Proveb 8:18 - Buka Blahi Ka Cheke Holo

¹⁸ Iara tangomana te tusu lao dedei nei nafnakno teu ka naiknore. Iara tangomana te togho nigho iagho mala au fabrahu nou kmana glepo te keli, nei leghuni nabrou te doglo.

Proveb 8:18 Iomraidhean Croise

Nodi Khoje Hatimare Mae Jiu 112:3

Tharaknagna mana na ginauna dedei fara nei au nodi kmana glepo te keli eghu. Eghuteuna mae te doglo ke ulugna Lord ginauna au fakeli nogna fabrahu tifa e tifa.

Nodi Khoje Hatimare Mae Jiu 36:6

Puhimu iagho te doglo na ke tulaogna tuanai, thono haghe fara jateula thogele are eghu, puhimu iagho te mala fateni naikno ne soru pari fara jateula nhorora te mamhara eghu. Lord, naikno nei hose nei buluka, nei bosu mhata, nei saba, nei nanghaji teu igre au ka khamemu iagho.

Proveb 11:4

Kate fateni Lord naikno na, sileni na theo nafugna na theome toghoni mana. Nu puhi te doglo na tangomana te fakarhini naikno na.

Proveb 24:4

Nafnata mae igne nabagna te foli thua nafnata glepo te keli mala au ka nogna suga na.

Proveb 3:16

Gaoghatho te keli na ginauna tusu ranghi nigho dedei nei togho nigho mala au raugha ka nauthoglu igne. Eghuteuna naiknore ginauna ghatho tahu nigho iagho.

Matiu 6:33

Nu te keli na, kulu hironi ghu u nakarha God te funei fruni na, nei kulu edi unha te magnahaghedi mana re eghu. Eghuteuna, God ginauna tusu ranghi ghami gobigna lepo te magnahaghedi ghotilo re.

Luku 10:42

Kaisei glepo ngala te ulu na. Meri gne ne vahini ngala glepo te doglo na, eghuteuna theo kaisei naikno nate hata fadelei igne ka naꞌa na.”

Luku 12:33

Eghume ghotilo fofoli nomi glepore mala hata sileni mala tusu lao ka naikno te kumare. Ghotilo hata thofno gloi sileni te theome tangomana te thona nei breku teu igne. Ghotilo mala salo fodu nomi dedei gna kligna te theo ka gnafa gna, nu au fabrahu. Eghuteuna kligna na theo kaisei mae te mala blau te tangomana te tei thokeni ba theo kaisei khokorosi nate ghamu fadiꞌani na.

Fapea Korin 6:10

Mare tangomana te fadiꞌa nagnafa ghami na, nu ghehati gleale'a fabrahu kolho. Ghehati kuma fara ka nauthoglu igne, nu ghehati toghodi kmana naikno mala dedei kligna. Ghehati theo kaisei nomi glepo ka nauthoglu igne, nu ghehati thofno khotodi glepo te gnafa te au kligna.

Filipae 4:19

Eghume, noda God mae ihei te khotodi gobigna lepo te gnafare, mana ginauna tusu ranghi ghami ghotilo unha te magnahaghedi ghotilo na. God tangomana te eni igne ka tahati, naugna tahati nogna naikno mae Jisas Kraes.

Jemes 2:5

Kheraguro, fanomho fakeli ghotilo ia. God neke vahidi naikno te kuma igre mala biꞌo nodi fatutuani na ka mana. Eghuteuna mana jaola neke vahidi naikno igre mala tusu ranghidi u thofno nakarha na. Eghuteuna, mana neke eni igne naugna mana neke kulu nhaꞌa chekehi te mala namhadi naikno te kuma igre.

Thakle 3:18

Nu te chekeni iara ka ghotilo na, ghotilo mala foli gol ka iara, mala thofno dedei tutuani nomi. Eghuteuna ghotilo mala foli pohe vegha ka iara, mala pipichi nei mala theome mamajadi thinimi te soesole are. Eghuteuna ghotilo mala jaola foli meresin ka iara mala nhaꞌa lao ka tathami te dofu are, mala tangomana teke fifilo fakeli na.