Proveb 9:17 - Buka Blahi Ka Cheke Holo

¹⁷ “Khoꞌu te blau iagho igne, mamahe salaꞌui! Eghuteuna gano te ghamu poru iagho igne, famane mamahe fara!”

Proveb 9:17 Iomraidhean Croise

Jenesis 3:6

Kate filo laoni naꞌa gaju igne na, naꞌa ne keli tagna fara naugna gaju igne ne thofno keli fara fifilogna na, nei sisi gna re jaola keli fara te mala ghamu na. Aonu naꞌa ne cheke eghu ka nagnafa gna thegna na, “Uve, jame te imani iara sisi gna gaju igne na, iara gne jame kaisei naikno glalase fara.” Aonu naꞌa ne hata keha sisi ne ima. Eghuteuna naꞌa ne tusu lao keha ka mae Adam khetogna na. Mana ne jaola ne ima sisi gna gaju tuana.

Proveb 20:17

Ulu lahu na, gano teke blau mana na thono mamahe fara. Nu ke leghu na, gano igne ginauna thono diꞌa fara jateula nusu eghu ka foflo na.

Proveb 30:20

“Igne puhigna gaꞌase tholaghi te eni puhi te diꞌa na, naꞌa tei thuru balugna kaisei mae ngau, naꞌa na ghamu nei dadalu eghu, aonu naꞌa na cheke eghu, ‘Iara theome eni kaisei najafra.’

Proveb 5:16

Iagho jaola jateu glokha khoꞌu eghu, thosei snakredi keha gaꞌase are mala koꞌu tagna.

Proveb 5:18

Thofno keli fara te magnahagheni fara iagho thinigna khetomu teke kulu tolaghi iagho na.

Letas Teke Riso Tei Mae Pol Ka Khiloau Rom 7:8

Eghuteuna nakhibo na au nogna nabrou ka cheke te au ka vetula na igre na batu ghau iara ka nafnata gaoghatho te diꞌa te mala mamagna na. Jame te theo vetula na, u gaoghatho te mala eni nakhibo na theome au ka iara.

Efesus 5:12

Glepo te edi poru naiknore igre, neubane chekeni kolho tahati, thono mamaja noda ni fara.