Proveb 8:4 - Buka Blahi Ka Cheke Holo

⁴ “Iara eha ari ka ghotilo nalhaꞌura mala cheke fajiflani gaoghathogu na ka ghotilo naikno te gnafa ka nauthoglu igne.

Proveb 8:4 Iomraidhean Croise

Nodi Khoje Hatimare Mae Jiu 50:1

Noda Lord God te thofno nolaghi fara. Mana te kilo meidi naikno te gnafa ka nauthoglu igne funu maghati posa ke mosu.

Proveb 8:5

Ghotilo iheire te theome ghaoghatho fadoglo ra, ghotilo mei, iara ginauna fadoglidi gaoghathomi ghotilo re. Ghotilo te theome lalase ra, ghotilo mei, iara ginauna togho ghami ghotilo mala hata glalase.

Profet Maeka 1:2

Ghotilo naikno te gnafa ka nauthoglu igne, Fanomho mei ka nogu cheke iara gne! Lord lase ghami ghotilo, eghuteuna mana ginauna cheke fapari ghami ghotilo, funu mei ka sugagna mana kligna na.

Matiu 11:15

Uve, ghotilo naikno te fanomho ka iara igre, hiro fakeli gaoghathodi cheke igre.

Jone 3:16

“God ne namhadi fara naikno te au kau nauthoglu igne. Naugna igne mana ne snakre meini thofno mae Thugna kaisei ngala mala ihei te fatutuani ni mana na ginauna theome lehe fabrahu, nu mana na karha fabrahu tifa tifa.

Kolose 1:23

Mae Kraes tangomana te eni igne mala te kegra heta fabrahu ghotilo ka nomi fatutuani na. Thosei snakreni kaisei glepo ka nauthoglu igne mala hata fadelei ghami ka puhi fatutuani teke nomhinihi ghotilo ka Nonomho te Keli gne. Hatimare mae fatutuani ra neke toutonunihi u Nonomho te Keli gne ka naikno te gnafa ka nauthoglu gne. Eghuteuna iara mae Pol, kaisei mae gloku mala toutonu nila u Nonomho te Keli gne.

Kolose 1:28

Eghume, ghehati toutonuni u Nonomho te Keli eigna mae Kraes na koba ranghidi naikno te gnafare, nei ghehati cheke faheta nei famane farirhiudi eghu koba. Ghehati cheke ka gaoghatho te keli mala tangomana te toghodi mare te gnafa na mala kotu haghe nei nheta ka nodi fatutuani na ka mae Kraes.

Thakle 22:17

Tharunga te Blahi ghe khetogna Lam na, repa ne cheke eghu, “Mei sagho!” Naikno te gnafa te nomhini cheke igne mala jaola cheke eghu, “Mei sagho!” Iheire te magnahaghei hatani u karha te theo ka gnafagna na, ghotilo mei mala koꞌu kolho ka khoꞌu te tusu mei karha igne.