Proveb 8:28 - Buka Blahi Ka Cheke Holo

²⁸ Iara neke kulu auhi neke lilisei nga mana khoveo gne ka maloa na, eghuteuna neke tothora nga mana glokha khoꞌu teke au ke pari glose ra.

Proveb 8:28 Iomraidhean Croise

Jenesis 1:9

Aonu God ne cheke eghu, “Khoꞌu pari igre na salo fodu mei mala kaisei ngala mala thakle haghe glose te moja na.” Khoꞌure ne thofno leghuni chekegna God na ne salo fodu mei ne thakle haghe glose te moja na.

Jenesis 7:11

Kate namno gobi finogha gnahi mae Noa igne nabritha biꞌo na ne funu mei kate ari te khaputu nabotho fitu narane re ka fapea nhigra ka finogha tuana. Ka narane tuana glose na ne bagra pea eghuteuna khoꞌu biꞌo teke au ke pari glose na ne fura haghe kligna. Eghuteuna nakhete biꞌo fara na ne funu thofa soru ka khoveo te au ka maloa na.

Jenesis 8:2

Khoꞌu te au ke pari glose ra neke theome loloro haghe. Eghuteuna khoveo te au ka maloa na ra neke theome nakhete.

Thoutonu Eigna Mae Job 26:8

Mana pipiha khoꞌu na lamna ka khoveo biꞌo. Nu neuba khoꞌu igne tahu fara, khoꞌu igne theome tangomana te rekudi khoveo igre.

Thoutonu Eigna Mae Job 38:16

“Ba, kaisei fata na iagho neke thokeni vido ka pesigna thongna na, ba iagho neke nonolohi ka pesigna nhorora na?

Nodi Khoje Hatimare Mae Jiu 104:7

Nu kate cheke faheta iagho na, u nhorora na neke kgnao soru pari. Uve, kate nomhini chekemu iagho te jateula kaisei fila teuna, u nhorora na ne tei delei fara.

Nodi Khoje Hatimare Mae Jiu 146:6

Lord mae ihei teke vuavuhadi maloa, nauthoglu, nhorora nei gobigna lepo teu te au ke lamnadi. Mana theome chaichaghi ghita, nu mana tathajini fabrahu nogna nhaꞌa cheke na.

Proveb 3:19

Ka nogna gaoghatho te keli nei glalase eghu thegna, Lord neke vuavuhadi nauthoglu ghe maloa igre.

Proveb 8:27

Iara neke kulu auhi balugna Lord ka narane teke lilisei mana maloa gne ka thofno vido mala augna na, eghuteuna mana lilisei vido aheva maloa gne nate tei thokeni nhorora na.

Proveb 8:29

Iara neke kulu auhi neke au nga nohi te mala mei snotogna thongna gne mala thosei haghe salaꞌuni vido aheva teke chekeni mana kani neke horo famaku nauthoglu igne ka mala augna na.

Matiu 8:26

Ka vido tuana mae Jisas ne cheke eghu ka mare, “Thosei mhaghu, theo kaisei nafugna te mhaghu ghotilo na! Ghotilo theome biꞌo kolho nomi fatutuani na ka God.” Mana kegra haghe ne cheke eghu faheta ka nuri na, “Beata sagho!” Eghuteuna ke jaola ka galore mala sola. Ka vido tuana nhorora na ne lehe soru ne beata fara.