Proveb 8:9 - Buka Blahi Ka Cheke Holo

⁹ Gaoghathogna cheke igne thofno glola fara ka ihei te autagna gaoghatho te keli nei lalase teuna, eghuteuna mana laseni nogu cheke iara igne thofno doglo fara.

Proveb 8:9 Iomraidhean Croise

Proveb 14:6

Mae te patugama na hiro gaoghatho te keli, nu theome tangomana te hata na. Nu mae te autagna gaoghatho te keli na, theome gloku biꞌo te hata glalase na.

Proveb 15:14

Mae te hiro glalase na, mana loku heta mala atha glalase. Nu mae te theome autagna gaoghatho te keli na, mana lase cheke fameomekro fara.

Proveb 15:24

Mae te autagna gaoghatho te keli na, mana tangomana te tei ka nabrou te haghe kligna te mala athini u karha na. Eghume, mana theome tangomana te soru pari ka namonodi mae tela lehehi ra.

Proveb 17:24

Mae te lalase na, hironi gaoghatho te keli na. Nu mae te fameomekro na hiro thua nafnata gaoghatho heva heva.

Proveb 18:15

Mae te autagna gaoghatho te keli na, mana loku heta mala lasedi gobigna lepore. Mana tangomana te fanomho fakeli ka mae ihei te magnahaghei farirhiuni mana na.

Proveb 3:13

Mae te hata gaoghatho te keli nei glalase teuna, mana kelitagna fara.

Profet Isaia 35:8

Kaisei nabrou biꞌo ginauna au ka namono igne, eghuteuna mare ginauna kiloni nabrou igne, nogna Nabrou Blahi Lord. Naikno te diꞌa nei naikno te fameomekro teu ra, ginauna theome leghuni nabrou igne, nu iheire te leghuni kolho puhi te keli na nate tangomana te leghuni nogna Nabrou Blahi Lord.

Profet Maeka 2:7

Ghotilo naiknomi Israel! Ghotilo thosei mala cheke eghu. Jame Lord theome diꞌatagna, mana theome edi glepo teu la tuana eghu. Jame te leghudi ghotilo puhigna mana te doglore, ghotilo ginauna magnahaghei te nomhidi nogu cheke iara re.

Jone 6:45

U cheke teke risodi hatimare mae profet tifa ra cheke eghu, ‘God ginauna kafe farirhiudi naiknore.’ Ihei te nomhini chekegna mae Mama na eghuteuna leghuni teuna, mana na mei ka iara.

Jone 7:17

Mae ihei te magnahaghei leghuni unha glepo te magnahaghedi God re, mae tuana ginauna lasedi unha te chekedi iara igre neke mei funudi ka God teuna. Mana ginauna laseni u farirhiu igre theome nogu iara thegu.

Jemes 1:5

Nu ihei te theo nogna gaoghatho te keli na, toreni God. Naugna God ginauna na gleale'a te tufa fabiꞌo ranghini mana gaoghatho te keli na. Eghuteuna God ginauna na theome fafuafuna ka mae ihei te tore ka mana na.