Proveb 8:7 - Buka Blahi Ka Cheke Holo

⁷ Nogu cheke te gnafa iara igre thofno tutuani fara, naugna iara theome magnahaghei te chaghi na.

Proveb 8:7 Iomraidhean Croise

Thoutonu Eigna Mae Job 36:4

Eghume unha te chekedi iara ka iagho igre thofno tutuani fara. Naugna iara kaisei mae lalase fara.

Nodi Khoje Hatimare Mae Jiu 37:30

Mae te doglo igne au tagna u gaoghatho te keli, eghuteuna unha te chekedi mana ka naiknore famane keli koba. Mana tangomana te cheke ka puhi te doglo.

Proveb 12:22

Lord na theome magnahagheni mae ihei te fodu chaichaghi ka foflogna na. Nu keli tagna ka mae ihei te cheke kate tutuani fabrahu.

Proveb 16:12

Mae mala baubatu na theome magnahagheni puhi te diꞌa na, naugna puhi te doglo na kolho te mala kegra maku gavman na.

Proveb 29:27

Naikno te doglore theome magnahaghedi naikno te diꞌare. Eghuteuna naikno te diꞌare theome magnahaghedi naikno te doglore.

Jone 1:17

God neke tusu lao vetula na ka mae Moses. Nu khokofakasai ghe tutuani re neke mei balugna mae Jisas Kraes.

Jone 14:6

Mae Jisas ne cheke eghu ka mana, “Iara nabrou na, iara tutuani na, nei iara karha na. Jare na theo kaisei nabrou heva nga te mala tei te thoke ka Mama na, mei ka iara.

Jone 17:17

Mama, fablahidi kau chekemu te tutuani fara.

Jone 18:37

Mae Paelat ne cheke eghu ka mana, “Eghume, iagho mae King eghu?” Mae Jisas ne cheke eghu ka mana, “Uve, te chekeni teu ngala iagho themu tuana, iara mae King. Iara neke karha mei ka nauthoglu igne mala cheke thakleni unha te tutuani na. Mae ihei te magnahaghei leghuni unha te tutuani na, fanomho ka iara.”

Jone 8:14

Mae Jisas ne cheke eghu ka mare, “Uve, ka thegu iara na iara cheke kate au nafugna, eghuteuna u nogu cheke iara igre tutuani fara, naugna iara laseni aheva teke mei gu na nei aheva nate ke tei gu na. Ghotilo theome laseni aheva teke mei gu na nei aheva nate ke tei gu na.

Letas Teke Riso Tei Mae Pol Ka Khiloau Rom 15:8

Te chekeni iara ka ghotilo na, Kraes neke eni nogna gloku na mala toghodi mae Jiu, mala farerheta nogna nhaꞌa cheke God teke eni mana ka mae ku'edi mae Jiure ne tutuani.

Thakle 3:14

Mae igne neke cheke eghu ka iara, “Iagho rioriso tei kaisei letas ranghini engel gna khiloau Leodisia, eghuteuna iagho cheke eghu ka mana: Igne nogu cheke iara na mae ihei te mala falalase ari nogna nhaꞌa cheke God gre thofno tutuani fara. Eghuteuna iara kaisei mae mala toutonudi nogna cheke mana re ka thofno puhi te tutuani fabrahu tifa tifa. Eghuteuna gobigna lepo teke vuavuha God igre, neke mei funu ka iara.