Proveb 9:12 - Buka Blahi Ka Cheke Holo

¹² Jame te au ka iagho gaoghatho te keli na, iagho ginauna gleale'a. Nu jame te tirouni iagho gaoghatho te keli na, iagho ngala nate au papara ginauna.

Proveb 9:12 Iomraidhean Croise

Thoutonu Eigna Mae Job 19:4

Neuba iara ne eni kaisei puhi te diꞌa, tuana puhigu iara thegu, theome nomi ghotilo.

Thoutonu Eigna Mae Job 22:21

“Job, iagho mala kaisei gaoghatho balugna God mala au fakeli balugna mana, aonu glepo te keli re ginauna tangomana te thoke ka iagho.

Proveb 14:14

Mae te tei kokoni God na, ginauna fodu ka puhigna thegna te diꞌare. Nu mae te keli na ginauna au nogna kmana glepo te keli.

Proveb 16:26

Grofo na thoke mei ka tahati, mala tangomana tahati te loku heta na. Naugna tahati magnahaghei gano.

Proveb 19:29

Ihei te cheke diꞌa nei fahaehaghe teuna, mana ginauna au papara. Mae te fameomekro na ginauna soru khodo ka thagru na.

Profet Isaia 28:22

Gognarona ghotilo thosei cheke faparini nogu cheke iara igne, te theo ghotilo na naꞌau papara malami ghotilo teku igne. Eghuteuna ginauna na thono diꞌa fara ka unha Lord mae ihei te au nolaghi fateote'o igne tela chekehi te mala goigonidi vido te gnafa ka noda namono tahati igne.

Profet Esikiel 18:20

Mae ihei te tapla jafra ka nakhibo na, mana ginauna mala lehe. Thugna mana re ginauna theome tangomana te au papara ka nakhibogna mae kmadi na, eghuteuna mae kmadi na theome tangomana te au papara ka nakhibodi thudi re. Ihei te au doglo na, mana ginauna hata nogna fablahi, nu ihei te diꞌa na mala au papara eidi glepo te diꞌa teke edi mana re.

Galesia 6:5

Naugna soasopai naikno na tangomana te reireghini nakarhagna thegna na.

Fapea Pita 3:16

Mae Pol neke rioriso eigna igne ka nogna letas te gnafare. Ka nogna letas mana re, keha chekere ninhigrana fara. Keha naiknore theome lasedi glepo tuare, naugna nodi fatutuani theome heta. Eghume mare tughu koba gaoghathodi nogna cheke mana re ghilei tei ka keha nabroui. Mare jaola rurutha fajafra keha grioriso te blahire. Nu mare roꞌedi thedi kolho kate eni tuana.