Proveb 8:20 - Buka Blahi Ka Cheke Holo

²⁰ Leuleghu fata na iara leghuni puhi te keli na, eghuteuna eni kolho unha te doglo na.

Proveb 8:20 Iomraidhean Croise

Nodi Khoje Hatimare Mae Jiu 23:3

Mana tusu mei gaoghatho majaghani ka iara. Eghuteuna farirhiu ghau iara mala leghuni iara puhi te doglo na, naugna puhigna thegna Lord na thofno doglo fara.

Nodi Khoje Hatimare Mae Jiu 32:8

Lord ne cheke eghu, “Iara ginauna na farirhiu ka iagho puhi te keli te mala leghuni iagho na. Iara ginauna na tusu ari gaoghatho te keli ka iagho eghuteuna iara na reireghi nigho iagho.

Proveb 2:20

Jame te au gaoghatho te keli iagho na, iagho ginauna tei ka nabrou te doglo.

Proveb 2:9

Fanomho mei ka iara, eghuteuna iagho ginauna laseni unha te keli nei doglo teuna, nei unha te doglo te mala eni na.

Proveb 3:6

Ghathoni Lord ka gobigna lepo fateote'o, eghuteuna mana ginauna fadoglini nou nabrou iagho na.

Proveb 6:22

Kate tei iagho na, cheke igne ginauna falalase nabrou ka iagho. Kate thuru na, cheke igne ginauna reireghi fakeli nigho. Kate dofra haghe na, cheke igne ginauna tusu ranghi nigho gaoghatho te keli.

Proveb 8:19

Glepo te tusu ari iara na, keli fara salaꞌudi silva ghe gol.

Proveb 8:21

Ihei te namha ghau iara na, mana ginauna dedei fara, eghuteuna mana ginauna au nogna kmana glepo ka sugagna na.

Profet Isaia 2:3

Kmana naikno ginauna mei cheke eghu, “Mei, tahati na kafe haghe ka nogna thogele Lord, nogna God mae Jekop. Uve, tahati na ari mala pogho soruni mana ka Sugablahi na. Eghuteuna Lord ginauna farirhiu ghita mala leghuni tahati puhigna mana na.” Uve, mana ginauna eni igne, naugna chekegna Lord na ginauna jifla Jerusalem, eghuteuna mana ginauna farirhiudi naiknore heva heva ka puhigna mana na.

Profet Isaia 49:10

Mare ginauna na theome ke rofo, ba roi koꞌu. Eghuteuna nabranagna naprai nei nuri teu igre ginauna theome goigonidi. Naugna iara ne kokhoni nogudi, iara ginauna batudi mala tei ka vido aheva te au khoꞌu te keli.

Profet Isaia 55:4

Iara neke vahini mana mala baubatu nei funei frunidi eghu naiknodi ka keha kantri are. Mana neke fakakhana nogu nolaghi iara na ka mare.

Jone 10:3

Eghuteuna mae greireghi grengatha na, filo glanini mana nei na tora ranghini mana. Mana na kilodi nanghadi nogna sipure, eghuteuna nogna sipu mana re na glanini naoglagna mana na. Eghuteuna mana na batu fajifladi ke kosigna bara na.

Diutronomi 5:32

Aonu mae Moses ne cheke eghu, “Ghotilo mala faghuai eghu te mala edi gobigna lepo teke chekedi Lord, nomi God ka ghotilo ra. Ghotilo mala thofno leghudi vetula igre.

Thakle 7:17

Naugna Lam na te au ka nogna sape nafnakno mae King na, mana ginauna reireghidi jateula kaisei mae te reireghidi nogna sipura eghu. Mana ginauna baubatudi mala tei koꞌu ka khoꞌu glokha te tusu ranghidiu u karha. Eghuteuna God ginauna nuju koko kholo te gnafa ka tathadire mala theome tangomana mare te diꞌanagnafa na.”