Proveb 8:33 - Buka Blahi Ka Cheke Holo

³³ Te mala lalase na, ghotilo fanomho ka nogu farirhiu iara igre. Jame te tiromi fanomho ghotilo na, ghotilo ginauna theome lalase.

Proveb 8:33 Iomraidhean Croise

Proveb 1:21

Naꞌa jaola kegra ka grengatha gna namono na, ba ka vido aheva te au kmana naikno tagna na, naꞌa ne eha eghu ka mare:

Proveb 1:5

Buka igne ginauna toghoni mae ihei te lalase fara mala biꞌo salaꞌui mana nogna glalase na. Eghuteuna mana ginauna farirhiudi iheire te au tadi gaoghatho te keli mala leghuni mare nabrou te keli na.

Proveb 1:8

Thuguo, iagho mala fanomho ka nodi cheke idomu kmamu are, eghuteuna thosei thododi nodi farirhiu repa re.

Proveb 15:32

Mae te thodo hiohiro na, mana thodoni thegna. Nu mae te magnahaghei fanomho na, nogna glalase na ginauna keli fara.

Proveb 19:20

Jame te snakredi iagho keha mae te mala farirhiu nigho nei hata gaoghatho te keli teuna, iagho ginauna hata gaoghatho te keli nei glalase eghu.

Proveb 4:1

Goro sua! Fanomho fakeli ka nogu farirhiu iara igne, eghuteuna ghotilo ginauna hata gaoghatho te keli.

Proveb 5:1

Thuguo, fanomho mei ka nogu cheke iara igne. Iara magnahaghei te tusu ari famane gaoghatho te keli nei glalase eghu ka iagho.

Hibru 12:25

Eghume fanomho ghotilo eghu, thosei fofotho khulimi are ka God mae ihei te cheke teu ka ghotilo. Naiknodi Israel tifa re neke tirodi fanomho ka chekegna God te mei ka nauthoglu igne. Kate eni igne, mare neke theome rikhani fate na. Gognaro tahati nomhini chekegna God te mei funu kligna na. Tutuani fara, jame te tirodani tahati nogna cheke mana na, theo kaisei nabrou aheva nga te mala rikha tahati na!