Proveb 8:14 - Buka Blahi Ka Cheke Holo

¹⁴ Iara tangomana te tusu lao gaoghatho te keli ka naiknore, eghuteuna iara tangomana te toghodi mare te mala eni gloku te keli na. Iara ngala gaoghatho te keli na, nei nolaghi te biꞌo na.

Proveb 8:14 Iomraidhean Croise

Thoutonu Eigna Mae Job 12:13

“Nu God kolho te au glalase te tutuani nei nolaghi teuna. Eghuteuna mana lalase fara nei ghaoghatho fakeli.

Proveb 1:25

Ghotilo figri tagrudi nogu famane cheke iara igre, eghuteuna ghotilo thufu fara kate magnahaghei fadogli ghami iara na.

Proveb 18:1

Mae te ghamu nhoto na ghathoni thegna kolho, eghuteuna mana tirognani gaoghatho te keli na.

Proveb 19:20

Jame te snakredi iagho keha mae te mala farirhiu nigho nei hata gaoghatho te keli teuna, iagho ginauna hata gaoghatho te keli nei glalase eghu.

Proveb 24:5

Mae ihei te autagna famane gaoghatho te keli nei lalase teuna, mana mae nheta tutuani fara, eghuteuna nogna kantri mana na jaola nheta fara.

Proveb 3:21

Thuguo, iagho filo fakeli nei loku famaku eghu ka nou gaoghatho te keli, nei ka nou glalase. Glahu ghatho ihodi iagho phei glepo igre.

Eklesiasti 7:19

Gaoghatho te keli na tangomana te toghoni kaisei mae mala uludi nodi nanheta nabotho mae funei te funei frunini kaisei namono biꞌo.

Profet Isaia 28:29

Lord mae ihei te au nolaghi fateote'o igne mana thono lalase fara, nei mana laseni fara te tusu mei gaoghatho te keli ka tahati na. Eghuteuna gaoghatho te keli igne mei funu ka Lord.

Profet Isaia 40:14

Ka mae ihei teke tei hiro glalase Lord na? Eghuteuna mae ihei teke farirhiuni Lord puhi te doglo na? Mae ihei teke tusu lao gaoghatho te keli nei glalase teku ka Lord na? Theo kolho!

Profet Isaia 9:6

Uve, tahati thofno gleale'a fara, naugna kaisei sua nalhaꞌu ginauna karha mei ka tahati. Lord tusu mei sua igne mala funei fruni ghami. Eghuteuna mare ginauna kiloni mana, Mae keli mala tufa gaoghatho te keli, eghuteuna God mae ihei te rheta fara, nei Kmada mae ihei te togho ghita fabrahu, nei mae biꞌo mala togho ghita mala au ka pharikeli.

Profet Jeremaea 32:19

Iagho edi glepo te biꞌo igre ka nou nolaghi te biꞌo. Leuleghu fata na iagho filo glanidi puhidi naiknore, eghuteuna iagho ke tughu fapulo ka mare unha teke eni mare na.

Jone 1:9

Thofno naphae igne ne mei kau nauthoglu gne mala kafe faphaedi naikno te gnafare.

Letas Teke Riso Tei Mae Pol Ka Khiloau Rom 1:22

Neubane cheke eghu mare, “Ghehati lalase fara,” mare la meomekrohi.

Ululahu Korin 1:24

Nu tahati naikno teke kilo ghita God ra, neubane mae Jiu ba theome Jiu, tahati laseni u thoutonu eigna Kraes igne, falalase ranghi ghita God te nolaghi nei lalase fara.

Ululahu Korin 1:30

Nu God neke togho ghami ghotilo mala kaisei ghotilo balugna mae Jisas Kraes. Eghuteuna ka Kraes na, tahati lalase fara, eghuteuna doglo fara ka tathagna God na, nei mala nogna naikno blahi mana. Kraes na jaola neke foli fajifla ghita ka nakhibo.

Kolose 2:3

Eghuteuna mae Kraes ne tothora ranghidi naikno te gnafare nogna gaoghatho te keli nei glalase eghu God teke au poru funu tifa.