Proveb 9:1 - Buka Blahi Ka Cheke Holo

¹ Gaoghatho te keli nei doglo teuna jateula kaisei gaꞌase te babana nogna suga na ka fitu khegra te maku ra eghu.

Proveb 9:1 Iomraidhean Croise

Ululahu Kings 7:21

Mae Huram ne fakegra haghe phei khegra biꞌo igre ke ulugna varandagna Sugablahi na. Kaisei te au ke mata na, mana kiloni Jakin. Eghuteuna keha te au ke raru na, mana kiloni Boas.

Ululahu Kings 7:6

King Solomon ne horo keha chogho, brahugna suga igne thokeni varadaki phei mita vidogna, eghuteuna krepagna na thokeni nabotho thilo mita vidogna. Suga igne mare kiloni, “Suga Khegra Biꞌo.” Eghuteuna ke ulu na au kaisei varanda aheva khegra biꞌo igre te loku haghegna gna varanda igne.

Proveb 1:20

Gaoghatho te keli nei doglo teuna jateula kaisei gaꞌase te kegra ka nabrou, ba ka maket te eha ka naiknora eghu.

Proveb 2:1

Thuguo, fanomho nei ghathodi eghu gobigna lepo te chekedi iara ka iagho igre.

Proveb 24:3

Mae ihei te autagna famane gaoghatho te keli nei glalase teuna, mana ginauna au nogna famane suga, eghuteuna tharaknagna mana na ginauna au fakeli.

Proveb 3:1

Thuguo, thosei ghatho ihodi nogu farirhiu, nei nogu cheke teu iara ra.

Proveb 8:1

Gaoghatho te keli nei doglo teu igne jateula kaisei famane gaꞌase te kegra haghe te eha mei ka tahati ra eghu.

Profet Isaia 55:1

Lord ne cheke eghu, “Ghotilo mei ka iara! ghotilo iheire te magnahaghei koꞌu ra, mei koꞌu ka iara. Khoꞌu na au ngala. Ghotilo iheire te theo nomi sileni ra, ghotilo mei ka iara. Ghotilo mei atha gano ka iara mala ima. Ghotilo mei mala koꞌu milk nei waen, uve, neubane theo sileni mei kolho.

Matiu 16:18

Eghume te chekeni iara ka iagho na, iagho mae Pita jateula kaisei thina eghu. Kate babana iara nogu khiloau na, thina igne ginauna na famamhaku hi. Eghuteuna, nogna nolaghi glehe na ginauna na theome tangomana nate tapla soruni nogu khiloau iara na.

Galesia 2:9

Eghuteuna kate filo glani mare God teke tusu mei khokofakasai ka iara mala eni gloku igne, hatimare mae biꞌo ka khiloau, mae Jemes nei mae Pita nei mae Jone mare mei ne kubae ka ghepa mae Banabas, fagaglana gna mare keli tadi te mala loku balumi ghepa na. Ghehati ne kaisei gaoghatho eigna nomi gloku ghepa mae Banabas na mala tei ka iheire te theome Jiu. Eghuteuna nodi gloku thedi na maladi mae Jiu.

Ululahu Timoti 3:15

Nu neubane theome faghose ari iara, iagho ginauna tangomana te iu'ijuni letas igne eidi gloku te keli te edi nogna naikno God re. Igne u khiloau nogna God, mae ihei karha te tifa. Eghuteuna khiloau gne ngala te loku famakuni u thofno cheke te tutuani na mala theo kaisei naikno te roꞌeni.

Thakle 3:12

Iheire te leghu ghau fabrahu te ghilei lehe na, mare ginauna au balugna God fabrahu nei pogho soru ranghini mana tifa tifa. Iara ginauna rioriso ke klignadi nanghagna nogu God Mama, nei nanghagu thegu te majaghani na, nei nanghagna namono biꞌo Jerusalem. God ginauna kuru meini Jerusalem majaghani na funu kligna.