Proveb 8:12 - Buka Blahi Ka Cheke Holo

¹² “Iara ngala u glalase na, eghuteuna iara au balugna gaoghatho te doglo.

Proveb 8:12 Iomraidhean Croise

Ululahu Kronikols 28:12

Gaoghatho igre neke tusu lao Tharunga gna God ka mae Devet, eghuteuna mana tusu lao ka Solomon. Igne gaoghatho eigna ke kosi te lithui ka Sugablahi na, nei gaoghatho eidi chogho te mala liliseidi glepo te mala loku ka Sugablahi na, nei gaoghatho eigna chogho te mala tathajidi glepo teke tusu lao naiknore ka Lord.

Ululahu Kronikols 28:19

Mae Devet ne cheke eghu ka mae Solomon, “Gobigna lepo igre au ke lamnagna gaoghatho teke riso soru iara kani teke au ka iara nogna nolaghi Lord. Lord neke tusu mei glalase ka iara eidi glepo te ikodi te au ka gaoghatho igne.”

Fapea Kronikols 13:14

Kate filoni armigna Juda te mei armigna Israel te mei magra ke ulu nei ke leghu teuna, mare ne tarai ka Lord. Aonu hatimare mae pris ne kufli trampet re.

Nodi Khoje Hatimare Mae Jiu 104:24

Lord God, iagho edi kmana glepo fara. Gobigna lepo igre falalase puhimu iagho te thofno keli fara na. Uve, nauthoglu igne fodu ka thua nafnotu fateote'o teke vuavuha iagho gre.

Eksodas 35:30

Moses ne cheke eghu ka naiknodi Israel, “Lord la vahinihi Besalel thugna Uri, gragna Hua ka vikegna Juda.

Proveb 1:4

Jame ihei te au tagna katha vido glalase na, cheke igre ginauna toghoni mana mala hata gaoghatho te keli. Eghuteuna cheke igre ginauna tusu lao gaoghatho te keli ka naikno majaghani re mala batuni mare ka puhi te keli na.

Proveb 8:5

Ghotilo iheire te theome ghaoghatho fadoglo ra, ghotilo mei, iara ginauna fadoglidi gaoghathomi ghotilo re. Ghotilo te theome lalase ra, ghotilo mei, iara ginauna togho ghami ghotilo mala hata glalase.

Profet Isaia 28:26

Mae igne laseni fara puhi te mala edi gloku igre, naugna God neke farirhiuni mana.

Letas Teke Riso Tei Mae Pol Ka Khiloau Rom 11:33

Tutuani fara, God na keli fara ka naikno te gnafare! Nogna glalase mana na biꞌo fara nei gaoghathogna mana na krepa fara! Tahati theome tangomana te filo glanini gaoghathogna God na, tahati theome tangomana te ghatho thokedi puhigna mana re!

Efesus 1:11

Gobigna lepo igre God neke edi leghuni nogna gaoghatho nei glalase teu thegna na. Mana ne leghuni nogna gaoghatho thegna na neke vahi ghita tifa mala nogna naikno Kraes.

Efesus 1:8

U khokofakasai igne mana neke tusu mei neke salaꞌui ka tahati balu gaoghatho te keli nei glalase te keli.

Efesus 3:10

Nu gognaro na God ne babana u khiloau gne mala falalase nogna glalase te keli te gnafa God ka hatimare mae engel nei keha nafnata nolaghi langau ka maloa gne.

Kolose 2:3

Eghuteuna mae Kraes ne tothora ranghidi naikno te gnafare nogna gaoghatho te keli nei glalase eghu God teke au poru funu tifa.