Proveb 8:13 - Buka Blahi Ka Cheke Holo

¹³ Jame te ghatho tahuni iagho Lord na, iagho na theome magnahagheni puhi te diꞌa na. Iara theome magnahagheni puhi te fahaehaghe na, puhi te filo faparini ihei na, puhi te diꞌa na, nei cheke te diꞌa na.

Proveb 8:13 Iomraidhean Croise

Thoutonu Eigna Mae Job 1:1

Kaisei mae nanghagna na Job, mana au ka kantri te kiloi Us. Mana kaisei mae te keli nei doglo eghu. Mana ghatho tahuni God nei theome magnahaghei te eni kaisei glepo te diꞌa.

Thoutonu Eigna Mae Job 28:28

Aonu God ne cheke eghu ka tahati, “Ghatho tahuni Lord, igne thofno gaoghatho te keli na. Te mala hatini glalase te keli na, ghotilo thosei eni puhi te diꞌa na.”

Nodi Khoje Hatimare Mae Jiu 101:3

Iara theome magnahaghedi puhidi naikno te diꞌare. Iara ginauna na theome au baludi mare.

Nodi Khoje Hatimare Mae Jiu 119:104

Chekemu iagho re ngala te thono doglo fara ka gaoghathogu iara na. Eghume iara theome magnahaghedi puhi te chaichaghi re.

Nodi Khoje Hatimare Mae Jiu 119:128

Eghume, iara thono tirogudi fara puhi diꞌa te gnafare mala leghuni kolho nou famane cheke iagho na.

Nodi Khoje Hatimare Mae Jiu 138:6

Neuba iagho ne fnakno fara, iagho reireghidi koba iheire te au faparadi thedire. Nu naikno te fahaehaghedi thedire theome tangomana te poru ka iagho na.

Nodi Khoje Hatimare Mae Jiu 97:10

Lord na namhadi fara iheire te thono tirodini fara puhi te diꞌa na, nei mana bara fothidi kau glehe. Uve, mana fakarhidi ka iheire te diꞌa fara puhi dire.

Eksodas 1:17

Nu repa ne theome leghuni unha te chekeni king igne, naugna repa ghatho tahuni God. Kate karha sua nalhaꞌu na, repa snakreni sua igne mala karhau kolho.

Proveb 10:31

Nogna cheke naikno te doglo na mana chekeni gaoghatho te keli na. Nu mare ginauna korho fajifla glapi gna naikno te chaichaghi na.

Proveb 15:9

Lord na theome magnahagheni puhigna mae te diꞌa na. Nu mana namhadi iheire te leghuni puhi te doglo na.

Proveb 16:18

Fahaehaghe na mei ului, puhi biꞌo na mei ke leghu. Patugama na mei ului, uka na mei ke leghu.

Proveb 16:5

Lord na theome magnahaghedi iheire te fahaehaghe fara are. Mana ginauna paradi mare.

Proveb 16:6

Ghatho tahuni Lord, eghuteuna leghuni mana fabrahu, eghuteuna mana ginauna hata koko nakhibomu iagho re. Ghatho tahuni mana, eghuteuna iagho ginauna na theome tangomana te tei namo ka puhi te diꞌa na.

Proveb 3:7

Thosei ghatho nigho themu ne lalase teuna, ghatho tahuni Lord eghuteuna figri tagrudi thuagna lepo te diꞌa fateote'o.

Proveb 4:24

Iagho thosei cheke chaichaghi nei cheke diꞌa eghu, iagho chekeni kolho cheke te tutuani na.

Proveb 6:12

Naikno te diꞌa re chaghi tafridi naiknore.

Profet Isaia 13:11

Lord ne cheke eghu, “Iara ginauna parani nauthoglu igne naugna la thono diꞌa fara gognarona. Eghuteuna iara ginauna paradi naikno te diꞌa igre naugna mare ne tapla jafra fabrahu ka nakhibo. Iara ginauna nhaꞌa faparidi naikno te fahaehaghe are, eghuteuna iara ginauna goigoni fahui nodi puhi fahaehaghe mare te fakokhoanadi keha naiknore.

Profet Emos 5:15

Ghotilo lilisei puhi te diꞌa na mala leghuni kolho puhi te keli na. Eghuteuna ka fate na, ghotilo leghuni kolho puhi te doglo na. Jame te eni ghotilo igne na, God ginauna kokhoni ghami ghotilo naiknomi Israel te karha teu gognaro ra.

Profet Emos 6:8

Lord, God mae ihei te au nolaghi fateote'o igne neke nhaꞌa chekehi ka nanghagna thegna. Igne chekegna Lord na, “Iara theome magnahagheni puhidi naiknodi Israel te fahaehaghe fara igre, eghuteuna iara theome gleꞌadi nodi vido mala poru mare igre. Eghume, nodi namono biꞌo lahu mare igne baludi gobigna lepo fateote'o te au ke lamnagna igre ginauna lisa lao ka mae naoka.”

Profet Sekaraea 8:17

Ghotilo thosei eni kaisei gaoghatho te diꞌa mala goigonidi kherami re. Eghuteuna kate eni ghotilo nhaꞌa cheke na, ghotilo thosei chaghi. “Puhi te chaghidi naiknore igne, goigonidi kheradire, eghuteuna fateni naikno na ka puhi te theome doglo, puhi igre iara thofno tirogudi.” Igne nogna cheke Lord.

Letas Teke Riso Tei Mae Pol Ka Khiloau Rom 12:9

Thosei namha chaichaghi. Filo uchuni unha te diꞌa. Loku famaku ka nagnafami unha te keli.

Ululahu Tesalonika 5:22

Tafradi gobigna lepo te diꞌa.

Fapea Timoti 2:19

Nu neuba ngau, God na la liliseihi thina biꞌo na ke pari gringni ka khiloau gne, eghuteuna thina igre ginauna kegra maku fabrahu. Cheke teke risoni mare ka thina igre cheke eghu, “Lord God lasedi iheire te thofno nogna mana re”, nei keha cheke na jaola cheke eghu, “Ihei te chekeni, ‘Iara nogna Lord God’ teuna, thosei eni kaisei puhi te diꞌa.”

Ululahu Pita 5:5

Jateula tuana eghu ghotilo mae majaghani ra, nhaꞌa soru ghami themi ke paridi goro mae biꞌo are. Uve, ghotilo huju fapulo ghami themi ka puhi au faleghu mala fari totoghoi. Naugna grioriso te blahi na cheke eghu, “God theome magnahagheni mae ihei te fahaehaghe na, nu tusu lao khokofakasai ranghini ihei te au faleghu.”

Ululahu Samuel 2:3

“Ghotilo iheire te cheke fahaehaghe ra, ghotilo koko puhi tuare, ghotilo mala au kmu. Lord na kaisei God mae ihei te lasedi gobigna lepo fateote'o, eghuteuna mana fatedi puhidi naiknore.