilo mare na,

Ululahu Kings 22:8

Aonu King Ehab ne cheke eghu, “Uve, kaisei nogna profet Lord na au agne, nanghagna na mae Maekaea, thugna mae Imla. Tapa tangomana te ghusnani mana te mala nomhini gaoghathogna Lord na. Nu iara tiroguni mae igne eigna leuleghu fata na mana theome chekeni kaisei glepo te keli ka iara, nu nonomho diꞌa eigu iara kolho!” Mae Jehosafat ne cheke eghu ka mana, “Iagho theome tangomana te cheke jateula tuana teuna. Fanomho sagho ka unha te chekeni mana na!”

Nodi Khoje Hatimare Mae Jiu 141:5

Keli kolho ka iara jame te mei cheke ghau nei farirhiu ghau teu kaisei mae te keli puhigna na, te mala doglo iara nakarhagu na. Nu iara thono tirogu fara te leghuni kaisei mae te diꞌa puhigna na te mala nogna naikno mana na, naugna leuleghu fata na iara toreni Lord koba mala paradi mana naikno te diꞌa puhidire tuare.

Proveb 1:5

Buka igne ginauna toghoni mae ihei te lalase fara mala biꞌo salaꞌui mana nogna glalase na. Eghuteuna mana ginauna farirhiudi iheire te au tadi gaoghatho te keli mala leghuni mare nabrou te keli na.

Proveb 10:8

Naikno te autagna gaoghatho te keli na fanomho ka cheke na. Nu naikno te cheke fameomekro na, ginauna goigoni nakarha gna na.

Proveb 13:1

Sua te lalase na fanomho ka nodi cheke idogna kmagnare kate fadoglini na. Nu sua te maku jateula thina teu phaꞌugna na tirogna fanomho.

Proveb 13:18

Mae te tirogna ni kaisei naikno te fadoglini na, mana ginauna kuma nei mamaja nogna eghu. Nu mae te fanomho ka naiknore te fadoglini na, naiknore ginauna ghatho tahuni mana.

Proveb 15:12

Mae te maku jateula thina teu phaꞌugna na tirogna fanomho ka mae te lalase na. Naugna mana theome magnahaghei te fanomho ka farirhiu na.

Proveb 19:25

Te puphuri iagho mae te theome fanomho na, mana ginauna laseni puhi te keli na. Te cheke faheta iagho ka mae te autagna gaoghatho te keli na, nogna glalase mana na ginauna keli salaꞌui.

Proveb 23:23

Hata unha te tutuani nei keli. Fariuriu mala hata famane farirhiu nei glalase te keli. Eghuteuna thosei koko puhi te keli igre.

Proveb 23:9

Thosei cheke ka mae te theome autagna gaoghatho te keli na, naugna mana ginauna theome ghatho tahuni nou famane cheke iagho na.

Proveb 28:23

Jame te fadoglini iagho puhigna keha mae na, mana ginauna kelitagna fara ka iagho. Puhi igne thofno keli fara uluni puhi te cheke famaemahe na.

Proveb 29:1

Mae ihei te patugama fabrahu neuba mare ne cheke faheta kmana fata tagna, mae tuana ginauna parani fara, eghuteuna theo kaisei glepo nate toghoni mana na.

Profet Isaia 36:21

Nu mae te au ke kligna gringni igre ne au kmu ne theome ghagri kaisei cheke, naugna King Hesekaea theome snakredi mare te cheke tughu ka mana na.

Levitikas 19:17

“Ghotilo thosei tiromini fara kherami na, nu kate filoni ghotilo kherami igne te eni mana unha te jafra na, ghotilo tei cheke ka mana najafra igne. Ka puhi igne ghotilo ginauna theome eni nakhibo na ka mae tuana.

Matiu 15:14

Eghume thosei ghatho tahudi ghotilo mae Farasi gre. Mare mala batudi mae te iho gre, eghuteuna mare thedi na jateula mae dofu eghu. Laseniu ngala ghotilo cheke igne, naikno te dofu nu ke batuni keha naikno te dofu la teuna, phiamare ginauna na kafe tei snoꞌo ka khora.”

Matiu 7:6

“Thosei tusu lao glepo blahire ka naikno te diꞌare. Naugna mare jateula bukrei bosu te goigonidi glepo te blahi ra eghu, ba jateula bukrei khuma te mei kathi ghami ghotilo ra eghu kolho.”