Proveb 9:6 - Buka Blahi Ka Cheke Holo

⁶ Lilisei puhimi te fameomekro are leghuni puhi te doglo na, ghotilo ginauna hatini u nakarha na.”

Proveb 9:6 Iomraidhean Croise

Nodi Khoje Hatimare Mae Jiu 119:115

Ghotilo naikno te diꞌa ra! Ghotilo tei nomi, mala leghudi kolho iara nogna cheke God re.

Nodi Khoje Hatimare Mae Jiu 45:10

Iagho sua gaꞌase te magnahaghei tolaghi ka king teu ia, fanomho fakeli ka unha nate chekeni iara gne nei ghathoni eghu. Iagho na theome fanomho ka nodi farirhiu kheramu nei vikemu te au teu ka namonodire.

Proveb 10:17

Farirhiu te keli na toghoni nakarhagna keha naikno na. Nu mae te tirogna fanomho ka farirhiu na ginauna tei jafra ka puhi te keli na.

Proveb 13:20

Te fofodu balugna mae te autagna gaoghatho te keli na, iagho ginauna hata gaoghatho te keli. Nu te fofodu balugna mae te fameomekro na, iagho ginauna au papara.

Proveb 23:19

Thuguo, fanomho mei ka nogu cheke iara igre! Atha gaoghatho te keli nei leghuni puhi te doglo na eghu.

Proveb 4:11

Iara farirhiu nigho mala hata gaoghatho te keli, eghuteuna iara batu nigho ka nabrou te doglo.

Proveb 8:35

Mae ihei te dei ghau iara na, mana ginauna hatini nakarha te keli na, eghuteuna Lord na kelitagna fara ka mana.

Proveb 9:11

Gaoghatho te keli na ginauna togho nigho mala au raugha ka nauthoglu igne, eghuteuna iagho ginauna uludi kmana finogha.

Profet Esikiel 11:20

Uve, mare ginauna tangomana te leghudi nogu vetula iara re, eghuteuna faꞌuvedi nogu cheke iara re. Eghuteuna mare ginauna nogu naikno iara, eghuteuna iara nomi God mare.

Profet Esikiel 37:24

“ ‘Iara ginauna vahini kaisei mae ka vikegna nogu mae gloku iara King Devet mala kaisei mae king biꞌo, eghuteuna mana ginauna reireghi fakelidi mare jateula mae ihei te reireghi fakelidi nogna sipu ra eghu. Eghuteuna mare ginauna leghu fakelidi nogu vetula nei nogu cheke teu iara re.

Luku 13:24

“Fariuriu fara mala ruma ka grengatha te gobro na mala tei ka nabrougna kligna na. Naugna te chekeni iara ka ghotilo na, kmana naikno ginauna fariuriu ruma jare, nu mare ginauna theome tangomana.

Mae Khuru 2:40

Kmana kmana glepo fara teke chekedi mae Pita ka mare re. Eghuteuna mae Pita ne cheke faheta eghu ka mare, “Thosei leghudi puhidi naikno te diꞌa gognaro gre, na eghunu fate ghami God ginauna jateula naikno te diꞌa tuare eghu.”

Fapea Korin 6:17

Naugna igne Lord ne cheke eghu, “Lisa laodi naikno tuare, eghuteuna ghotilo mala au fadelei ka mare. Ghotilo mala thosei haboni kaisei glepo te thona ka tathagu iara na. Jame te leghuni ghotilo igne na, iara ginauna gleale'a mala hata ghami ghotilo.”

Thakle 18:4

Aonu iara ne nomhini keha cheke na ne cheke eghu mei funu kligna, “Ghotilo nogu naikno iara ra, jifla Babilon! Naugna iara theome magnahaghei ghami ghotilo te gnognoro jateula te edi naikno igre eghu. Iara theome magnahaghei te para ghami ghotilo jateula naꞌa eghu.