Proveb 7:23 - Buka Blahi Ka Cheke Holo

²³ Nu mae igne theome laseni nate sukha jata na. Mana jateula kaisei nanghaji te flalo nu khale lamna fangna, eghuteuna theome laseni kolho te leghuni teu nabrou glehe na.

Proveb 7:23 Iomraidhean Croise

Proveb 1:17

Thono fameomekro fara jame te horo iagho phighoro na kate filo teu nanghaji na.

Proveb 6:26

Jame mae te thuru balugna gaꞌase vine na, mana na koko sileni ikoi kolho. Nu mae te thuru balugna khetogna keha mae na, mana ginauna fahuini nakarhagna na.

Proveb 6:32

Nu mae ihei te tapla jafra ka khetogna keha mae na, mae igne fameomekro eghuteuna mana goigonini thegna.

Proveb 7:22

Mae igne ne nomhidi nogna cheke naꞌa igre ne tei ke leghugna naꞌa jateula kaisei buluka te hata te tei mala falelehe ra neu. Ba jateula mae te noinoli te hata te tei ka suga sosolo ra neu.

Proveb 9:18

Nu mare theome laseni kolho glehedi mare na au ke lamnagna igne, eghuteuna mae iheire te tei lamna na, mare soruhi pari ke lamna beku.

Eklesiasti 7:26

Unha te filoni iara na igne, kaisei glepo te haimini iara te diꞌanagnafani iara na uluni glehe na, nafnata gaꞌase te jateula kaisei phighoro teu igne, eghuteuna khamegna na tangomana te loku famaku ka iagho jateula kaisei chen eghu. Ihei te leghuni God na tangomana te rikha na, nu naikno te diꞌa na ginauna khale ka phighoro.

Eklesiasti 9:12

Tahati theome laseni niha nau nate thoke ghita hoholo biꞌo na. Jateula sasa te khale lamna fangna, ba jateula nanghaji te khale ka phighoro, tahati jaola, hoholo biꞌo ginauna thoke ghita ka narane tahati te theome ghathoni, eghume tahati gne jateula te au teu ke lamna phighoro eghu.