Proveb 7:6 - Buka Blahi Ka Cheke Holo

⁶ Kate au teu iara ka nogu suga na, iara kegra ka wida na ne filo fakosi.

Proveb 7:6 Iomraidhean Croise

Jenesis 26:8

Mae Isak ghe Rebeka neke au raugha katha vido ka namono tuana. Kaisei narane mae Abimelek mae king gna Filistia gne kegra filo neu ka wida gna suga na ne filo fakosi ni mae Isak te loku mei Rebeka na ka thinigna na.

Fapea Samuel 6:16

Kate hata te mei mare Bokis Blahi igne ke lamnagna nogna namono biꞌo mae Devet na, khetogna mae Devet, Mikal thugna mae Sol igne kegra ne filo fakosi ka wida na. Naꞌa ne filoni mae Devet te ghasa nei ragi teu balu kilo fnaknoni nanghagna Lord na. Naꞌa ne theome magnahagheni nafnata puhi te eni mae Devet igne, aonu naꞌa ne diꞌatagna fara ka mana.

Proveb 7:5

Eghuteuna jame khetogna keha mae na magnahaghei famaemahe nigho iagho mala thuru balugna, gaoghatho te keli na ginauna bara nigho, eghuteuna iagho na theome leghuni nogna cheke naꞌa na.

Famane Khoje 2:9

Kheragu iara igne famane fara jateula kaisei glepo tautagu gasele eghu, ba lase chari faghose fara jateula kaisei diꞌa eghu. Filo! Naꞌa kegrau ke leghu gringni ke kosi suga, eghuteuna naꞌa filo mei ka wida, nei filo mei lamna suga.

Jajis 5:28

“Idogna Sisera na filo fakosi neu ka wida na. Uve, naꞌa ofoni neu ke pulo meigna mana na. Naꞌa ne cheke eghu fabrahu, ‘Naugna unha si thugu iara gne teke theome faghose pulo mei gnea?’